1
Hasa Buturus wa Yuhanna kan gi ruwa le Haikal fi Saa ta salawat, saa tisa.
2
Kan fi zol mushlul min batna ta uma tuo kan gi jibu uwu kulu yom fi bab al Jemilta Haikal, ashan uwu bi asadu nas al bi dakalu juwa Haikal asahn bi wedi le uwu gurush.
3
Zaman uwu ayinu Buturus wa Yuhanna bi dakalu jua Kenisa, uwu asalu umun gurush.
4
Buturus, rekis ena tou le uwo, ma Yuhana,wa kelim, '' Ainu le anina .''
5
Zol al abu kereng de ainu le umon, fekir gali uwo bi ligo haja min umon.
6
Lakin Buturus kelim, '' Fida wa Dahab ana ma indu, lakin haja al ana endu, ana bi wedi le inta .Fi isim ta Yesua al mesih al Nasiri, dowuru.''
7
Gobudu uwo ma ida al yomin, Buturus arfa uwo fok, wa tawali kura ta zol de biga gowi.
8
Zol al moshlol de nutu fok wa wegif wa bada douru; wa uwo dakalu ma Buturus wa Yuhana jua Kenisa, bi douru, bi nutu nutu, wa bi sabihu Allah.
9
Nas kulu ainu uwo gi douru wa gi sabhiu Allah.
10
Umon lahisu inu de Zol al kan gi asadu gurus fi al Jemil ta kenisa; umon kan mala be istigrab wa taajub ashan haja al hasil le uwo.
11
Ze ma uwo lisa bi douru wara Buturus wa Yuhana, nas kulu jere sawa le umon fi sikat al sukerin ta Siliman, umon mustagrabin kalis.
12
Zaman Buturus ainu kalam de, uwo juabu nas de, ''Itakun ya nas ta Israel, malu itakum bi istagrab? Malu itakum gi rekis enat takun fogo inna , ze kaanu inna sebu uwo douru be guwa wele Tagua ta nina?
13
Allah ta Ibrahim, wa ta Ishag, wa ta Yakub, Allah ta abuhat ta nina, mejidu kadam bitou Yesu. Uwo yau al itakum selimu wa aba fi gidam ta Bilatos, ligo uwo kariru ashan bi fiku Yesua.
14
Itakum aba al kudus wa al bar al wahid, wa itakum asalu bel aks le al katil ashan bi fiko le itakum.
15
Itakum katulu sidi haya, al Allah gowomu min al mutu-wa nina shuhud fi kalam de.
16
Hasa, be iman fi isim tou-rajil de al itakum bi ainu wa aruf-nefsa isim kutu uwo tala gowi. Iman al be wasat Yesua wedi le uwo saha kamil fi gidm takum kulu.
17
Hasa, ya ikewa, ana aruf itakum amulu kalam de be jahala, ze ma ruasa takum kaman
18
amulu. Lakin hajat al Allah weri min bediri be wasat ta ambiya kulu, inu Messih ta tuo bi ligu taab, uwu hasa nafisu.
19
Tub takum, wa rija takum, ashan kataya takum bi masao bara, ashan zaman ta raha bi ja min gidam ta Rabana;
20
wa inu uwo bi rasulu al Messih al iktaru le itakum, Yesua.
21
Uwo yau lazim samawat bi akudu lakadi fi zaman ta isterija ta hajat kulu, al Allah wunuso anu min bediri be wasat ta kasma ta ambiya tuo al mukadasin.
22
Musa hagigatan wunuso, 'Rabana Allah bi guomu nebi ze ana min nus ta akuana takum. Itakum bi asuma le ayi haja al uwu be wunuso le itakum.
23
Wa bi hasil inu ayi zol al ma bi asuma nebi de bi demru uwo ta kulu kulu min nus ta nas.'
24
Naam, wa kulu ambiya min Samuel wa delin al ja wara tuo, umun wunuso bara wa alino ayamad del.
25
Itakum Eyal ta ambiya wa min ahad al Allah amulu ma abuhat takum, ze ma uwu kelim le Abrahim, Fi nesli taki kulu Usar ta dunia bi kun mubarak.'
26
Baat ma Allah guomu kadam tuo, uwu rasul uwu le itakum awel, ashan bi bariku itakum be wasat ta rija ayi zol min itakum min sher takum.''