¹ "Kuli malaika wakucilonganino camu efeso lemba ati: 'Icebo caumo uukwete ntanda cinelubali mulupi lwakwe ulwa kukulyo uwenda mukati kafya kutekapo imyali cinelubali ifya mukuba. ² "Naishiba ifyo ubomba elyo no kucucutika kobe nokushipikisha ukwakutwalilila. Naishiba ukweba ati tawakwata isenge nabantu ababi, Naishiba ati waeseshe abo abaitumbula ukweba ati batumwa, nomba tababa, nokusanga bene ati babufi ³ Naishiba wali kwata ukushipikisha kwakutwalilila, kabili waculile apakalamba pamulandu weshina lyandi nokukana naka. ⁴ Nomba ninkwata icakuti nkushinine walileka ukutemwa kobe ukwantanshi. ⁵ Ibukisha kuntu wawilile. Lapila nokubomba imilimo yantanshi, Lelo ngataulapile, nkesa kuli webo nokufumyapo icakutekapo inyali pancende ya ciko. ⁶ Nomba ukwete ci: Walipata imilimo yabena Nikolatanis bacita, iyo nanebo napata. ⁷ Leka uukwete amatwi yakumfwa omfwe icintu umupashi uli mukulanda kufilonganino. Kuli umo uwacimfya nkamupela insambu ukulya kucimuti ca mweo, icili muParadise wakwa Lesa"' ⁸ "Kuli Malaika wakucilonganino caku Smyrna Lemba: Icebo cauyo uwantanshi kabili uwakulekelesha. Umo uwali uwafwa peka aisaba uwamweo: ⁹ "Naishiba ukucula kobe nobupina bobe, nomba uli mukamkala. Naishiba ababepo ubufi balanda ati baYuda. Nomba ma Sinagogo wakwa Satana. ¹⁰ Witina pafyo walaculako. Mona! Ciwa alatampa ukuposapo bamo mucifungo pakweba ati mukatampe ukweshiwa. Kabili mukacula panshiku Ikumi limo. Beni abacishinka ukufika kumfwa, nkamipela icibalika camweo. ¹¹ Lekeni uukweta amatwi yakumfwa omfwe ifyo Umupashi ulelanda kufilonganino. Uyo uwacimfya takafyengwe kumfwa yacibilibi. ¹² "Kuli Malaika wakucilonganino ca Pergomo lemba: Icebo caumo uukwete ulupanga ulwatwa kubili kubili: ¹³ "Naishiba uko waikala, kuntu icipuna cakwa Satana caba. Kabili wakatishe shina lyandi. Naishiba ukwebati necicetekelo cakuli nebo tawakene, nangu nimunshiku shakwa Antipasi kambone wandi , uwa cishinka wandi, uwaipaiwe muli mwebo, uko ukwikala Satana. ¹⁴ Nomba ninkwata tumo utwakukushinina: walikwata bamo abaikatisha ukusambilisha kwakwa Balaam, uwasambilishe Balak ukuposa icakuipuntulako kuntanshi yabana bakwa Isreali. Kabili balile amalambo ayo baipailo tulubi nokucito bulalelale. ¹⁵ Munshila imo ine, naukwata bamo abaikatisha isambililo lyabena Nikolatanisi. ¹⁶ Lapila, eico! ngata ucitile fi, nkesa bwangu kuli webo, nkalwa nabena kulupanga lwamukanwa kandi. ¹⁷ Lekeni uukwete amatwi yakumfwa omfwe ico umupashi ulelanda kufilonganino. Kuli uyo uukacimfya, nkamupela Manna uwafiswa. Nkamupela nelibwe ilyabuta pamo neshina ilipya ilyalembwa palibwe, neshina ilishaishibikwa kumuntu nangu umo kano kuwalipokelela umwine."' ¹⁸ "Kuli Malaika wamucilonganino caku Thyatira lemba: 'Ici ecebo camwana wakwa Lesa. Uuli namenso ngo lwengelele lwamulilo namakasa ayawamishiwa kumukuba: ¹⁹ "Naishiba imilimo yobe: Ukutemwa kobe necicetekelo no kubomba nokushipikisha kwakutwalilila. Naishiba imilimo yobe yakupelakesha yafuko ukucila yantanshi. ²⁰ Nomba ndine cakukushinina: wakwata isenge noyo mwanakashi Jezebel, uyo uuita umwine kasesema. Uusambilisha ababomfi bandi nokubabeleleka ukulacito bucende nokulalya ifyakulya ifyaipailwo tulubi. ²¹ Namupele nshita yakweba ati alapile, nomba talefwaya ukulapila kubulalelale bwakwe. ²² Lolesha! Nebo nkamuposa babusanshi, nobo abakacita nankwe ubucende mubucushi ubukalamba, ngatabalapile kumilimo yabo. ²³ Nkalofya nabana bakwe kukufwa, nefilonganino fyonse fikeshiba ati ninebo mfwailisha amatontonkanyo ne mitima. Nkapela kuli cila umo uwamuli mwebo umwabela imilimo yabo. ²⁴ Nomba kuli mwebo mwebashalapo abamu Thyatira, kuli bonse abashakwata ilisambilisho, abashaishiba ifyashika fyakwaSatana-kuli webo ²⁵ 'Ndelanda ati, 'nshilebika icisendo iciliconse pali webo.' Mumulandu uyu, wikatishe ico ukwete nkasuke nkese. ²⁶ Uyo uukacimfya nokucita ifyo nebo nacita ukufika nakumpela, kuli ena nkamupela amaka panko. ²⁷ 'Ena akala batungulwila kunkonto yamukuba, akabatobaula mutupimfya ena kwati fipe fyakwa kabumba wanongo.' ²⁸ Ifyo napokelele ukufuma kuli Tata, nanebo nkamupela ulutanda lwalucelo. ²⁹ Leka uuli namatwi yakumfwa omfwe kufyo umupashi ulelanda kufilonganino"'