¹ huopi cubuo Aaronru ja̧'hua̧ta̧nö̧ i̧tti̧mö̧ru̧'inä̧ nadab, Abiú, Eleazar, ja̧'hua̧ta̧nö̧ Itamaru'inä̧ ja'huätu israel ttöja̧mä̧ ttö chumuäyotö pä'i'önä ttö̧ja̧cuä̧cuo̧to̧ ttöttö'inä ttö̧ja̧ttö̧'inä̧ kä'copäteö adicuä ttö̧ja̧ pä'i'onä̧. ² cubuo Aaron u'ca̧ta̧hua̧ta̧ cuadituanö ja'ato imicunä 'cäepö kunähuata. Pitá̧ ö'catahuatamä ucuo'inä öadihuä'inä käcuäta̧tó ³ cucuocua'anö̧ ja̧'a̧to o'catoinä̧rö̧ ttami'isoquittö huo̧junä̧ ttö̧ȩpä̧rä̧tö̧rö̧, Aaron u'ca̧ta̧hua̧ta̧ adiunä̧ ttadicua'anö̧ ja̧'hua̧ta̧nö̧ chumuäyotö ttöttö'inä̧ ttö̧ja̧ttö̧'inä̧ kä'co päteö adicuä ttö̧ja̧ jö̧nä̧ 'cä̧ȩ́pö̧ ku̧nitö̧. ⁴ Piye ja'ato ttö'catähuiyö ttaditäcuämä, ttamucanä runäcuähuäbi ido'oquittö a'cuacunä huähuötto bechähuäbi'inä, ja'huatanö u'catahuäppi adiunä hueyuhuäppittö'inä, ja'huatanö jucuänä isäppi'inä, ja'huatanö ä'cänä tiänäcuähuata'inä, ja'huatanö pöjata ttöra'a pä'i'önä juäocuäta'inä. piye ttö'catahuiyumä ttaditöanö ja'a ttö chumuäyotö imicunä 'cäepö kunähuotö ttö'catähuäcuämä. piye ttö'catahuiyömä cubuo Aaron'inä ja'huatanö ittimö'inä ttöare pä'i'önä jacua'a ttö chumöäyotö jönä 'cäepö chujuna'attö jähuätömä ttöttö'inä ttöjattö'inä käcopäteö adicuä ttöja jacua'a. ⁵ Pöjätiyö ttöähuä ttöjamä piyettö ttaditöanö ja'a lino pöjata ta'atattö, orottö'inä, azul jatattö'inä, purpura jatattö'inä, ja'huatanö escarlata jatattö'inä. ⁶ Ja'huätömä ttaditöänö ja'a adiu a'cuacunä hueyu'unä jäppi ttö'catahuäppimä orottö jepö ttaditö'anö ja'a, ja'huatanö pöjatamä azul jatattö, purpura jatattö'inä, escarlata jatattö'inä, jahuatanö lino pöjä'que isappättö huiähuättö'inä. piyemä ttöähuä huojuatä aditöanö jacua'ato. ⁷ todare jahuä ttöjunara päö ja'a ttöpi'ca huäme 'chuärunä rönähuäcuä. ⁸ ttä'cä'nä tiänäcuähuata tä̧'ö̧nä̧ pöttähuätamä ttö'catahuata adiu hueyu'unä jata ja'aya'anö jönä ttaditöanö ja'a. pöjata a̧u̧cua̧ta̧ adiu a̧cua̧cunä̧ hueyu'unä pöttähuatattö jȩttö̧ä̧nö̧ ja̧'a, lino pö̧ja̧ta̧ tä̧'ö̧nä̧ huiä̧huä̧ta̧ttö̧,orottö'inä, azul ja̧ta̧ttö'inä̧,purpura ja̧ta̧ttö̧'inä̧, ja̧'hua̧ta̧nö̧ escarlata ja̧ta̧ttö̧'inä̧. Ja̧'hua̧ta̧nö̧ ⁹ ónice ido'quittö to'quire cuemuanö ja̧'a̧ ja̧'hua̧ta̧nö̧ israel ittimö̧ tomörȩttö ta'arenö huotö ttimi cuihuȩyö̧ta'anö ja̧'ö̧ ido'quinämä. ¹⁰ Yi̧mutettö̧ ya'atenö huotö tti̧mi ttihuȩyö̧ta'anö ja̧'a̧ yo'quite ido'quinä, ja̧'hua̧ta̧nö̧ Yi̧mutettö̧ ya'atenö huotö tti̧mi ttihuȩyö̧ta'anö ja̧'a̧ koro'qui ido'quinä̧mä̧ ttöhuäpächinomettö̧ pojopö topö. ¹¹ ja̧hua̧ta̧nö̧ ä̧tȩcuä̧nä̧ pätetö kö̧nahua̧tä̧ aditö'anö ja̧'a̧to piyȩ ido'quinä huȩyö̧tö̧ adicuämä, ido'quinä adiu 'cöcuächi'önä pämädö̧nä hueyö̧cuia̧'a̧cua̧'a̧ttö̧,,ja̧'ö̧ ido'qui to'quirenämä adiunä huäjunä 'cucuächi'önä pämänöanö ja̧'a̧ israel ittimö tomörettö ta'arenö huotö tti̧mimä̧ isä̧bi̧ orottö adi̧cuä̧bi̧nä̧ 'co̧ä̧dö̧ cujuna̧'a̧nö̧ ja̧'a̧, piyȩ ido'quiyämä ö̧'ca̧ta̧huäppi a̧'cua̧cunä huȩyu̧'ö̧nä̧ jäppi upi'qui'yö päteö karanä'inä ya'ate ja'huatanö̧ karanä'inä ya'ate jö̧nä̧. tö̧'ä̧nä̧huä̧ Dios 'cuäöpönä israel i̧tti̧mörö̧ amocuada pä'ö. Aaronmä pi̧ta̧ ö̧'ca̧ta̧hua̧ta̧mä̧ upi'canä karanä'inä ja̧'hua̧ta̧nö̧ karanä'inä israel i̧tti̧mö̧ttö ttömö jahuättö ta'arenö huotö ttimi huȩyö̧cuina ttö̧ä̧nä̧hua̧ Dios amocuäda pä'ö. ¹³ ucumä oro i̧sä̧bi̧ cuaditö'anö ja̧'a̧ ¹⁴ ja̧'hua̧ta̧nö̧ rä̧ö̧sa̧ jä̧inö'anö jö̧ ö̧sa̧ to̧sa̧rȩ päcuäi orottö metö juȩ'cua̧'anö ja̧'a̧ isä̧bi̧ u̧yu̧'cari̧ jome tiänäcuahua̧sa̧. ¹⁵ äbi̧ ttamöcanä̧ räjäcuäbi̧mä ttucuo i̧jecuä̧rö̧nä cuaditöanö ja̧'a̧, huo̧junä̧ hua̧rö̧tä̧ huettöänö ja̧'a̧ ttö̧'ca̧tä̧huäppi adiu a'cuacunä hueyu'unä jäppi aditäji'äya'anötä. orottö cuadita'ja, azul jatattö, purpura jatattö'inä, escarlata jatattö'inä, jahuatanö lino pöjäta̧ ta̧'a̧ta̧'inä̧. ¹⁶ Öotocu'inä, ö'cähuecu'inä yorätehuäbi cuaditöanö ja̧'a̧,. Juäbi ttamuca̧nä̧ ra̧cua̧bimä tobire pä'i'önä 'töhuatö jȩ'cua̧nö̧ ja̧'a̧ .Öotocumä ttömönä mähuo̧me jome, ja̧'hua̧ta̧nö̧ ö'cähuecumä ttömönä mähuo̧me jome. ¹⁷ Juäbi huämenämä paja̧cuänö omänä inä o'qui adiu a̧'cua̧cuttö̧ becuepa'anö ja̧'a̧. A̧comenä isä̧mä̧nä̧mä̧, rubi ido'quittö, ja̧unö o'comenä topacio ido'quittö, ja̧unö o'comenä esmeralda ido'qui'inä. ¹⁸ todäre pä'i'önä isämänä, turquesa ido'quittö, ja̧unö o'comenä zafiro ido'quittö, ja̧unö o'comenä diamante ido'quittö. ¹⁹ Huäbodäcuä pä'i'önä isämänä jacinto ido'quittö, ja̧unö o'comenä ágata ido'quittö, ja̧unö o'comenä amatista ido'quittö. ²⁰ pa̧ja̧cuä̧nö pä'i'önä isämänä berilo ido'quittö, ja̧unö o'comenä ónice ido'quittö, ja̧unö o'comenä jaspe ido'quittö. pi̧yȩmä̧ orottö adicuäbi̧ ttamöca̧nä̧ rä̧jä̧cuäbinä becuepa'anö ja̧'a̧. ²¹ ja̧ö̧ inä a̧'cua̧cu̧'juäi o'quinämä israel i̧tti̧mö̧ tti̧mi̧ adiö yo'yonö 'chunä tti̧huȩyu̧ta̧'anö, ja̧'a̧, o'catoinä ttimi adiunä yo'yonö 'chunä cui̧huȩyu̧tö̧a̧nö ja̧'a̧, ya̧cu̧nä israel ittimö ttimimä yo'quicunä adiunä bu'copö jepö̧ ttihueyu̧tua̧'a̧nö ja̧'a̧ siähuächöjuiyacua'anö. ²² Ttamöcanä rä̧jä̧cuä̧binämä päcuäi orottö ttö̧rä̧'ö̧sa̧ jä̧'ä̧yu̧'anö ja̧sa̧ to̧sa̧rȩ metö cuaditöanö ja̧'a̧. ²³ tta̧muca̧nä rä̧jä̧cuä̧binämä tta̧ja̧ o̧bu̧ jä̧'ä̧ya̧'a̧nö jo̧ o̧bu̧ päcuäi orottö adicuä o̧bu̧ cuaditö'anö ja̧'a̧. ²⁴ Ja̧'hua̧ta̧nö orottö adi̧cuä̧sa̧ rä̧'ö̧sa̧mä̧ tta̧muca̧nä̧ rä̧jä̧cuä̧bi̧ u̧yu̧'ca̧rinä 'cara'anä'inä, cara'anä'inä, ttönöanö ja̧'a̧. ²⁵ Jua̧sa̧ rä̧usä̧ orottö adicuä̧sa̧mä̧ ttamucanä rä̧jä̧cuä̧binä u̧yu̧'cari̧nä raretö bettepö'anö ja̧'a̧, ja̧'hua̧ta̧nö adiu a'cuacunä hueyu'unä jäppi ttö'catahuäppi u̧yu̧'ca̧ri päteö tobi̧re ttönöanö ja̧'a̧ pätecu ttamu̧ca̧na̧ rejecuä̧ obi̧ kä'co päteö pä'i'önä. ²⁶ Ja̧'hua̧ta̧nö̧ to̧bö̧re orottö a̧di̧cuo'o̧bö̧, cuaditö'anö ja̧'a̧ ja̧unö̧ o'comenä tta̧muca̧nä̧ ra̧ja̧cua̧bi̧ pätecö u̧yu̧'ca̧ri nea̧'a̧ cunu'a̧nö ja̧'a̧. ²⁷ Ja̧'hua̧ta̧nö iso̧bö̧ to̧bö̧re orottö cuaditö'anö ja̧'a̧, ja̧unö̧ o'ca'a ttö̧yu̧'ca̧rinä rȩju̧ obi̧ dȩa̧ bettepö'anö ja̧'a̧, ttiesubänä cuäounä ttä'cänä tianäcuahuatä huamenänö ra̧ba̧dö̧nä. ²⁸ ja̧'hua̧ta̧nö̧ azul jappänä ticuä̧na'anö ja̧'a̧ ttamucänä rä̧jä̧cuä̧bi i̧so̧bo̧ orotto adicuobö̧nä ja̧'hua̧ta̧nö pu̧ja̧ta̧nä ro̧bö̧cö̧, tta'cäna tiänäcuä̧huä̧tanä̧ ppäepö ttö̧tta̧cua'anö, piyȩmä ttamucanä ra̧bi̧ ttöca̧ta̧huäppittö moä̧chö̧juiya päö ²⁹ Aaron ro̧'o̧me doächiomenämä, israel i̧tti̧mö ttimi pabi̧ a̧muca̧nä amiso'qui päteö u̧nä̧hua̧nö ja̧'a̧ ucuo i̧jecuä̧ pä'i'önä, piyȩmä̧ 'cuäopönä tö̧a̧na̧huä̧ a'ca jome i̧'cho̧menä amocuäda päö. ³⁰ urim ido'qui'inä, tumin ido'qui'inä ttamuca̧nä̧ rä̧bi̧ ucuo i̧jecua̧ra̧bi̧nä 'cä̧tȩ cuena'ja̧, Aaron ami iso'qui päteö ra̧ja̧cua̧'a̧ tö̧ä̧na̧hua̧ a'ca jo̧me doächomenä. Aaronmä 'cuäopönä ami'iso'quinä epa̧cua̧ piyȩ ido'quiyämä ucuo i̧jecua̧ pä'i'önä israel ttö̧ja̧ ttöcuota päö'i'nä ja̧'hua̧ta̧nö tö̧a̧nä̧hua̧ a'ca jome doächomenä'inä. ³¹ koro'pi ö̧'catähuäppi cuaditö'anö ja̧'a̧ utuhuomä päcuäi purpurattö. ³² ja̧'hua̧ta̧nö pö̧ja̧ta̧ ka'co ttöpi'ca päteö isajö ttä̧cuȩpö̧'a̧nö ja̧'a̧ u räepö ö̧'ca̧ta̧hua̧cuä'a̧. pö̧ja̧ta̧ isäjö jäyänä isa̧bä̧ pounä ttö̧ttö̧a̧nö ja̧'a̧ serä̧huiö̧ juiya päö. piyȩma ttö̧'ä̧huä̧ huo̧ju'a̧tä̧ aditöanö ja̧'a̧. ³³ pö̧ja̧ta̧ jacuänä ra̧ta̧ beipome a'ca, azul jappättö'inä, purpura jappättö'inä, lana escarlata jappättö'inä o̧ba̧nö hui'ö jepö̧ jäyänä rö̧nö̧ cuaditö'anö ja̧'a̧. ³⁴ juä̧ta̧ pojä̧ta̧nämä o̧ba̧nö hui'ö jepö̧ jäyänä rö̧nähuä̧ 'cä̧tȩnä ̧huä̧'cä̧nö jo̧ ja̧'tta̧ ra̧ja̧ päö ja̧'a̧ ja̧'hua̧ta̧nö o̧ba̧nö hui'ö jepö̧ rö̧nä̧huä̧ 'cä̧tenä̧ tö̧huä̧'cä̧nö jo̧ ja̧'tta̧'inä yoyonö 'chö̧nä̧ pö̧jä̧ta̧ ä'ca jä̧yä̧ta̧nä soböcuächönä cunöa̧nö ja̧'a̧. ³⁵ Jua̧ta̧ pö̧jä̧ta̧mä Aaron'tä ö̧'ca̧ta̧hua̧cua̧ta̧ Dios a'ca jome doächa päö, ja̧ö̧ o̧tta̧mä tö̧ä̧nä̧hua̧ a'ca jome doächomenä'inä ja̧'hua̧ta̧nö räopomenä'inä Dios ä̧jö̧cua̧päö, ja̧cua̧'a̧ Aaron 'coröpä'i'ö juiya päö. ³⁶ Ja̧'hua̧ta̧nö ko̧ro̧bi̧ päcuä'i orottö adicuäbi̧ cuaditöanö ja̧'a̧ juä̧bi̧namä surojö juiyö tu̧ru̧hua̧ öäremä päö cui̧huȩyu̧töä̧nö ja̧'a̧. ³⁷ pibi̧ orottö adicuäbi̧mä azul jappänä ticu'änö'anö ttönä huenäcuähua'canä öcorä päteö. ³⁸ Aaron öcorä päteö uhuä'huönä rö̧a̧nö ja̧'a̧, ja̧'hua̧ta̧nö juabi̧ isa̧bi̧mä Aaron ttörö ttöäre köicu iyomenä ijȩcuä̧ ja̧cua̧'a̧, o'cajuiyönä israel ttö̧ja̧ suronä jȩttö̧ ttö rȩru̧jö̧nä tocha päö. öcäyuhuä'camä cuäopönä unä huö̧'a̧nö ja̧'a̧ ttö cui'ä̧nä̧hua̧ ja̧ö̧ cha'ca jome cui'cächö rȩru̧ju̧nä tocha päö. ³⁹ koro'pi ö̧'catähuäppi cuaditö'anö ja̧'a̧ ta̧'a̧ta̧ lino pö̧jä̧ta̧ttö ja̧'hua̧ta̧nö̧ öcäyuhuä'camä ta̧'a̧ta̧ lino pö̧jä̧ta̧ttö cuaditöänö ja̧'a̧. Ja̧'hua̧ta̧nö acänä tianäcuä̧hua̧ta̧'inä. piyȩma̧ ttö̧ä̧huä̧ huo̧jua̧ta̧ aditöanö ja̧'a̧. ⁴⁰ Aaron i̧tti̧mö̧ ttöäre'inä ttaditö'anö ja̧'a̧, ttö̧'ca̧tä̧huä'pi'inä, ttäcänä töänäcuä̧huä̧ta̧'inä ko̧ro̧ta̧ ji̧ki̧chö̧nänö ja̧ta̧'inä ttöcäyuhuä'canä töänäcuä̧huä̧cua̧ta̧, juä'camä̧ ä̧'cua̧cu̧nä̧ ttaditöanö ja̧'a̧ ttöcuo i̧jȩcuä̧rö̧nä̧. ⁴¹ cubuo Aaron'inä ja̧'hua̧ta̧nö i̧tti̧mörö̧'inä̧ cui̧'ca̧tö̧a̧'a̧nö̧ ja̧'a̧. Ja̧'hua̧ta̧nö u'nä̧ ane töepö, kä̧'ȩpö̧ huecua'ja ttö chömuäyotö pä'i'önä ttö̧ja̧, ttöttö'inä ttö̧ja̧ttö̧'inä̧ 'cäkopäteö adicuä ttö̧ja̧ jö̧nä̧. ⁴² Ja̧'hua̧ta̧nö̧ koro'pi'inä cuaditö'anö ja̧'a̧ jacuänä̧ isa̧ta̧ ttö̧dä̧pä̧rȩ huäju juiyönä tto̧ȩcuä̧ta̧, ttacättö ttö̧a̧juȩbö tto̧ȩcuä̧ta̧. ⁴³ Aaron'inä̧ ja̧'hua̧ta̧nö̧ i̧tti̧mö̧'inä̧ ttö̧ca̧ta̧hua̧päö ja̧cua̧'a̧ ttörö ucuocuäcuähuo̧ca̧ra̧'a̧ dottächia päö'inä i̧sa̧rö̧ ku'icu iyähuome ttichiapäö'inä, piyȩmä̧ soronä jepä̧tö̧ päö ttö̧huä̧necua̧chi̧yä̧cua'anö̧ ja̧'hua̧nö̧ jo̧ca̧'a̧ jo̧tto̧mä̧ 'coröpättiäcuotö. Aaron pi̧yȩmä̧ ucu'inä̧, cuahuäröhuä'inä hueähuä huene jȩ'cua̧tö̧cua̧ päö ja̧'a̧.