¹ Kabili umungeli anangile akamana kameshi yamweo, ayasuma nga Kristu. Yalepita mucitebe cakwa Lesa no mwana wampanga. ² Yalepula pakati kamusebo wamumusumba. Bushilya nabushilya lyakamana kwali icimuti ca mweo, icaleseeka ifitwalo fyapusana pusana ikumi na fibili, caleseeka ifi twalo cilamweshi. Namabula yaciko yakuposhe nko. ³ Tamwakabe icatipwa. Icitebe cakwa Lesa necamwana wampanga cikaba mumusumba, nababomfi bakwe bakamubombela. ⁴ Bakamona icinso cakwe, ne shina lyakwe likaba pampumi shabo. ⁵ Takwakabe ubushiku; tabakafwaye nolubuto lwa katolitoli nangula akasuba pantu shikulu Lesa akabalikula pali bena. Bakateka umuyayaya no muyayaya. ⁶ Umungeli walandile kuli nebo, ''amashiwi aya yacishinka kabili yacine. Shikulu, Lesa wa mipashi yabakasesema, atumine umungeli wakwe kukulangilila umubomfi wakwe ifili nokucitika nombaline.'' ⁷ "Mona! ndimukwisa nombaline! Ashuko uukonka amashiwi yabusesemo muli ili buku.'' ⁸ Nebo, Yohane, ninebo naumfwile no kumona ifi fintu. lintu naumfwile nokufimona, nawile panshi kukumupepa pamakasa yamungeli uwalenanga ifi fintu. ⁹ Alandile kuli nebo, ''Wipangefi! ndimubomfi munobe na webo, naba munonko bakasesema, nabonse abomfwa amashiwi yaili buuku. Pepafye Lesa!'' ¹⁰ Alandile kuli nebo, ''Wikakatika amashiwi yabusesemo aya ili buuku. Pantu inshita naipalamina. ¹¹ Uushili mulungami, mulekeni abe uwabula ubulungami. Nowa busali mulekeni abe uwabusali. Nombamulungami mulekeni abe umulungami. Nowa mushilo mulekeni abe mushilo." ¹² "Mona! ndimukwisa bwangu. Necilambu ndinaco, icakupela uyo onse ukulingana nefyo abombele. ¹³ Ninebo Alufa kabili Omega, uwakuba lilapo kabili uwakushalikisha, intampilo kabili impela. ¹⁴ Balishuka abo abasamfy amalaya yabo pakwebati bengakwata insambu shakulyako kucimuti ca mweo no kwingila mumusumba ukupita pa mwinshi. ¹⁵ Kunse kwalibembwa, nabaloshi, naba cende, abepaya, abapepo tulubi, na onse uwatemwa ukubepa ubufi. ¹⁶ Nebo, Yesu, natuma umungeli wandi ku kulondolola pali ifi fintu mu filonganino. Ndimushila kabili uwasalwa wakwa davidi, ulutanda lwakacelo." ¹⁷ Umungeli nanabwinga balandile, "Isa!" Lekeni onse uuleumfwa alande, "Isa" onse uukwete icilaka, mulekeni ese, onse uulefwaya, lekeni aleya bulapo amenshi yamweo. ¹⁸ Nalondolola kuli onse uwaumfwa ku mashiwi yabusesemo ayaili buuku: Umo ngalundamo, Lesa akalundako kuli ena ifinkunka ifyalembwa muli ili buuku. ¹⁹ Kabli umo ngafumyamo amashiwi ye buuku lyabusesemo, Lesa akafumyapo amalipilo yakucimuti ca mweo namumusumba uwalembwa muli ili buuku. ²⁰ Umo uwalondolola aya amashiwi alandile, "Icishinka! ndimukwisa nomba line." Ameni! iseni, shikulu Yesu! ²¹ Icikuku cakwa Shikulu Yesu cibe nacila umo umo. Ameni.