1
Itu lazim mabi gedim zebiha le Yahweh Allah takum tor au koruf al endu loma au haja al batal,
de bikun haram le Yahweh Allah takum
2
Iza kan de ligo fi itu fi dakil adouab ta medina takum al
Yahweh Allah takum wodi le itakum, aiya rajil au mara al amulu haja al sherir fi ena ta Yahweh
Allah takum wa kasuru al amina
3
Aiya wahid al ruah abidu alliha wa dengiry tehed le hum, kan
shemis, Gamara, au aiya min kainat al fi sama mifi al ana amiru
4
Wa iza kan wori le itakum an
de, au iza kan itu asuma an de yala lazim bi amulu tahgig tamon iza kan ligo de hag sikil Haroon
de ligo fi Israel, de yau haja al itakum bi amulu.
5
Itu bi jibu rajil de au mara de al amulu shar
de, le abuab ta medina, rajil de au mara, lazim bi rejimu ma hajer lahadi mutu.
6
Fi kasma ta
ethnen shuhud, au talatha shuhud keli huwo al lazim yumud keli katulu; lakin iza kan fi kasma
ta wahid shahid huwo mabi katulu.
7
Al yedem ta shahid lazim bi kun al awel ashan kutulu huwo,
wa baadak yeden ta kulu al nas, wa itakum bi tala alshar min nustakum.
8
Iza kan muskila gum
al gawi le itakum as hakimu imkin sual wahid ta dom kubu au tani, ta gata gedia ma ganun au
haja, au wahid shikil jara au tani muskila al saab fi dakil abuab ta medina yala itakum bi ruah fi
mahal al Yahweh Allah takum igtar.
9
Itu bi ruah le Gesis, al judud ta lawiin wa le Gadi al bi kadimu
fi zaman dak; itakum bi asalu irshada. Tomon, wa humon bi gatta gedia.
10
Yalla itakum lazim bi
amulu le hasap haja al humon amiru itakum keli amulu, fi mahal al Yahweh bi igtar. Amulu hisap
ashan amulu kulu al humon be derisu le itakum.
11
Taabi ganun al humon gi derisu le itakum, wa
amulu le hasap kara al humon bi wodi lekum. Matakum gilibu bara min shunu alhumon bi wori le
itakum, le yomiin au yeden shimal.
12
Aiya wahad al amulu shokol takian al ma deiru asuma hata
le Gesis albi wogif ashan kadimu le Yahweh Allah takum wala le Gadi al rajil dak bi mut; itu bi
shilu shar bara min Israel kulu kulu.
13
Kulu al nas lazim asuma wa kafu, wa ma kun takian tani.
14
Lokan itakum ja fi ardi al Yahweh Allah takum wodi le itakum, wa kan itakum shilu mumtalakat
towo wa bada ish fogo, wa itu bada kelim, ana bi amulu melik fi nefsi, ze kulu al umam al hawily
ana;
15
Yala ita lazim hagiga bi geni melik le nefuskum zol tani al Yahweh Allah takum bi igtar. Itu
lazim bi geni melik fi nufuskum zol tani min nus akuan kum. Itu mabi kutu ajnebi, alma akuk, fok
nefsak.
16
Lakin huwo lazim mabi ketiru hasasin le nefsu, wala amulu nas kede rija le Masir ashan
humon bi ketiru Hasasin, fi Yahweh kelim le itakum, itu ma kede rija ma sika dak tani.
17
Huwo
ma kede ma shilu lazim le nefsu nasawin ketir, ashan gelbu kede ma gelibu bara. Huwo mabi
limu le nefsu fida wala dahap.
18
Wokit huwo geni fi kursi ta mamlaka towo, huwo lazim bi katifu
le nefsa two nusga min ganun de min al ganun alfi jubu Gesis. Al humon lawiin.
19
Al kitab de
lazim bi kun ma huwo, wa huwo bi agara lazim fi kulu ayam ta haja towo, ashan huwo bi alimu
igtaramu Yahweh Allah towo. De ashan bi hafisu kulu kelimat alfi ganun de, ashan bi hafisu wa
taabi humon.
20
Huwo bi amulu de lazim ashan gelba towo ma bikun arfa fog min ta akuana towo,
wa ashan huwo mabi tala bara min wasaya, le yeden yomiin wala shamal, ashan huwo bi towil
.ayam towo fi mamlaka, huwo wa kulu agial towo fi wasat ta Israel