Khotbah Yesus Tentang Abas Zaman Bait Jabata Ao' gantn Ngaruruh ¹ Yesus mungkas umpatn Bait Jabata lalu ano waktu ayo' murid-A' utukng nujo a' bangunan-bangunan Bait Jabata wak'-A'. ² Ge, Ni' mansikatn wak' ayo' a', "Kati' bak imu' milesamaan hal diah? Iko' magaatn a' da sebenar a' wak'mu' bahwa kati ani nyitengpun batu ka diah ao' gatn ngabiar a' ani ka sammo' batu da laitn, da kati ao' gatn ngaruruh a'." Mule Penderitaan ³ Ge, waktu Yesus munyung ka sammo' apar Zaitun, murid-murid utukng wak'-A' secara adup-adup a' ge nyansana, "magaatn ta lah wak' kai, ngina hal-hal dakoh ao' tajadi ge ani bak da ao' jadi tande pangkutukng-Mu' ge pangkabis zaman diah?" ⁴ Yesus naham ayo' a', "Perhatikanlah supaya usah ani sok da menyesat a' imu'. ⁵ Sabab, karah da ao' utukng sadatn gaatn-Ko' ge nyansana, 'Iko' anilah Kristus,' ge ayo' a' ao' menyesat a' karah sok. ⁶ Imu' ao' dangah peperangan ge agah-agah tentang perang. Perhatikanlah supaya imu' kati buut karna ha-hal diah harus ta jadi, tapi diah tinga pangkabas a'. ⁷ Sabab, bangsa ao' umpatn melawan bangsa, ge kerajaan ao' melawan kerajaan, ge ka berbagai tampat ao' ani saburuk ge gempa tana paitn. ⁸ Samaan hal diah anilah awal umpatn panderitaan anap baranak. ⁹ Laka dakoh, ayo' a' ao' mangkatn a' imu' wak' panganiaanyaan, ge ao' ngamismu, ge imu' ao' gatn ngarusi kat seluruh bangsa karna gaatn-Ko'. ¹⁰ Ka waktu dakoh, karah da ao' ta singkak, ge ao' saling mangkatn a', ge rusi nyungan samu laitn. ¹¹ Karah nabi palsu ao' mampuang ge' nyesat a' karah sok. ¹² Sabab, pelanggaran semakin ba tambah, kasih sok da karah ao' jadi pannud. ¹³ Ao' tapi, sok da ba tahan sampe abas ao' gatn nyelamat. ¹⁴ Ge, Injil Kerajaan diah ao' gatn ngagah ka samaan dunia sebagai kesaksian bagi samaan bangsa, ge laka dakoh pangkabas ao' utukng. Pandaritaan Ahyo ge Kristus-Kristus Palsu ¹⁵ "Jadi, jangkah imu' mile pembinasa keji, samu da gatn nabi Daniel muji, agutn ka tampat suci, arus ta lah ayo' da maca mamahami a'. ¹⁶ maka ayo' a' da ani ka Yehuda arus buho ka pengunungan. ¹⁷ Asi da ani ka samo seng ramin, iya lah ni' tusor yak nangkap jai pun umpatn sadatn ramin a'. ¹⁸ Asi da ani ka uma, iya ure yak nangkap jubah a'. ¹⁹ Namun, calakalah ayo' a' da sadang batahi ge ayo' a' da jangkah nyusu kangod a' ka ano-ano dakoh. ²⁰ Badoa nih supaya pabohomu' iya ka musim pannud ato ka ano sabat. ²¹ Karna laka dakoh ao' ta jadi masa panderitaan ahyo, samu da tinga pernah ta jadi sajak pamule dunia sampe mati', ge kati ao' pernah ta jadi agi. ²² Ge, jika ano-ano dakoh kati gant ngankunok, kati ani idup da ao' gatn nyalamat a'. Namun, demi ayo' a' da gatn milih, ano-ano dakoh gant ngangkunok. ²³ Laka dakoh, Jika anisok nyansana wak' imu', 'mile, Kristus ani ka diah,' ato 'Ni' ani ka teetn,' iya lah pacaya wak' a'. ²⁴ Sabab, kristus-kristus palsu ge nabi-nabi palsu ao' muncul ge ao' bulah tande-tande mukjizat-mukjizat sehingga menyesatkan, jika mungkin , bahkan ayo' a'da gatn milih. ²⁵ Perhatikanlah, Iko' laka muji a' wak'imu' katinga dakoh a'. ²⁶ Jadi, jika ayo' a' nyansana wak' imu, 'mile, Ni' ani ka padang balantara,' iya ano ka teetn, ato 'mile, Ni' ani ka sadatn kamar dakoh,'iya pacaya ka ini'. ²⁷ Sabab, samu ulah kilat da mancar umpatn timur ge babalo sampe ka barat, pangkoh uge pangkutukng anak talino ao' ta jadi. ²⁸ Ka tampatn da ani bangke, ka dakohlah manuk nasar ao' ba kumpul." Pangkutukng Anak Talino. ²⁹ "segera, ngalaka masa panderitaan dakoh, 'Matu ano ao' gatn jadi galap, ge buratn kati ao' mangkatn balo a', Bintakng-bintakng ao' ruruh umpatn rangit, ge kuasa-kuasa ka rangit ao' gatn ngoncang a'. ³⁰ Lalu, tande Anak Talino ao' muncul ka rangit ge suku-suku ka tana paitn ao' sabal ate. Ayo' a' ao' mile Anak Talino utukng sadatn rahu-rahu ka rangit, nige' kuasa ge kamuliaan da ahyo. ³¹ Ge, Ni' ao' ngutus malaikat-malaikat-A' nige' saratn trompet da karas, ge ayo' a' ao' ngumpul a' umat pilihan-A' umpatn ke ampat penjuru tana paitn, umpatn ujung rangit da nyeteng ke ujung a' da laitn. ³² Mati', pelajarilah perumpamaan umpatn pu'ut ara jangkah da' at a' jadi lembut ge daut-daut a' narok, imu' nga panane bahwa musim paras nga jeket. ³³ Lahkoh uga jangkah imu' mile samaan hal diah, imu' nga panane bahwa Ni' nga jeket, ka talubo pintu. ³⁴ Sasungguh a', Iko' muji a' wak' imu' bahwa generasi diah kati ao' mua sampe samaan hal diah ta jadi. ³⁵ Rabgit ge tana paitn ao' a' lanyap, tapi Firman-firman-Ko' kati ao' lanyap." Masa Pa jutukng Anak Talino ³⁶ Ao' tapi, tentang ano ge waktu a', kati ani nyunganpun da pane, malaikat-malaikat ka surga uga kati, Sang Anak pun kati, tapi sang Bapa sadi. ³⁷ Samu ulah da ta jadi ka zaman Nuh, lah dakoh uga pajutukng Anak Manusia ao' ta jadi. ³⁸ Sabab, ulah ka ano-ano tinga paitn bah, ayo' a' uman ge nyucur , basautn ge gatn basaut a', sampe ka ano Nuh maruh ka sadatn Bahtera. ³⁹ Ge, ayo' a' kati paham a' sampe paitn bah utukng ge me lanyap a' ayo' a' samaan; lah dakoh ugalah pa jutukng Anak Talino ao' a' ta jadi. ⁴⁰ Laka dakoh, ao' ani dua sok ka uma; da nyungan ao' gatn naaf ge da nyungan ao' gatn nanggalatn. ⁴¹ Dua mahung ao' giling ka batu kilangan, da nyungan ao' gatn naaf ge da nyungan ao' gatn nganggat a'. ⁴² Karna dakoh, ba jage-jagelah karna imu' kati pane ka ano jai Tuhanmu' ao' utukng. ⁴³ Namun, ngapananelah diah bahwa jika tuan ramin laka panane ngina, ka waktu ngarum, si parangko ao' utukng, ni' ao' ba jage-jage ge kati ao' ngabiar a' ramin a' gatn bongkar. ⁴⁴ Kat karna dakoh, imu' uga arus siap sedia karna Anak talino utukng ka waktu da imu' kati nga duga a'. Hamba da Setia ge Hamba da Jahe' ⁴⁵ "Lalu, asi duk hamba da setia ge bijaksana, da tuan a' ngankat sammo' samaan ramin a' yak mangkatn ayo' a' pangkuman ka waktu da tapat? ⁴⁶ Gatn berkatilah hamba dakoh, da jangkah tuan a' utukng, tuan a' dakoh amputn ini' jangkah karaje la dakoh rupa. ⁴⁷ Sa sungguh a', Iko' nyansana wak' imu' bahwa tuan dakoh ao' ngangkat hamba a' dakoh sammo' samaan pangumpu a'. ⁴⁸ Namun, jika hamba da jahe' dakoh nyansana sadatn ate a', Tuanko' nunda utukng,' ⁴⁹ Lalu ni' mule mangkung a' hamba-hamba da laitn, lalu uman serta nyucur samahu nige' da abok; ⁵⁰ tuan umpatn hamba dakoh ao' utukng ka ano jangkah ni' kati harapkan a' ge ka waktu da kati ni' panane, ⁵¹ ge ao' nyangkalatn a' ge mana a' ni' samahu-mahu ayo' sok munafik. Ka tampatn dakoh, ao' ani unse ge kertak japu.