¹ Kabili namwene umulu uupya ne calo cipya, Pantu umulu wakubalilapo ne calo cakubalilapo nafipita, no mumana tawaliko. ² Namwene umusumba wamushilo, Yelusalemu mupya, uwaishile panshi ukufuma kuli Lesa ku mulu, naupekanishiwa nganabwinga ulimukuya kumulume wakwe ³ Naumfwile ishiwi ilikalamba ililefuma kucitebe lilelanda, ''lolesha! ukwikala kwakwa lesa kuli pamo nabantu, akekala nabo. Bakaba abantu bakwe, na lesa umwine akaba nabo kabili akaba lesa wabo. ⁴ Akakumuna ifilamba fyonse kumenso yabo, nemfwa takwa kabe, nangula ukulosha, nangula ukulila, nangula ukukalipwa. Ifintu fyonse ifyakale nafipita. ⁵ Umo uwaikele pacitebe alandile, ''lolesha! Ndepanga ifintu fyonse ifipya.'' Alanda, ''lemba ifi panshi pantu aya mashiwi yacicetekolo ne cishinka.'' ⁶ Alandile kuli nebo, ''Ifi fyonse fyapitwa! Nine alifa na omega, intampilo nokushalikisha. Kuli umo uwaumfwa icilaka nkamupela ifyakunwa ifyabula ukulipila ukufuma kukalonga kamenshi yabumi. ⁷ Uyo umo uwacimfya akakwata ifi fintu, akabana lesa wakwe, nao akaba umwana wandi. ⁸ Nomba kuli bakuwe, abashicetekela, abaselausha, abamisoka, bansolola, abaloshi, abapepa utulubi, nabonse aba bufi, incende yabo ikaba ngabemba uuleaka umulilo.Ilya emfwa yabubili.'' ⁹ Umo uwamuba ngeli cine lubali aishile kuli nebo, umo uwakwete inkombo cine lubali ishaisulamo nefikuko fyakulekelesha, alandile, ''isa kuno. Nalakulanga nabwinga, umukashi wamwana wampanga. '' ¹⁰ Kabili alinsendele mumupashi palupili ulutali ulukalamba nokundanga umusumba wamushilo yerusalemu uuleisa panshi ukufuma kuli lesa kumulu. ¹¹ Yerusalemu naikwata ubukata bwakwa lesa, necengelo caciko cali ngecapala ilibwe lya mutengo, nge libwe lya yaspi ilya beka nga krustali. ¹² Cali icikalamba ilyalepa lili neminshi ikumi nayabili, nabangeli ikumina babili balipaminshi. paminshi palembelwe amashina yamitundu ikumi nayabili yabana ba isreali. ¹³ Kukabanga iminshi shitatu, kukapinda kakukuso iminshi shitatu, kukapinda kakukulyo iminshi shitatu, kumasamba iminshi shitatu. ¹⁴ Necibumba camusumba cakwete ifyakukulapo ikumi nayabili, pali fyena pali amashina ikumi nayabili ayabatumwa ikumi nayababili yamwana wampanga. ¹⁵ Umo uwalelanda nanebo akwete icipimo icapangwa netete lya golde ilya kupiminako umusumba, yamiinshi yaciko naicibumba caciko. ¹⁶ Umusumba waikele mufifutu fine; ubutali bwalingene nobufumo. Apimine umusumba necipimino cetete, ba mailoshi ikumi limo namakana yabili mubutali (ubutali bwaciko, ubufumo, nokusansama fyalifye cimo). ¹⁷ Apimine necibumba caciko, 144 kubiti kukulingana kwakupima kwa buntunse (nokupima kwabangeli). ¹⁸ Necibumba cakulilwe na yaspi nomusumba uwapwililika golde, ngecilola icalengama. ¹⁹ Nefya kukulapo icibumba fyali ngamabwe yaluma umutengo aya misango yonse. Icakubalilapo ni yaspi, icafibili cali safiri, icafitatu cali agate, ica cine cali emalodi, ²⁰ ica cisano cali sadonukisi, icamutanda cali sordi, ica cine lubali cali krusoliti, ica cine konsekonse cali beruli, ica pabula cali topashi, icekumi cali krusoprashi, icekumi nacimo cali uakinti, necekumi nafibili amentusti. ²¹ Nemiinshi ikumi naibili yali naba morgoriti ikumi nayabili; nacila mwinshi wapangilwe ukufuma kuli morgoriti umo. Nemisebo shamusumba shali golde uwapwililika, ngecilola icalengama. ²² Nshamwenemo itempele mumusumba, pantu shikulu lesa wamaka yonse naumwana wampanga etempele lyaciko. ²³ Umusumba tawalefwaya akasuba nangula umwenshi mucifulo cakubalikilamo pantu ubukata bwakwa lesa bwali balikilamo, nakatolitoli kamwana wampanga. ²⁴ Nenko shikendela mulubuto lwa ulya musumba. Neshamfumu shapa calo shikaleta ifyabucindami fyabo muli ici. ²⁵ Imiinshi yaciko tayakesalwe mukasuba, naubushiku tabwakabeko kulya. ²⁶ Bakaleta ubucindami naumucinshi wanko muli ici, ²⁷ nomba iciwele wele tacakengilemo muli ici, nangula uucita ifya muselu nagula uwabufi, nomba kano abo amashina yabo yalembwa mwibuku lyabumi ilyamwana wampanga.