¹ Nasalilepo pa lwandi ai ntakabwele na kabili mubulanda. ² Nga nalimilengele ubulanda, ninani winga sansamusha nangu ni ulya wine nalengele ubulanda? ³ Nalembele pakuti ulo naishile kuli mwebo ntacenenwe na kabili no kusekelela nandi. Nalikwete isubilo lya kuti mwebe bonse insansa shibe ni nsansa isho bonse mwakwata. ⁴ Nalembele kuli mwebo mu bucushi, ukukalipwa kwa mutima, nemisoshi iingi. Ntalembele kuli mwebo ai mukabe ababulanda. Lelo, nalikufwaya ukushika kwa citemwiko namikwatila. ⁵ Nga umuntu alipangila ubulanda, tapanga ubulanda kuli nebo neka, nomba mu cipimo- takuli cisendo- kuli mwebo bonse. ⁶ Ukupanikwa kwa uyo muntu kube kuli mwe bengi kulilingile. ⁷ Eico nomba ukucila ukupanika, mufwilefe mwamwelela no kumutalalika. Mulekucita ifi pakuti ubulanda bwicilamo. ⁸ Eico nkomikoselesha ukushinikisha icitemwiko mwamu kwatila. ⁹ Uya emulandu nalembele, pakuti imyeshe no mkwishiba nga cakuti mulabelela muli fyonse. ¹⁰ Nga mwabelela umo luso, ninshi nabena mubelela uluse. Ico nabelela uluse- nga nalibelela uluse icili conse- caelelwa pa mulandu wenu mu menso yakwa Klistu. ¹¹ Ici cili fyo pakuti Satana etubepa. Pantu twalimwishiba amapange yakwe. ¹² Icibi caisukile kuli nebo na Shikulu ulo nafikile ku musumba wa Troa ku sambilisha imbila yakwa Klistu kulya. ¹³ Ntakwete kutusha ku mupashi wandi pantu ntasangile munyina Tito kulya. Eco nalibashile kulya naile ku Makedonia ¹⁴ Nomba ukutasha kuli Lesa, uutungulula muli Klistu pakuti tucimfye. Muli fwebo asokolola ukumunakila kwa mano muli fyonse. ¹⁵ Pantu kuli Lesa nifwe kunakila kwa Klistu, bonse pamo nabo abapusuka napakoya kubonaushi. ¹⁶ Ku bantu abakoya kubonaushi, uunakila kwa mfwa ukuya kumfwa. kuba kopusuka, kunakila ukufuma ku bumi ukuya ku bumi. Nani uo filingile ifi fintu? ¹⁷ Tatwaba ai bantu abengi abashitisha icebo, abafuma cumi, tulandila muli Klistu, ngefyo twatumwa kuli Lesa mu menso yakwa Lesa.