¹ Inum ano ngalaka dakoh, Yesus minsakng Petrus, Yakobus, uga Yohanes age Yakobus, ge' minsakng ayoa' makka ka gunung da nyamo nige' cara adup-A. ² Lalu, Yesus barubah rupa ka tura ayoa'. Bahas-A babalo samu ge' matuano ge' pangiak-A jadi ranakng ulah balo. ³ Ge', ile', tile' ta ka ayoa' Musa ge' Elia, agi' basarita nige' Yesus. ⁴ Petrus nyansana ka Yesus, "Tuhan, bait ta ite' madi' kadiah, iko' ao' mantagut taru dio kadiah, nyiteng ya' di-Mu', nyiteng ya' da Musa, nyiteng ya' da Elia." ⁵ Jangkah Petrus masih nyansana, nyabuah rahu da tarakng nuno' ayoa', ge' mile', ani saratn da umpatn sadatn rahu dakoh da muji', "Diah ta Anak-Ko da gatn Konyayang, ka Ini'talah Iko berkenan, Da dangah ta ka-Ini'." ⁶ Jangkah ayo murid ngadangah diah, ayoa' maramuup nige' bahas'a sampe ka tana ge' aru buut. ⁷ Namun, Yesus utukng ge' nyintuh ayoa', waat-Na, " Umpat mih ge' iya' buut." ⁸ Jangkah ayoa' nika matu ayoa', ayoa' kati' milek asi pun, kacuali Yesus sadi'. ⁹ Jangkah ayoa' disah umpatn gunung, Yesus ngadu ayoa', waat-Na, "iya' nyarita pamile' dakoh ka asipun sampe Anak Talino gatn ngangkidup umpatn antara sok kabis." ¹⁰ Ge' ayo murid mansikatn ka- Ini', " Lalu, jailah ayo ahli-ahli Taurat nyansana bahwa Elia harus da uru utukng. ¹¹ Yesus naham, "Elia memang da uru utukng ge' ngangkabait segala jaipun. ¹² Namun, Iko muji' ka kaimu' bahwa Elia nga utukng, tapi ayoa' kati nganal'a ge' mamparlakua ulah da ayoa' ngate. Ladakoh uga Anak Talino ya' mandarita ka barekng ayoa'. ¹³ Laka dakoh, ayo murid ngarati bahwa Ini' nyansana ka ayoa' manganai Yohanes Pambaptis. Nyungan kangot gatn ngarapas umpatn Roh da jahe ¹⁴ Jangkah Yesus ge' ayo murid malik ka sok da karah, nyungan are utukng ka Yesus nige' basujut ka hadapan-A gae muji', ¹⁵ " Tuhan, mahi pamase' ya' anakko sabab ni' anapm gila babi ge' aru tao manderita. Ini' sering jantu ka sadatn api ge' sadatn paitn. ¹⁶ Iko ngalaka minsakng'a ka ayo murid-Mu', tapi ayoa' kati' aba' ngangkauhatn'a". ¹⁷ Yesus naham, "He, imu' katurunan da kati' pacaya ge' da sasat! Mani tuhi agi' Iko ao' madi' samahu imu? Mani tuhi agi Iko harus basabar tarhadap imu'? Minsakng mih kangot dakoh ka-Iko'." ¹⁸ Maka Yesus ngarato' roh da jahe' dakoh singga kaluar umpatn kangot are dakoh, ge' kangot dakoh auhatn waktu dakoh uga. ¹⁹ Lakadakoh ayo murid utukng ka Yesus, jangkah ayoa adup-adup ge' Ini' ge' mansikatn, "Jailah kai kati kaatn nguser roh da jahe' dakoh?" ²⁰ Waat-Na ka ayoa', "Karna imanmu' inek. Iko muji' da sabanara kaimu', sak imu' ani umpu' iman ahyo ulah igi' sansabi sadi', maka imu' aba' muji' ka gunung diah, 'Pinda mih umpatn tampat diah ka teetn!' ge' gunung diah ao' pindah. Kati' ani da mustahil bagi imu'. ²¹ [Tapi ao'a, roh da jahe' jenis diah hanya kaat gatn nguser nige' doa ge' puasa."] Yesus Nyansana manganai Pangkabis-A ²² Jangkah Yesus ge' ayo murid-A agi bakumpur ka rapo Galilea, Ini' nyansana ka ayoa', "Anak Talino ao' gatn nyarah ka sadatn barekng talino, ²³ ge' ayoa' ao' ngamis-A, ge' Ini' ao' ngangkidup-A pas ano ka taru'a." Ge', ayo murid-A aru sedih'a. Pangajaran manganai Mayar Pajak ²⁴ Jangkah ayoa' utukng ka Kapernaum, ayo panageh pajak 2 dirhsm utukng ka Petrus ge' mansikatn, "Anita gurumu' kati' mayar pajak 2 dirham?" ²⁵ Petrus naham, "ai". Jangkah ini' maruh ka sadatn ramin, Yesus nga uru nyansana kaini', "Langkina manurutmu' , Simon? Umpatn asilah raja-raja dunia diah nageh bea ge' pajak? Umpatn anak-anak'a ato sok laitn?" ²⁶ Jangkah Petrus naham, "Umpatn sok laitn," Yesus nyansana kaini', "Kalo lakoh, anak-anak'a bebas. ²⁷ Tapi ao'a, supaya ite' kati' nyinggung ayoa', anu mih ka tamu' ge' nyangkahatn kail. Naap ta ikatn da partama muncol ge' jangkah imu' nika baba'a, imu' ao' amput nyakaping uang da nilaia 4 dirham. Naap ta uang dakoh ge' mangkatn ka ayoa', ya' di-Ko ge' ya' dimu'."