¹ Del yau al qawaniim wa al kararat al inta bi hafizu fi ard al Yahwa Allah taki, Allah ta abuhat takum, wodi le inta ashan bi imtelik, fi kulu ayam al inta bi geni fogo ard. ² Inta bi demiru kulu al mahalat al fogo umam al inta bi turuju abidu rabunat toumon, fok ta jebel, fok ttalal, wa tihit aye shajar akdar. ³ Inta bi tihit mazbaha toumon, kasuru huja ta amida toumon, wa haragu amida ta alsuwur toumon. Inta bi gata tihit al arqam ta rabunat toumon al afurao wa demiru asam toumon al fi mahal dak. ⁴ Inta bi ma bi abidu Yahwa Allah taki ze de. ⁵ Lakin lr mahal al Yahwa Allah taki bi iktar min gabayiel ashan bi kutu isim tou, al bi kun mahal al huwo bi geni fogo, wa huwo hinak ita bi ruwa. ⁶ hinak inta bi jibu zebeha ta tedhiya, alushur, wa zebeha al bi gedimu ma yadan taki, zebeha taki ta waad zebeha taki ta huriya, wa ta bikr ta qutean wa majumuat. ⁷ Hinak yau inta be akulu gidam ta Yahweh Rabuna taki wa itmata fi kulu ai haja al inta shtakal ma iden taki, inta ma osura taki, al Yahweh Rabuna taki baraku intu. ⁸ Inta ma bi amulu kulu hajat al anina bi amulu hini alela; hasa kulu zol bi amulu aye haja al kwes ma uyuun tou; ⁹ leanu inta ma ja le bagi mirrath al YahwaAllah taki bi wodi le inta. ¹⁰ Lakin zaman inta ruwa fok lr urdon wa geni fogo ard al Yahwa Allah taki al sibu inta werisa wa huwo bi wodi le inta raha min kulu aeda al hawili inta, ashan inta bi ish fi salama. ¹¹ Yalla biga le mahal al Yahwa Allah taki iktar ashan bi isim tou bi geni__hinak inta bi jibu kulu haja al Ana amiru inta: zebeha al mahruug, ttadhiat, ushur, wa zebeha al bi gedimu ma yadan taki, wa zebeha al inta bi iktar le waad al inta bi waadu Yahwa. ¹² Inta bi afrah gedam Yahwa Allah taki inta wa iyal taki, banat taki, kudam taki al rijal, kadimat taki, wa lawiin al fi bab taki, leanu--- huwo ma indu gesma aw mirrath fi nus takum. ¹³ kutu bala le nefsa taki inu inta kede ma gedimu zebeha taki le aye mahal al inta bi ayenu; lakin huwo bi kun fi mahal al Yahwa bi iktar min nus ta gabayiel ¹⁴ takum al inta bi gedimu zebeha al haragu, wa hinak inta bi amulu kulu haja al ana amiru inta. ¹⁵ wa bi keda inta bi katulu wa akulu haywanat al fi bab taki, ze ma inta der, istalim baraka ta Yahwa Allah taki leanu kulu al huwo wodi le inta zol al nedif wa al ma nedif bi akulu min fogo, haywanat ze zaddi wa alghazal. ¹⁶ Lakin inta ma bi dom; inta bi kubo bara fogo turaab ze moyo. ¹⁷ Inta ma bi akulu fi bab taki min ushur ta gamah taki, khamr taki, ziet, aw bikr ta qataen; wa inta ma bi akulu aye min laham al inta ma bi gedimu ma aye min wueud al inta amulu, wele zebeha al ta huriya, wele al ta zebeha al inta gedimu ma yadan taki. ¹⁸ Lakin, inta bi akulu huwomon gedam ta Yahwa Allah taki fi mahal al Yahwa Allah taki bi azilu le inta, iyal taki, banat taki, kudam taki al rijal kadimat, wa al lawiin al fi bab taki; inta bi afrah gedam ta Yahwa Allah taki ann kulu hajat al inta kutu fogo nyadan taki. ¹⁹ Kutu bala le nfsa taki ashan inta ma bi sibu lawiin ze ma inta bi geni fogo ard taki. ²⁰ Zaman Yahwa Allah taki kebiru hudud taki, ze ma huwo waadu inta, wa inta kelimu, Ana bi akulu laham leanu nia taki ashan bi akulu laham, inta bi akulu laham, ze nia ta nefsa taki. ²¹ Kan mahal al Yahwa Allah taki iktar ashan bi isim tou fogo beit min inta, yalla biga inta bi katulu juzu min qataen taki wa majumu al Yahwa wodi le inta, ze ana amiru inta; inta bi akulu fi bab taki, ze nia ta nefsa taki. ²² Ze al zebbi wa al ghazall bi akulu, Fa inta bi akulu huwo; al nedif wa zol al ma nedif bi akulu ze ma huwo der. ²³ Bes kun mutaeqit inu inta ma akulu dom, leanu dom huwo ze haya; ²⁴ inta ma bi akulu al haya ma laham. Inta bi ma bi akulu; inta bi kubo huwo bara fogo ard ze moyo, ²⁵ Inta ma bi akulu ashan huwo bi kun kwes ma inta, wa ma iyal taki al bad inta, zaman al inta bi amulu haja al haqq fi uyuun ta Yahwa. ²⁶ Lakin hajat a tabe le Yahwa al inta indu wa al zebeha ta waad__inta bi shilu del wa ruwa le mahal al Yahwa iktar. ²⁷ Hinak inta bi gedimu zebeha taki, al laham wa dom, fogo mazbaha ta Yahwa Allah taki; al dom ta ttadhia bi kubo bara fogo mazbaha ta Yahwa Allah taki, wa inta bi akulu al laham. ²⁸ Raqib wa asuma le kulu kelimat del al ana amiru ma inta, ashan bi kun kwes ma inta wa iyal taki bad iilaa al abad, zaman inta kan amulu haja al kwes wa haqq fi uyuun ta Yahwa Allah taki. ²⁹ Zaman Yahwa Allah taki gata bara al umam min gedam taki, zaman inta ruwa turuju huwomon, wa inta tala huwomon, wa geni fi ard toumon, ³⁰ Kutu bala le nefsa taki inu inta kede ma waga fi sharak fi tabe wara toumon, bad ma demiru huwomon fi gedam taki__inta waga fi sharak ta rabunat toumon, bi asalu, 'Kef umam del bi abidu rabunat toumon? Ana bi amulu nefsu keda. ³¹ Inta ma bi abidu Yahwa Allah taki fi teriga de, leanu aye haja al fagara le Yahwa, hajat al huwo bi akrah__huwomon amulu del ma rabunat toumon; huwomon hata haragu iyal toumon wa banat toumon fi nar ashan .rabunat tuomon ³² kulaa ma ana bi amiru inta kede inta raqib. Ma ta zidu aw shilu bara min huwo