¹ Nomba pa bushiku bwalenga amakumi yabili na shine mu mwenshi umo wine abantu abena isuleli balilongenekabili balilekele ukulya, kabili bafwele ifisamu, kabili baibikile ulukungu mumitwe yabo. ² Ulupwa lwa bena Isuleli baliipatwile abene ukufuma kubenafyalo bonse. Baliminine no kutumbula imembu shabo shonse no bubi bwacitile ifikolwe fyabo. ³ Baiminine mufifulo fyabo, balebelenga ukufuma mu citabo ca mafunde ca kwa Yaweh Lesa wabo pa nsa shine ishakasuba . Pantu nashimbi insa ishakasuba baleyebelela no kukontamina pashi kuntashi ya kwa Yaweh Lesa wabo. ⁴ Abena Lebi, Bani, Kadimiele, Shebania, Bunini, Shelebia, Bani, na Kenani, baiminine pamulu kabili balebilikisha neshiwi ilikalamba kuli Yaweh Lesa wabo. ⁵ Elo abena Lebi, Yeshua, na Kdimiele, Bani, Hashabineia, Shelebia, Hodia, Shebania, na Petahia balandile ati, "Iminineni no kupela amatotelo kuli Yaweh Lesa wenu ukutwalilila no kutwalilila." Lekeni amapalo ishina lyenu ilya lulumbi, kabili lekeni libe ilyacindikwa ilya cila pa kushuka na pa kutotela. ⁶ Nimwebo Yaweh. Mwebo mweka. Nimwebo mwapangile umulu, umulu wa pamulu, nafyonse ifya bamo ne calo nafyonse ifya bamo na babemba nafyonse ifyabamo. Mwalipela ubumi kuli fyonse, na fyonse ifyaba mu mulu fila mi pepa mwebo. ⁷ Nimwebo Yaweh, Lesa uwasalile abaume, no kumufunya uwa muli abena Kaadi, kabili mwamupele ishina ilya Abulaamu. ⁸ Mwasangile umutima wakwe wali uwacinshika kuntanshi yenu, kabili mwapangile icipangano naena icakupela ulupwa lwakwe icalo cabena kenani, abena Hiti, abena Amoli, abena Pelisi, abena Yebusi, nabena Gigasi, mwasungile ubulayo bwenu pantu mwalilungama. ⁹ Mwalimwene ukucula kwa fikolwe fyesu mu Egupti kabili mwalyumfwile ukulila kwabo pali bemba wa matete. ¹⁰ Mwalipele ifishibilo nefipesha amano kuli Falao, na kubabomfi bakwe bonse naku bantu bonse abamu calo cakwe, pantu mwalishibe ukuti abena Egupti bacitile icilumba kuli mwebo. Nomba mwaipngile ishina lyenu mwebene ilya iminina ukufika nabuno bushiku. ¹¹ Elo mwaabenye bemba kuntanshi yabo , pakweba ati bapite bakuuke pakati ka mumana pamushili apauma; kabili bonse abalebakonka mwabaposele apa shika kwati libwe pa menshi ayashika. ¹² Mwabatungulwile ku ntumba ye kumbi akasuba, kabili kucimbili mbili ca mulilo ubushiku pakuba sanikila munshila umwa kupita. ¹³ Palupuli lwa Sinai mwalitelemwike ukufuma ku mulu nokulanda kuli bena no kubapela ifipope ifisumanama lango aya cine, ubupingushi busuma na mafunde. ¹⁴ Mwalengele ne Sabata lyenu ilyamushilo ukwibikwa kuli bena, kabili mwapele bena amafunde nefyabupingushi na malango ukupitila mu mubomfi wenu Mose. ¹⁵ Mwalibapele umukate ukufuma mu mulu ilyo bali ne nsala, na menshi ukufuma muli cilibwe ilyo bali ne cilaka, kabili mwalandile kuli bena ukuyamo ukuyaikala mu clo cintu mwalapile ukupela kuli bena. ¹⁶ Nomba bena pamo ne fikplwe fyesu bacitile mukukana micindika, kabili bali niba cintomfwa, kabili tabaumfwile ku mafunde yenu. ¹⁷ Balikene ukumfwa, kabili tabatontokenye pa fipesha amano mwacitile kuli bena, nomba baishileba ba cintomfwa, kabili muli bucisanguka bwabo basontele uwa kubantu nangula pakuti babwele kubusha bwabo. Nomba mwebo muli Lesa waisulamo ukubwela, uwacikuku kabili uwamutembo, uukokola ukukalipa, uwafulisha ukutemwa. Mwebo tamwabalekeleshe. ¹⁸ Nangufye ba engele umwana wa ng' ombe uwa cela no kulanda ati, "Uyu ee Lesa wenu uwa mininike ukufuma mu Egupti; kabili bacile ifyamusalula ifikalamba, ¹⁹ Mwebo, muluse lwenu, tamwabalekeleshe mu matololo. Intumba ye kumbi tayabashile ukubatungulula munshila inshita ya kasuba, nangu icimbili mbili ca mulilo ubushiku pa kuba sanikila munshila umwakupita. ²⁰ Umupashi wenu uusuma mwali bapele uwa kubalangilila bena, kabili mana wenu tamwaikete ukufuma mutunwa twabo na menshi mwalibapele ilyo bali ne cilaka. ²¹ Pantu imyaka amakumi yane mwalebafwaila ifyakulya mu matololo, kabili tababulishe nangu cimo. Insalu shabo tashasapwike kabili na makasa yabo taya fimbile ²² Mwalibapele amabu fumu na bantu na bantu, mwalibalangilile mufintu fya calo. Elo mwaba bulile ukuti bekale mu calo cabena Sihoni imfumu yabena Heshiboni ne calo cabena Ogi imfumu yabena Bashani. ²³ Mwacitile abana babo impendwa nge ntanda shamu mulu, kabili mwabaletele mu calo ico mwaebele ifikolwe fyabo ukuyamo no kwi kalamo. ²⁴ Elyo abantu bailemo no kwikala mu calo kabili kuntanshi mwanashishe abaleikala mu calo, abena kanani. Bena mwabapele muninwe yabo, pamo ne mfumu shabo na bantu na bantu aba mucalo, pakuti Isuleli acite kuli bena cintu balefwaya. ²⁵ Bapokele imisumba yamalinga ne calo icfunda, kabili bapokele na mayanda aya isulamo ifisuma, ifishima fyakufukula, amabala yamyangashi naya miolife, ne miti yafisabo ifingi. Elyo balelya no kwikuta kabili balelya no kuilemena kufisuma fyabo ifikalamba. ²⁶ Elo baishileba ababula icumfwila kabili bali mipondokele. Baposele na mafunde yenu kunuma. Baipeye na bakasesema benu abale basoka ukubwelela kuli mwebo, kabili bacitile ifyamisula ifikalamba. ²⁷ Elyo mwabapele muminwe yaba lwani babo, abalengele ukucula. munshita yaku cula kwabo, balelilila kuli mwebo, kabili mwali bomfwile ukufuma mu mulu, na pamulandu waluse lwenu ulukalamba mwalebatumina abakubapokolola ababapokolwe ukufuma muminwe ya balwani babo. ²⁸ Nomba panuma ya kutusha, na kabili balecita ububi kuntanshi yenu, na mwebo mwalebaleka muminwe ya balwai babo, Elyo abalwani babo ebale batungulula. Lelo ngabwela no kulilila kuli mwebo, mwebo mwale umfwa ukufuma mu mulu, kabili pa nshita ishingi pa mulandu waluse lwenu bena mwalebapokolola. ²⁹ Mwalebasoka ukuti babwelele ku malango yenu. kabili bacitile icilumba tabaumfwile ku mafunde yenu. Bambukile ifipope ifingapela ubumi kuli cila muntu uwafibela. Bali bacintomfwa aboma nkonso kabili abakoseshe imikoshi yabo kabili balikene ukumfwa. ³⁰ Pantu pa myaka iingi mwabikile pali bena kulabasoka kumu pashi wenu uwa mushilo ukupitila muli ba kasesema benu. Lelo tabaumfwile. Elyo mwabapele muminwe ya bantu abena mupalamano. ³¹ Nomba muluse lwenu ulukalamba tamwabalofeshe, nangu ukabalekelesha, pantu muli Lesa waluse kabili uwa nkumbu. ³² Nomba apopene, Lesa wesu-umukulu, uwa maka, kabili Lesa uwa kutinya uusunga icipangano cenu no kutemwa ukushipwa - mwileka ubu bwafya bumoneke ubunono kuli mwebo ubo mwaisa pali fwebo, ne shamfumu shesu, na pali bashimapepo besu, nefilolo fyesu, na palibakasesema besu, na pafikolwe fyesu, na b antu benu bonse ukufuma munshiku shasha mfumu shabena Asilia mpaka ne leelo. ³³ Muli balungami pali fyonse ifisa pali fwebo, pantu mwaliba ne cinshinka, nomba fwebo twali cita ububi. ³⁴ Ishamfumu shesu, ifilolo fyesu, ne fikolwe fyesu tabasungile amalango yenu, nangu kukutika ku mafunde yenu nangu kufipangano fya fipope fintu mwalebasokako. ³⁵ Nangula bali mubufumu bwabo, ilyo bena balesekelela mufintu fyenu ifikulu ifisuma, mwalibapele icalo icikulu kabili icamufundo, tabamibombele nangu ku bela ukufuma munshila shabo isha bumi. ³⁶ Nomba fwebo tuli basha mu calo mwapele ifikolwe fyesu ukusekelelamo ku fisabo ne fisuma fintu mwabapele, kabili moneni emo twaba basha! ³⁷ Ubukankala bwafitwaloubufuma mu calo cesu kuyafye mu shamfumu shintu mwabika shintu palifwebo pa mulandu wa membu shesu. Baleteka pamibili yesu na pafitekwa fyesu ukulingana ne fyo batemenwe. Fwebo tuli mubwafya ubukalamba. ³⁸ Pamulandu waifi fyonse, tulepanga icipangano catishinka no ku cilemba. Pa cikomeneno paleba amashina yaba lefwatika ifilolo fyesu, abena Lebi, na bashimapepo."