¹ Musa kan tala fok fi mahalat ta moab le jebel nebo, fi mahal al fok kalis ta Pisgh, al fi aks ta Ariha. Hinak yahwah kan wori le huwo kulu wata ta jilad w beid lahadi le Dan, ² Wa kulu Naftali, wa wata ta Ephraim ma Manasi, wa kulu wata ta Yahuza, fi jihat ta garib le bahar, ³ Wa al Nageb, wa mahal a wadi ta Ariha, al medina ta Nakiel, lahadi beid fi zoar. ⁴ Yahweh kan kelim le huwo de yau beled/wata al ana kan halifu le Abraham, le Ishak, wa le Yacoub, gali ana bi wodi le ahfad bitakum ana kalas rudu le inta ashan bi ayinu ma ena bitak, lakin inta ma bi ruwa hinak ⁵ Be kida, Musa abid ta Rabuna/Yahwah kan mutu hinak fi arid ta Moab, ze ma yahwah kan waadu fi kelima bitoo ⁶ Yahweh kan dofunu huwo fi wadi al fi beled ta Moab aks bet peor, lakin mafi kan aruf mahal ta gubur too lahadi alela. ⁷ Musa kan indu miya wa ishirin sena fi zaman al huwo kan mutu. Ena too kan ma duluma, wa guwa ta gisim too kan ma kalasu. ⁸ Nas ta Israel kore Musa fi sahara ta Moab le muda teleteen sena, wa bad ayom ta kore ta Mosa kalasu. ⁹ Yoshua jena ta Nun kan maliyan ma roho wa hikma, le anu Musa kan kutu ida too fogo huwo, nas ta israel kan gi asma le huwo wa kan gi amulu hajat al yahwah kan wosi le Musa. ¹⁰ Kan mafi nebi arfau zan dak fi israel ze musa, al yahwah kan aruf wusa be wusa. ¹¹ Kan mafi ayi nebi ze huwo fi kulu alamat wa ajaeb al yahwah kan rasulu keli amulu fi beled ta masir, le faraun, wa le kulu abid bitoo, wa fi kulu beled bitoo. ¹² Kan mafi nebi tani ze huwo fi kulu guwa, amaal ta kuwafu al kan musa amulu gidam wa .fi ena ta israel kulu