1
Hafisu shahar ta Aviv, wa kudu eid dehia le Yahweh allah takum, le anu fi shahar ta AVIV Yahweh
tala itakum bara min Masir be belel.
2
Intukum bi gedim zebiha dehia le Yahweh Allah takum ma
juzu min bahaim fi mahal al Yahweh bi iktar ashan amulu mahal guad fi isim towo.
3
Inta ma bi
akulu eash be kemira de ma huwo. Saba yam ita bi akulu eash budun kemira de ma huwo al
kubs ta tab; itakum tala min ardi ta Masir fi trab. Amulu de fi kulu haya takum ashan itakum
bi zekir al yom al itakum tala bara min Masir.
4
Kemira mudta saba yam lazim ma be shufu fi
itakum dakil kulu hudud takum, wala lazim kulu laham al itakum gi wodi tekdima fi misa fi yom
al awel geni lahadi sabaa.
5
Intakum mabi gedim zebiha ta eid dehiya fi dakil aiya baab medina al
Yawhweh Allah takum wodi le itakum.
6
Bel ax, zebiha fi mahal al Yahweh Allah takum bi hazilu
wa bi amulu de wmahal ta geni le isim towo. Hinak yau itakum bi gedim zebiha ta eid dehiya
fi misa fi gurub ta shemis, fi zaman dak itakum tala min Masir
7
Intakum bi haragu wa akulu fi
mahal al Yahweh bi igtar; fi sabaa itakum bi rija wa ruah te kemat takum.
8
Fi sita ayam itakum bi
akulu eash budum kemira fi yom al sabe bikun tajamu be igtiram le Yahweh Allah takum; fi yom
dak itakum mabi amulu shokol.
9
Intakum bi idu saba asabe le nufuskum; min zaman al Intakum
bada kutu seresere fi geme takun Intu bi bada idu saba asabe.
10
Intu lazim bi kutu eid ta asabe le
Yahweh Allah takum ma ta kdima hadija min irada taki min yedem taki al ita bi wodi. Ze Yahweh
Allah takum bariku Intakum.
11
Intu bi afrah gidam Yahweh Allah takum ita, aulakum, banad kum,
kadam taki al rajil, kadama taki al mara, al lawiin al fi baab medina takum, wa ajnebi, al atimiin,
al armala al fi wasad takum fi mahal al Yahweh Allah takum bi igtar ashan kun mahal ta geni ta
isim towo.
12
Intakum bi zekiri gal Intakum kana bid fi masir; Intakum lazim bi hafisu wa amulu
ganun de.
13
Intakum lazim bi hafisu eid ta kema le muda saba yom baad kan Intu limu hasat
min wata min tabaja takum.
14
Intakum bi afrah fi zaman ta eid dak- Intu, aulatkum, banatkum,
kadam abu rajil, kadama al mara, al lawiin, wa al ajanib, wa atimiin, al armala, alfi jambu baab
taki.
15
Fi saba ayam Intakum bi hafisu lazim eid le Yahweh Allah takum fi mahal al Yahweh bi
igtar, ashan Yahweh Allah takum bi bariku Intakum fi kulu hasat wa shokol ta yedem takum, wa
Intakum lazim I kun mosruriin.
16
Talata marat fi sena kulu rujal lazim bi zahir gidam tai Yahweh
Allah takum fi mahal al huwo bi igtar; fi eid ta eash bila kemira, fi eid ta asabe, wa fi eid ta kema.
Mafi zol bi zahir gidam Yahweh ma yeden fadi;
17
Bel ax aiya rajil bi jibu hadaya ze Yahweh Allah
takum bi wodi le Intakum;
18
Intakum bi amulu gudaa wa kuttaba fi kulu baab ta mudun takum
al Yahweh Allah takum wodi le Intakum humon bi shilu min aiya gebila takum, wa humon bi
hukumu nas ma adala al adil.
19
Intu ma bi shilu adala bbara ma guwa; Intu ma bi shilu roshuwa,
le anu roshuwa gofulu wusa ta zol al zeki wa bi agilibu kelimat ta hag.
20
Intu bi tabi baad adala,
baad adala bes, ashan Intu bi ish wa warisa al ardi al Yahweh Allah takum wodi le Intakum.
21
Intu
mabi lazim amulu le nufuskum allah, wala aiya hamut, bara min mazbah ta Yahweh Allah takum
al Intakum bi amulu le nufuskum.
22
Wala lazim amulu le nefsak aiya hamut ta hajer be siri, al
.Yahweh Allah takum bi karahu