¹ Wokit Yahweh Allah takum gata bara umam, del al ardi tomon Yahweh wodi le intakum, wa intakum, ja baad humon wa ish fi medina wa biut tomon, ² Itu lazim bi igtar talata mudun le nefsatakum fi nus ta ardi takum al Yahweh gi wodi le intakum ze mumtalak. ³ Itu lazim bi abinu sika wa gesimu hudud ta ardi ila talata, al ardi al Yahweh bi wodi le intakum ashan warisu, ashan aiya wahid al katulu zol tani bi jere hinak. ⁴ De talimat an zol al katulu shaks wa jere min hinak ashan ankizu haya towo al wahid al katulu mabe gasit kasheten jeran towo budun kerehia le huwo fi zaman ta hadith de. ⁵ Sebil al mithal, iza al rajil ruah le gaba ma jeran towo ashan gata kashap, wa huwo gata ma fas towo ashan gata shejera, wa fas de ras towo meles bara min kasap towo wa dugu jeran towo wa katulu huwo, yala rajil de bi jere le lazim lemudun de wa ankis haya towo. ⁶ Au dafa dom bi ruah wara rajil al shilu de, wa be harara ta zil towo shilu huwo, iza kan masafu de baid, kalis, bi dugu huwo wa bi katulu, hata lokan al rajil de ma bi istehik ashan mutu, mahma kan huwo ma endu kerehia ma jeran towo bedri. ⁷ Ashan kida ana gi amiru intakum ashan igtar talata mudun le nufuskum. ⁸ Iza Yahweh Allah takum kebiru hudud takum, ze huwo halifu le judud ashan amulu, wa wodi le judud takum; ⁹ Iza kan intakum hafisu kulu wasaya de ashan amulu humon. Al ana gi amiru makum allele alamir ashan hibu Yahweh Allah takum wa daiman douru fi sika towo, yala intakum lazim bi zidu talata mudun tani le nufustakun, fi raas talata dak. ¹⁰ Amulu de ashan dom ta abiriya mabi dofugu fi wasat ta ardi al Yahweh Allah takum wodi le intakum ze warisa, ashan kida mafi katiya ta dom bikun fikum. ¹¹ Lakin iza aiya wahid kerehu jeran towo, mum ashan intozur huwo, gum didu, wa awugu huwo fi jism ashan huwo yemut, wa iza kan huwo jere le wahid min mudun ¹² Yala al shiuk ta medina towo lazim bi rasulu ashan ye jibu huwo wara min hinak wa gelibu huwo le yeden ta dafa dom, ashan huwo bi mut. ¹³ Ena takum keli ma rahamu; itu lazim bi tala kata ta dom min Israel ashan huwo bi yemshi kuwes makum. ¹⁴ Itu mabi shilu alama ta ardi ta Jeran taki alhuwo kutu baadiri, fi warisa takum ashan ita bi warisu, fi ardi al Yahweh Allah takum wodi le intakum ashan shilu. ¹⁵ Wahid shahid mabi lazim gum did al rajil ashan katiya, au le aiya kata, fi aiy muskila gal huwo akta. Fi kashma ta ethnen shuhudiin, au fi kashma ta talata shuhud, lazim aiya muskila be akida. ¹⁶ Imkim al shuhud al ma sa gum did aiya rajil as shahid didu ashan amael al batal. ¹⁷ Yala kulu rujal, de al muskila fi nus tomon, bi wogif gidam Yahweh, gidam ta Gusus wa gudaa al bi gedim fi ayam dak. ¹⁸ Al gudaa lazim bi yasal sualat al hakim; ainu, iza kan al shahid huwo shahid al kazab wa ashad galad did akuu, ¹⁹ Yala lazim itu bi amulu lou, ze huwo itmana amulu le aku towo; wa intakum bi shilu bara shar min nustakum. ²⁰ Yala le Del fadulu bi asuma wa kafu, wa tani mara mabi amulu shikil shar ze de fi nustakum. ²¹ Uyun takum makeli hin, hayaa bi dafau ma haya, ena bi dufau ma ena, shunun bi .dafau ma shunun, yeden bi dafau ma yeden, kura ma kura