¹ Uno muku wacitatu nkoisa kuli mwebo."Emulandu onse kuti waishibikwafe pantu twaba kambone babili nangula batata. ² Nalyebele kabela bonse aba bembwike nabashala ilyo nali kulya umuku wacibili,nkososa nakabili: Ulo nakubwela ntamuleke. ³ Nkomweba ifi pantu mukofwaya ukushininkisha ai kristu eukososa muli nebo.Tali munake pali mwebo.Lelo wamaka muli mwebo. ⁴ Pantu alitanikwe mukunaka ,lelo wamweo mumaka yakwa Lesa.Pantu nafwebo bonse twalinaka muli ena,lelo twalikwata umweo muli ena ukupitila mumaka yakwa Lesa muli mwebo. ⁵ Ipitulukenimo mwebene,ukubona ngamuli mucitetekelo.muyeshe mwebene .Tamukofimona mwebene,ukwebai Yesu Kristu aba muli mwebo -kanofe ,ngacakuti,namufilwa. ⁶ Nkosubila ai mukoiluka ai tamwafilwe amesho. ⁷ omba tukopepa kuli Lesa ai tamwakalufyanye .nshikopepa ukweba ai mwimoneka ngabapitile amesho. ⁸ Pamtu tatukocita ifintu nangu fimo ifyakupinkana ne cishinka ,kanofe icishinka. ⁹ Pantu tulasangalala ngatwanaka na mwebo mwaba abakosa.Tulepepa ukweba ai mube abapwililika. ¹⁰ Nkolomba ifif fintu ulo ntali na mwebo pakweba ai ulo nakuba namwebo ntakabomfye ubukali kuli mwebo ukulingana nensambu isho shikulu ampela pakweba ai imikuule tali kumitoba iyo . ¹¹ Pakulekelesha, bamuninane,Samweni!Mube aba cishinka ,koseleshanyeni ,mube abapelana amano,mwikale mumutende .Na Lesa watemwa no mutende mbenamwebo bonse. ¹² Poshanyeni nokuitomona kwamushilo.Nabantu bakwa Lesa abashila bamiposhe. ¹³ Ukusenaminwa kwakwa shikulu Yesu Kristu nokutemwa kwakwa Lesa nokusengelwa kwakwa mupashi wamushilo namwebo bonse.