¹ Panuma yaifintu namwene malaika alekoka ukufuma mumulu. Ali namaka ayakulu , napa calo pa lebeka ku bukukata bwakwe. ² Kabili apundile neshiwi likulu, ati "Nawa, nawa, Babiloni mu kalamba! aishilebo incende yabwikashi bwa mipashi yakowela. Pantu inko shonse nashinwako umwangashi wabulalelale bwakwe. ³ Pantu ishamfumu sha pacalo shalicita nankwe ubulalelale. Naba makwebo ba pacalo baba abakanka ku maka yabwikashi bwa kwisekesha muli bucisnene." ⁴ Kabili nebo naumfwile ne shiwi likalamba ukufuma ku mulu lilanda ati, "Fumenimo muli wena , mwe bantu bandi, epali mwawila mu kubifya kwakwe, kabili ukuti mwipokelela ifikuko fyakwe. ⁵ Imembu shakwe nashipiluka ukufika mumulu, na Lesa naibusha imicitile yakwe iya bipa. ⁶ Mubwesesheni ukulingana ngefyo nao apele; mubwesesheni imiku ibili mu lukombo alenwishishamo, mulundileni imiku ibili ngefyo alecita. ⁷ Pamo ngefyo aleitataukula nokwikala mukuisekesha mulunkumbwa lwabulalelale, mupeni ukucula nokukalipwa. Pantu mumutima wakwe atila, 'Naikala ngana namfumu; nshili mushimbe, kabili nshakaloshepo.' ⁸ Eico mubushiku bumo ifinkukuma fyakwe fikesa: imfwa, ukulosha, necipowe. Akonaulwa nomulilo, pantu Shikulu Lesa wamaka yonse, kabili ena ekapingula." ⁹ Neshamfumu shapacalo abacitile ubucende naena nokuya mukutungulula naena bakalila nokuwelesha pali ena elobakamona ishunshi cakupya kwakwe. ¹⁰ Bakeminina apatali, abamwenso pakonaulwa kwakwe, nokulanda ati, "Kalanda, kalanda kumusumba ukalamba, Babiloni, umusumba wamaka! Pantu mukashita fye akanono emo ukukandwa kobe kwaisa. ¹¹ Nabamakwebo abamucalo bakapuma umusowa no kulila pantu takwakabe nangu umo uwakushita ifyabukwebo fyabo nakabili- ¹² ifyagolide, silva, nefyamabwe ayaluma umutengo, naba margariti, nensalu shakolokondwe, neshakashika, neshatelela, neshakashikace; nomusango onse uwacikula nkonde, nomusango wafipe fyafi muti ifyaumo mutengo, nefya butale, nefyacela, nefya marbele, ¹³ cinamone, ifyanunkila, muri, libani, umwangashi, amafuta, nobunga bwapelwa, Ing'ano, Ing'ombe, impunda, nabakabalwe, nabasha, nemitima yabantu. ¹⁴ Necakulya icacisabo icakukabila kobe konse ninshi nacifuma kuli webo. Ubwikashi bobe ubusuma nefisuma fyonse ninshi nafipwa, kabili tafyamamoneke nakabili. ¹⁵ Nabamakwebo aba ififipe abali abakankala mukufwaya kwakwe bakeminina apatali pamulandu wakutina ukukandwa kwakwe, bakakumuna ifilamba nokulila apakalamba. ¹⁶ Bakalanda ati, "Kalanda, kalanda kumusumba ukalamba uwafwala isha kolokondwe, neshakashika neshakashikace, nokufwala ifya golide, nefyamabwe ifyakosa umutengo nefya magaliti: ¹⁷ Namunshita iinoono ifyabukankala fikonaika." Nabene bamato, abensha amato, nabenda mumato, nabonse abo ubwikashi bwabela pali bemba baimanine apatali. ¹⁸ Bali pundile ilyo bamwene icushi cakwe cilepya. Balandile, "Musumba nshi waba ngomusumba ukalamba?" ¹⁹ Baposele ulukungu pamitwe yabo, bapundile ukukumuna ifilamba nokulosha, "Akalanda, akalanda kumusumba ukulamba kuli bonse abakwete amato pamumana abali abakankala mufyuma fyakwe. Namunshita iinono alinokonaika." ²⁰ "Sansamukeni mwenyulu. Pamulandu wakwe, mwebasuminina, mwebatumwa, nabakasesema, pantu Lesa aleta ubupingushi pali wena. ²¹ Namalaika mukalamba abulile ilibwe ilyali ngolubingu lwamulilo nokuposa muli Bemba, nokulanda ati, "Muli iiyi nshila, Babiloni, umusumba ukalamba, ili nokuposwa nobonaushi kabili takamoneke napeka. ²² Iciunda icapangilwe nabakalisha wamasese, ing'oma, abatupyete, nabantandala, tafyakomfwike muli mwebo napeka. Nenjishikweba mumisango yabo tabakamoneke muli mwebo. Nangu lishiwi lyabucenjeshi talya kaomfwike napeka muli mwebo. ²³ Nolubuto lwakatolitoli talwa kabekemo muli mwebo napeka. Neshiwi lyakwa nabwinga nashibwinga talyakomfwikemo napeka, pantu bashimakwebo bali bana baume abamfumu bapacalo, nenko shalyongwelwe kufya buloshi fyenu. ²⁴ Muli wena umulopa wabakasesema nabamushilo walisangilwe, nomulopa wabonse abaipaiwe pa calo."