¹ Kitab silsilah Yesus Kristus, anak Daud, abak Abraham. ² Abraham hiyalah abah Ishak, Ishak hiyalah abah Yakub. Yakub hiyalah abah Yehuda wan dingsanak-dingsanaknya. ³ Yehuda hiyalah abah Peres wan Zerah, uma buhannya hiyalah Tamar. Peres hiyalah abah Hezron. Hezron hiyalah abah Ram ⁴ Ram hiyalah abah Aminadab. Aminadab hiyalah abah Nahasion. Nahason hiyalah abah Salmon. ⁵ Salmon hiyalah abah Boas, ibunya hiyalah Rahab. Boas hiyalah abah Obed, umanya hiyalah Rut. Obed hiyalah abah Isai. ⁶ Isai hiyalah abah Raja Daud. Daud hiyalah abah Salomo, umanya hiyalah bakas Bini Uria. ⁷ Salomo hiyalah abah Rehabeam. Rehabeam hiyalah abah Abia. Abia hiyalah abah Asa. ⁸ Asa hiyalah abah Yosafat. Yosafat hiyalah abah Yoram. Yoram hiyalah abah uzia . ⁹ Uzia hiyalah abah Yotam. Yotam hiyalah abah abah Ahas. Ahas hiyalah abah Hizkia. ¹⁰ Hizkia hiyalah abah Manasye. Manasye hiyalah abah Amon. Amon hiyalah abah Yosia. ¹¹ Yosia hiyalah abah Yekhonya wan dingsanak -dingsanaknya, wayah pembuangan ka Babel. ¹² Imbah pebuangan Babel, Yekhonya hiyalah abah Sealtiel. Sealtiel hiyalah abah Zerubabel. ¹³ Zerubabel hiyalah abah Abihud. Abihud hiyalah abah Elyakim. Elyakim hiyalah abah Azor. ¹⁴ Azor hiyalah abah Zadok. Zadok hiyalah abah Akhim. Akhim hiyalah abah Eliud. ¹⁵ Eliud hiyalah abah Eleazar. Eleazar hiyalah abah Matan. Matan hiyalah abah Yakub. ¹⁶ Yakub hiyalah abah Yusuf, laki Maria. Matan Maria malahirkan Yesus, nang disambat Kristus. ¹⁷ Kecimpulannya, barataan generasi matan Abraham samapai Daud ada ampat walas genarasi, wan matan Daud sampai pambuangan ke Babel ada ampat walas generasi, wan matan pambuangan ke Babel sampai Kristus ada ampat walas generasi. Kelahiran Yesus Kristus. ¹⁸ Kalahiran Kristus Yesus hiyalah sabagai berikut. Imbah Maria, uma-Nya tuntung batunangan awan Yusuf, sabalum buhannya hidup baimbayan, sakalinya inya mangandung Roh Kudus . ¹⁹ Tatapi, karana Yusuf, lakinya, hiyalah urang nang bujur wan kada mamparmalukan Maria di muka umum, Yusuf handak membebaskan Maria diam-diam. ²⁰ Tatapi, wayah Yusuf lagi mampartimbangkan hal ngini, itihi, malaikat Tuhan tampak kepadanya dalam mimpi wan baucap, "Yusuf, anak Daud, kada usah takutan gasan manjadikan Maria bini karana Anak nang dikandungnya hiyalah Roh Kudus. ²¹ Maria akan malahirkan saurang Anak lelakian wan pian akan meucap ngaran-Nya Yesus karana Ia akan manyalamatkan umat-Nya makan dosa-dosa bagiannya." ²² Barataan ngini terjadi gasan menggenapi nang difirmankan awan Tuhan malalui nabi-Nya, ²³ "Itihi, saurang perawan akan mengandung wan akan malahirkan saurang anak laki-laki. Buhannya akan menyambat ngaran-Nya Imanuel," nang diartikan: "Allah manyartai kita". ²⁴ Imbah Yusuf bangun guring, Yusuf menggawi nang sasuai diparintahkan malaikat Tuhan kapadanya, wan Yusuf manjadikan Maria bininya, ²⁵ Tatapi kada basatubuh awan Maria sampai Maria malahirkan Anak lelakiannya. Wan, Yusuf menyambat ngaran-Nya, Yesus.