¹ Ulo nakwisa kuli mwebo,bamuninefwe,ntakese nokulanda ukwapwililika nangula namano yakutalikisha pa bunte bwakwa Lesa. ² Pantu ntalefwaya ukwishiba akantu nelyo kamo pali mwebo kanofe pali Yesu Kristu,uwapopelwe. ³ Nangu nali naimwe nali uwanaka na umwenso kaili naletutuma nganshi. ⁴ Na ukubila kwandi nokushimikila kwandi tafyali mashiwi yakunsha amano,lelo emwamonekele amaka nomupashi, ⁵ Pantu icitetekelo cenu tacaba mumano yamuntunse lelo mumaka yakwa Lesa. ⁶ Nomba tulanda amano kubakosoka lelo temano yamuli ici caalo,nangula ayantungulushi shabwikashi buno ,abo impela ili mupepi. ⁷ Lelo,tulanda amano yakwa Lesa munkama yacishinka ,amano yafiswa ayo Lesa alingile libela libe buno bwikashi tabulaba mukuleta ubukata. ⁸ Takuli intungulushi shabwikashi buno uwaishiba,ngabalishibe ,ngatapopelwe shikulu uwacindama oacimuti. ⁹ Lelo calembwa ai,"Takuli ilinso ukumona ,takuli ukutwi ukumfwa,nomutima wamuntu tawafitontonkenye .Findo Lesa apekanishishe abo bonse abamutemwa"- ¹⁰ Pantu Lesa nikuli ifwe afisokolwele mumupashi ,pantu umupashi ufwailisha muli fyonse ,namufyashika fyonse fyakwa Lesa. ¹¹ Ninani uwaishiba ifyaba mumunankwe kanofe mupashi. ¹² Lelo tatwapokelela umupashi wa muli ici calo lelo mupashi uwa fuma kuli Lesa, pakuti twishibe ifintu twapokelela ukufuma kuli Lesa. ¹³ Tulanda pali ifi fintu mumashiwi te mumano yabuntunse lelo mupashi, ukulondolwela, ¹⁴ Umuntu uushapokelela ifintu igya fuma kumupashi wakwa Lesa, kuli ena buwele-wele, tekuti asumine pantu mupashi eu ceceta. ¹⁵ Lelo uutungululwa no mupashi uceceta fyonse, lelo tapingulwa kuli bambi. ¹⁶ "Nani waishiba ukutontonkanya kwa kwa shikulu, pakuti akusambilishe?" Lelo ifwe twakwata amatontonkanyo yakwa Kristu.