¹ Dingsanak-dingsanak nang ulun kasihi, ini adalah surat kadua nang ulun tulis gasan pian. Dalam kadua surat ngitu, ulun barusaha membangkitkan pikiran pian nang murni awan cara mangingatakan pian, ² nyaman pian maingat ucapan-ucapan nang dahulu hudah diucapakan oleh nabi-nabi kudus, wan parintah Tuhan wan Juru Salamat malalui para rasul. ³ Pertama-tama, katahuilah pada hari-hari tarakhir kena, para pengejek pacangan datang gasan maumpati hawa nafsu buhannya nang badosa. ⁴ Buhannya pacangan baucap,"Mana janji tentang kadatangannya? Oleh sejak padatuan kita mati, sabarataan masih tatap bajalan nang kaya pada pamulaan penciptaan." ⁵ Saba buhannya sangaja kada maingatakan kanyataan bahwa ulih firman-Nya, langit sudah ada sajak bahari, wan bumi dijadiakan matan banyu wan malalui banyu. ⁶ Awan banyu ngitu jua, dunia nang sudah ada saat ngitu dihancurakan wan air bah. ⁷ Namun, oleh firman nang sama, langit wan bumi nang ada wayahini disimpan gasan dibakar awan api pada hari panghakiman wan kahancuran urang-urang jahat. ⁸ Dingsanak-dingsanak nang ulun kasihi, jangan kada maingat kenyataan nang satu ngini: Bagi Tuhan, sahari kaya saribu tahun wan saribu tahun kaya sahari. ⁹ Tuhan kada suah bailun mamahami janji-Nya kaya nang dianggap beberapa orang sabagai katarlambatan. Kabalikannya, sidin sabar terhadap oian oleh sidin kada handak saikung pun binasa, nyaman sabarataan orang datang batobat. ¹⁰ Hari kadatangan Tuhan pacangan tiba kaya maling, wan langit lanyap awan suara nang dahsyat. Benda-benda langit cagaran tabakar habis wan meleleh oleh api nang panas banar, dunia wan sagala isinya cagar tabakar habis jua. ¹¹ Amun sagala sesuatu cagaran dihancurakan lawan cara ngini, nang kaya apa saharusnya pian hidup? Saharusnya pian hidup suci wan mengabdi gasan Allah, sambil mahadang wan malajuakan hari kadatangan Allah? Pada hari Tuhan langit cagaran hancur oleh api, wan sabarataan benda langit meleleh oleh panasnya. ¹³ Namun, sasuai wan janji Allah, kita mahadang langit wan bumi nang hanyar, wadah orang-orang benar pacangan badiam. ¹⁴ Dingsanak barataan nang ulun kasihi, oelh kita mahadang hal ngini, maka bausahalah awan giat supaya Allah mandapati pian kada badosa, kada benoda, wan badamai lawan Allah. ¹⁵ Anggap haja kasabaran Tuhan sabagai basampatan gasan kita manarima kasalamatan. Sama nang kaya Paulus, dingsanak tarkasih kita, manulisakan gasan pian, awan hikmat nang diberikan Allah gasan sidin. ¹⁶ Sidin gin mamanderakan hal ini, dalam samua suratnya nang lain. Bujur pang ada hal-hal nang sulit dimangarti sahingga diputarbalikakan oleh orang-orang nang kada pintar wan nang lamah imannya. Buhannya jua malakukan pada bagian-bagian nang lainmatan Kitab Suci, nang mengakibatakan kabinasaan atas diri buhannya saorang. ¹⁷ Dingsanak barataan nang ulun kasihi, oleh pian sudah mangatahui tantang hal ngini, beawas-awaslah supaya pian kada sampai hanyut tabawa oleh kasalahan orang-orang nang kada mengenal hukum. Supaya pian jangan taumpat-umpat wan maninggalakan iman pian nang nahap. ¹⁸ Namun betambah-tambahlah dalam anugerah wan pengenalan akan Tuhan wan Juru Salamat kita, Yesus Kristus. Gasan Sidin haja kamuliaan, wayahini sampai salawasan! Amin.