¹ Nindinga ukutakishisha,nangufe tacikwete kantu.Lelo nkatwalilila kufimonwa elo nokusokolola ukufuma kuli shikulu. ² Nalishiba umuntu muli Yesu uwamyaka ikumi na ine lyapita -cibe mumubili nangu kunse yamubili,nteshibile Lesa alishibe uwaiketwe mumulu wacitatu. ³ Nanebo nalishiba ai,abe mumubili nangu kunse yamubili ,nteshibile ,Lesa alishiba ukweba ai uyu muntu cibe mumubili nangu kunse yamubili ,nteshibile Lesa alishiba- ⁴ Uwaiketwe mumusumba elo nokumfwa amashiwi ayashinga londololwa ukweba ai,abantu tabasuminishiwe ukusosa. ⁵ Palubali lwa uyo muntu nkatakisha.Lelo palubali lwandi nemwine nshakatakishishe ,kanofe pakunaka kwandi. ⁶ Nganasala ukutakisha ,ntakabe uwatumpa,pantu nkayo ukusosa icishinka.Lelo nkataluka kukutakisha ,pakweba ai ,nangufe umo ekatontonkanya ifingi pali nebo ukucila ifyo amona muli nebo nangu ukumfwa. ⁷ Ukuntalusha kuku isumbula pamulandu wamaka ayakulu ayakusokolola ,umunga mumubili walipelwa kuli nebo ,intumi kuli Satana kukuncusha ukweba ai niisumbula nemwine. ⁸ Imiku itatu nalipapati;e shikulu pali ifi ukweba ai ,afumye pali nebo ififintu. ⁹ Lelo asosele ai,icikuuku candi califula pali webo,ico amaka ayapalwa aya mupwilapo mukunaka."Eico kuti natakisha pakunaka kwndi ,pakweba ai,amaka yakwa Yesu yabe pali nebo. ¹⁰ Eco ndi uwapama pamulandu wakwa Yesu mukunaka ,mumusebanya ,mumafya ,mukupakaswa,elo namubulanda .Pantu lyonse ulo ndi uwanaka ,ninshi dni uwakosa . ¹¹ Naisa uwatumpa ! mwebampatikishe kuli ifi,pantu ndelumbanishiwa kuli mwebo .Pantu nshali pabetwa abatumwa bamaka ,nangu nshaba nangu cimo. ¹² Icishinka camutumwa nefishibilo fyalicitike muli mwebo mukushipikisha konse,ifishibilo elo nefipapwa elo nefisungusho. ¹³ Pantu mwali shani abacepesha ukucila ifilongani no ifyacepesha ,ukufumyapo ukweba ai ,nshali icisendo kuli mwebo ?Munjeleleko pakulufyanya uku! ¹⁴ Lolesheni ninjipekanya ukwisa kuli mwebo umuku wacitatu.Ntakabe icisendo kuli mwebo,pantu nshifwaya ifyenu.Nkomifwaya,pantu abana tabasungila abafyashi .Lelo abafyashi basungula abana . ¹⁵ Nkaposa nensansa elo nokuposa pamipashi yenu.Nganamitemwisha ukucila ,kuti natemwikwa apanono ? ¹⁶ Lelo ngefyo caba ,nshamititikishe lelo pakuba uwacenjela ,bushe namwikatile kulunkumbwa mwa? ¹⁷ Bushe nalimucenjeshe muli umo uwali muli balya natumine kuli mwebo. ¹⁸ Nalikoseleshe Tito ukuya kuli mwebo,elo nalitumine na umbi wabo ukuya nao.Bushe Tito alimupuswilepo ?Bushe tatwaendele mumupashi umo wine ?Bushe tatwaendele muntampulo shimo shine? ¹⁹ Muletontonkanya ukweba ai,iyi nshita yonse twakuicingilila kuli mwebo?"Nimu menso yakwa Lesa emo tusosela muli Yesu Kristu ,kulwa kumukula. ²⁰ Pantu nkotina epali pakubwela naisa kumisanga mumisango iyo nshitemenwe ;limbi kuti kwaba ifikansa akalumwa ,icipyu,ululumbi,ulwambo ,utuntepentepe,ifyakuisansabika elo necimfulunganya. ²¹ Ndetina ukweba ai ulo nkabwela ,Lesa wandi akancita uwaicefya kuli mwebo.Akanenga ukulosha abantu abengi abalebembuka akale kaili abashilapita mukukowela elo nabu cilende ifyo bali kucita.