¹ Umo pabangeni cine lubali abakwete utubeseni cine lubali aishile kuli nebo no kunjeba ati, "Isa, nkulange ukusebana kwamwanakashi cilende mukalamba uwaikala pamenshi ayengi, ² uyo isho ishamfumu shapa calo shapangile nao bucilende, no mwangashi wabucilende bwakwe ubo bonse abaikala pacalo banwine." ³ Umungeli ansendele mumupashi ukuntwala mumatololo, namwene umwanakashi naikala pa ciswango icakashikilila icaiiswilemo amashina yamiponto. Iciswango cakwete imitwe cine lubali namasengo ikumi. ⁴ Umwanakashi afwele insalu iya fitulukila nokukashikilila naikobeka na golide, amabwe ayaluma umutengo, nobulungu. Nakwata muminwe yakwe kapu yagolide umwaiswile ifyamuselu no busali bwabulalelale. ⁵ Pampumi yakwe palembelwe ishina ilyakwete ubupilibulo ubwafisama: "Babiloni mukalamba, nyina wabacende nefyamuselu fyapacalo." ⁶ Namwene ukuti umwanakashi nakolwa umulopa wabamushilo nakumulopa wa bakambone bakwa yesu. Nebo ilyo namumona ena; nebo nalipapile sana. ⁷ Nomba umungeli alandile kuli nebo ati ''cinshi ulimukupapila? Nebo nalakulondolwela umo cilolele uyu mwanakashi necisoka anininepo ena icisoka ica mitwe cine lubali ne nsengo ikumi limo.'' ⁸ Icisoka wali mukumona icamweo kale; lelo nomba tacili mukuba nobumi; nomba line calafuma mu muyenge umo caba calaya mukonaika. Kuli aba abekala pano calo; bantu amashina yabo tayali mukulembwa mwibuku lyabumi ukutula apo icalo catampila ukubako bakasakamana pakumona icisoka icali mukuba nomweo; nomba tacili mukuba nobumi lelo kabili cili nokwisa mukumoneka. ⁹ Apa pena palefwaikwa amano; aya kwiluka imitwe cine lubali empili apo umwanakashi ali alimukwikala. ¹⁰ Epali mukuba ishimfumu cine lubali; shisano shena shaliwa; imo yena icili mukuteka; peka imbi yena tailaisa; lelo yena nga yaisa; ikatekafye akashita akanono. ¹¹ Cilya cisoka icali mukuba nobumi kale; nomba tacili mukuba nobumi; emfumu yalenga cine konse konse ; nomba na ena wa muli shilya mfumu cine lubali; kabili cilimukuya mukonaulwa. ¹² Elyo isengo ikumi limo shilya waciba mukumona nibashamfumu abo abashilapokelela ubufumu; nomba bali mukupokelela amaka ngemfumu pamkoloko imo pamo necisoka. ¹³ Ififintu fyaba namano yamo; na ukupelela amaka nensambu kucisoka. ¹⁴ Elyo icisoka neshamfumu bakalwa nomwana wampanga; nomba umwana wampanga pamo nabamukonka bakacimfya pantu nishikulu wabashikulu kabili ni mfumu yashamfumu na baitwa bonse; kubasalwa na kuba cicetekelo. ¹⁵ Kabili umungeli alandile kuli nebo ati;'amenshi wa ciba mukumona; apacilaikele umwanakashi nsolola; ebantu; emabumba; mitundu; nendimi. ¹⁶ Isengo ikumi limo wa ciba mukumona necisoka fikapata nsolola. Fikapokola nokumusha ubwamba fikalya umubili yakwe nokumoca mumulilo. ¹⁷ Pantu ni lesa uwalengele ukuti kumucima kwali ifintu ifikankala ifya suminishiwe nokupelwa amaka ne funde kucisoka mpaka ishiwi lya kwalesa likafikilishe. ¹⁸ Umwana umwanakashi uwali mukumona emusumba uukalamba uwateka ishamfumu shonse isha pano calo.''