¹ Nomba kwali umuntu ishina lyakwe ni Lasaro uyo uwalwele. Aleikala ku Betani, mumushi walimo Maliya nenkashi mbiye Malita. ² Aloi ni Maliya ulya wasubile Yesu amfuta umwali Muri napeka awapupwite amakasa yakwe ne mishishi, euyo ndume yakwe Lasoro uwalwele. ³ Bankashi yakwe batumine imilai kuli Yesu, Balandile, "Shikulu umuntu obe uo watemwa nalwala." ⁴ Ilyo Yesu aumfwile ifyo, alandile, "uku kulwala tekufwa iyo, nomba mwakuti ubucindami bwakwa Lesa nomwana wakwa Lesa acindaminemo mulici." ⁵ Nomba Yesu atemenwe Maliya nenkashi mbiye na Lasaro. ⁶ Ena lintu aumfwile ukuti Lasaro nalwala, Yesu apwile inshiku shibili kuntu ali. ⁷ Elyo panuma yaifi, alandile ku basambi , "Nomba tuleya ku Yudeya na napeka. ⁸ Abasambi balandile kuli ena, "Rabi, apapene aba Yuda bafwaile ukumitobe amabwe, peka tubwelele kulya kwine?" ⁹ Yesu abaswike, "Bushe mukasuba kamo mwaba baawala banga?" Nga umuntu enda akasuba , taipuntula, pantu alemona lubuto lya ici calo. ¹⁰ Uyo onse, uleenda mubushiku, alaipuntula pantu ulubuto talwaba muli ena." ¹¹ Alandile kuli bena, napanuma yaifi fintu. alandile kuli bena, "umunensu Lasaro alalelefye utulo, nomba nalaya ndeyamwinya mutulo." ¹² Abasambi batampile ukulanda kuli ena, "Shikulu, ngalelefye utulo ninshi aaleya buka." Na ¹³ Yesu alandile palwamfwa yakwe, bena baletontonkanya pakusendama mutulo. ¹⁴ Elyo Yesu alandile kuli bena apabuta, "Lasaro nafwa. ^{15 16} Nisekelela pali mwebo, apo shasangilweko pakutila munsumine. Nomba twendeni kuli bena." Tomasi obeta Mpundu, alandile ku basambi banankwe, "Lekenifye tulyafwila pamo nao." ¹⁷ Kabili Yesu ilyo afikile , asangile Lasaro na bamushika mumanda papwa inshiku. ¹⁸ Nomba Betani yapalamine mupepi na yelusalemu, kuti paba intamfu mupepi na ikumi limo na yasano mukupenda kwama sitadiya. ¹⁹ Nabonse abamu ba Yuda balishilelosha nokukoselesha Malita na Maliya, pamulandu wa ndume yabo. ²⁰ Elyo Malita aumfwile ukuti Yesu alimunshila, aile mukumusengela kunshila no kumukumanya, ninshi Maliya ashele naikala mung'anda. ²¹ Malita alandile kuli Yesu, "Shikulu, ngawaciba kuno, indume yandi ngataifwile. ²² Mulinombaline, ninjishiba ukuti fyonse ifyo mwingalomba Lesa, kuti amipela." ²³ Yesu alandilekuli ena, "ndume yobe alepuputuka napeka." ²⁴ Milita alandile kuli ena, "Nindishiba akabuka napeka mubushiku ubwakulekelesha." ²⁵ Na Yesu alandile kuli ena, "Ninebo kushukuka peka bumi, ulya onse ulesumina muli nebo, nangu ngaafwa, alinokuba no bumi; ²⁶ naonse uli nobumi no kusumina muli nebo, takafwe. Bushe wasuminefi?" ²⁷ Älandile kuli ena, "Ee, Shikulu, ninsumina ukuti nimwe klisitu Umwana wakwa Lesa, uyo waisa pa calo." ²⁸ Ilyo alandilefi, aile no kuya ukwali nkashi mbiye Maliya nokuya mwita mubunfisolo. Nokulanda kuli ena, "Kafundisha nafika alemukukwita." ²⁹ Ilyo aumfwile ifi, afulumwike bwangu nokuya kuli ena. ³⁰ Yesu ena tali talaingila mumushi alifye kunse palyapene bakumene na Malita. ³¹ Nomba aba Yuda, bali nabena mung'anda nabekala, bamwene Maliya ainime bwangu nokuya panse, bali mukonkelemo, baletontonkanya ukuti aya kumipolo mukulila kulya. ³² Ilyo Maliya afikile pancende apo Yesu ali alimumwene, afukeme panshi nokulanda kuli ena, "Shikulu, ngamwali kuno, ndume yandi ngatafwile." ³³ Ilyo Yesu amuloleshe alelila, naba Yuda bantu aishile nabo balelila, ashinshimukile mu mutima nokumfwe nkumbu; ³⁴ alandile, "nikwisa mumushikile?" Balandile kuli ena, "Shikulu, isakuno nokumona." ³⁵ Yesu alilile. ³⁶ Elyo aba Yuda balalanda, "moneni ifyo atemenwe Lasaro!" ³⁷ Nomba bambi pali bena balandile, "Te uyu muntu, uwashibwishe impofu, kabili elengele uyu muntu efwa?" ³⁸ Napeka Yesu alishinshimukile umwine, alile kunshinshi. Elyo inshinshi yalingakubwendo, icakupwapo ilibwe. ³⁹ Yesu alandile, "Fumyenipo ilibwe." Malita, nkashi yakwa Lasaro, uyo wine wafwile, alandile kuli Yesu, "Shikulu, pali ino nshita icitumbi cilenunka pantu papitile inshiku shine." ⁴⁰ Yesu alandile, "Bushe nshalandile kuli mwebo ati, ngamwasumine, muli nokumona ululumbi lwakwa Lesa?" ⁴¹ Babikile ilibwe pa mbali. Yesu aloleshe mumulu no kulanda, "Tata, ndemutasha apo mulangumfwa. ⁴² Nanebo nalishiba ukuti mulomfwa kuli nebo, pamulandu wa cintu bwingi icinshingulwike, pakuti basumine ukuti walintuma." ⁴³ Peka lintu apwile ukulandafi, alipundile mwishiwi ilikulu, "Lasaro, fuma isakuno!" ⁴⁴ Umuntu wafwa alifumine; amolu na maboko yali nayapombeleshiwa munsalu, nakumenso bamupombeleko icitambala. Yesu alandile kuli bena, "Mupombololeni nokuya aye." ⁴⁵ Elyo abengi aba Yuda baishile kuli Maliya, pakulolesha ico Yesu apangile, balimusumine. ⁴⁶ Nomba bambi pali bena baile kubaFaliseo no kulanda kuli bena ifintu Yesu apangile. ⁴⁷ Elyo bashimapepo naba Faliseo bapangile icilye nokulanda, "twalacita shani? Uyu muntu napanga ifilangililo ifingi. ⁴⁸ Ngatwamulekafye uyu muntu, abengi bali noku musumina; Abena Roma bakesa tufumya pafifulo nokupoka incende yesu elyo necalo cesu. ⁴⁹ Peka, mulya mwine, mwali umuntu uwali pali bena, Kayafa, ali nishimapepo mukulu ulya mwaka, alandile kuli bena, "Mwebo tamwaishiba nangu cimo. ⁵⁰ Tamulanguluka ukweba ati umuntu umo alingile ukufwila abantu pakuti imishobo yonse ikonaika." ⁵¹ Ifi alelanda tepalwakwe. Alelandila, pakuba shimapepo mukalamba muli ulya mwaka, aseseme ukuti Yesu alino kufuma kunshinshi, telwapa calofye iyo, ⁵² lelo ni pamulandu wakuti abana bakwa Lesa abasalanganishiwa benga kwata ukukolonganishiwa nga umo. ⁵³ Ukufuma pali bulya bushiku mukutwalilila batantike ukwipaya Yesu. ⁵⁴ Ukutampa lilya line Yesu taleenda pambilibili muba Yuda, lelo apatwike kulya nokuya ku calo caba mupepi neciswebebe mu musumba uwaleitwa Efulemu. Eko aileikala nabasambi bakwe. ⁵⁵ Ilyo ukusefya icakucilila kwaba Yuda kwapaleme, nabengi baile ku Yelusalemu ukufuma ku calo panuma icakucilila tacilafika pakuti baisangulule abene. ⁵⁶ Bali mufwailishe Yesu, nokulanda umo nomunankwe ukuti tali mukumoneka kuno ninshi bali mucilonganino, "Muletontonkanya shani? Bushe takese kukusefya umutebeto?" ⁵⁷ Peka bashimapepo naba Faliseo basongeleshe abantu ngaumofye amona ukuli Yesu, akeseleta akasebo pakuti benga mwikata.