¹ Al gusus al Lawiin, wa kulu gebila ta Lawi, mabi indu akil au warisa ma Israel; Humon bi akulu tekdima lzaim alta Yahweh al amulu ma nar ze warisa. ² Humon mabi indu lazim warisa fi wasat akuwa num; Yahweh yau warisa tomon. ³ De yau sharaka al wodi le Gusus, wodi le humon min nas al gi gedim zebiha, kan bikun tor wala koruf: al kidfa, ethnen kureen, wala masarin. ⁴ Al awel samar ta dura takum, ta merisa takum al jedid. Wa ta zel takum, wa awel igil ta koruf takum, itakum lazim bi wodi le huwo. ⁵ Le Yahweh Allah ta kum hailu huwo min kulu gabail ashan yegdim fi isim ta Yahweh, huwo wa aulat towo ilel abad. ⁶ Iza al lawi ja min aiya medina bara min kulu Israel al mahat al huwo deiru min kulu rohu keli ja fi mahal al Yahweh igtar, ⁷ Yala huwo lazim bi yekdim fi isim ta Yahweh Allah towo ze kulu akunanu Lawiin bi amulu, al bi wogif gidam Yahweh. ⁸ Humon lazim bi endu nefsu akil ashan akulu, bara min al gi ja min bae ta warisa ta usra towo. ⁹ Lokan itakum ja le mahal al Yahweh Allah takum wodi le itakum, itu mabi alimu tabi hajat haram ta alaam. ¹⁰ Mabi yekun aiya wahid albi gedimu jena towo, au binia towo fi nar, au aiya wahid albi istakdim sihir au bi wori hajat al gidam au terjimu, au sahara. ¹¹ Le aiya zol albi amulu hajat de huwo haram le Yahweh; ¹² Ashan haram ze de Yahweh Allah takum bi turuju humon bara min gidam takum. ¹³ Itu lazim bikum bila lom gidam Yahweh Allah ¹⁴ Le uman albi istakdim sihir keli itakum asuma le del albi marisu sihir wa kajara, lakin le itakum, Yahweh Allah takum ma rudu ashan itakum amulu. ¹⁵ Yahweh Allah takum bi gomu nebi fi wasad itakum, wahid min Akuwan kum, ze ana. Itu lazim asuma le huwo. ¹⁶ De yau shunu al itakum asalu min Yahweh Allah takum fi Horeb fi yom ta tajamu, galy, keli ena ma asuma tani sot ta Yahweh Allah tena. Wala inu nar al kebir de tani au ena bi mutu; ¹⁷ Yahweh kelim le ana, alhumon asalu huwo kuwes. ¹⁸ 18Ana bi arfa nebi le humon min akuwana tomon, ze itakum. Ana bi kutu kelima tai fi kasma towo, wa huwo bi kelim le humon kulu al an amiru huwo. ¹⁹ Bi hasil kida iza kan aiya wahid ma asuma le kelima tai gal huwo gi kelim fi isim tai, ana bi asalu min huwo. ²⁰ Lakim al nebi albi kelim kalam be takian fi isim tai, kelima al ana ma amiru le huwo ashan kelim au al gi kelim fi isim ta alliha tamin, nebi dak bi mut. ²¹ De keli itakum kelim fi gelba takum: kef ena bi lahizu risala al Yahweh yau ma kelimu? ²² Itu bi lahizu risala al Yahweh yau ma kelimu wokit nebi kelim fi isim ta Yahweh. Iza kan ajede ma hasil au zahir, yala de haja al Yahweh ma kelim anu wa al nebi kelim fi isim ta Yahweh. Iza kan ajede ma hasil au zahir, yala de haja al Yahweh ma kelim anu wa al nebi kelim be takiyan wa .itu lazim keli ma kafu huwo