¹ Pas Yesus ngalaka mangkatn parintah ka dua belas murid-A', Ni' ano umpatn teetn yak ngajar ge berkhotbah ka kota-kota ayo' a'. Yesus Ge Yohanes Pembaptis ² Mati', pas Yohanes, da ani ka panjara, dangah pangaraje-pangaraje Kristus, ni' ngirim pasan lewat murid-murid a'. ³ ge mansikatn ka-Ini', "Diuta imu' da ao' utukng dakoh, ato arusbak kai nunggu da lait a'?" ⁴ Yesus naham ge nyansana ka ayo', "Anolah ge muji a' ka Yohanes jai da imu' dangah ge da ni mile, ⁵ da buta mile, da lumpuh bajalant, da kusta gatn nahir a', da banggal danggah, da kabis gatn mangkidup, ge ka da papa' gatn ngabar Injil. ⁶ Ge, gatn berkatilah sok da kati tasingkak kat-Ko'." ⁷ Ge, ngalaka ayo ano, Yesus mule nyansana ka sok karah tentang Yohanes, "Jai da nagte imu' mile ka tarut tuat? nyabatakng buro' da gatn ngule nyaru? ⁸ Imu' ano yak mile jai? sook da bapangiak halus? Ayo' a' da ba pangiak halus dakoh ani ka istana-istana raja. ⁹ Yak mile ano bak imu'? nyungan nabi? Ae', Iko' muji ka imu, ni' bahkan lebih ahyo daripada nyungan nabi. ¹⁰ Sabab, ini'lah sok da tentang a' laka gatn nulis:'ile! Iko' ngirim utusan-Ko' ngalewat a' -Mu'." ¹¹ Iko' muji a' da sebenar a' ka imu', ka antara ayo' a' da gatn nusak a' kat mahung, kati suah tampalak sok da labih ahyo daripada Yohanes Pembaptis. Ao' tapi, da paling inek sadatn kerajaan surga, labih ahyo daripada ini'. ¹² Sejak zaman Yohanes Pembaptis sampe mati', Kerajaan Surga mandarita kakakarasan, ge ayo' sok da kejam dakoh umas a' nige' paksa. ¹³ Sabab, samaan nabi ge Hukum Taurat bernubuat sampe zaman Yohanes. ¹⁴ Ge, Jika imu' ituh narima a', ini'lah Elia da ao' utukng dakoh. ¹⁵ Asi da ani rajak yak dangah, haruslah ni' dangah a'! ¹⁶ Namun, nige' jai bah ao' ko' banding a' generasi diah? ayo' a' dakoh samu kangod-kangod inek da unyung ka tampat-tampat sok karah, da maba kawan-kawan a'. ¹⁷ ge nyansana, 'kai mihu suling yak mu, tapi kati joget, kai ngado lagu dukacita, tapi imu' kati berduka. ¹⁸ Karna Yohanes utukng tanpa uman, uga kati nyucur, ge ayo' a' nyansana, 'Ni' kerasukan roh jahe'.' ¹⁹ Ao' tapi, pas anak Talino utukng lalu uman ge nyucur, ge ayo' a' nyansana, 'mile, sook da rangka ge pemabuk, kawan ayo pangumpul pajak ge ayo' sok baduse.' Ao' tapi, hikmat gatn benar a' kat perbuatan a." peringatan yak sok da kati tuh Pacaya ²⁰ Lakadakoh Yesus mule manyangun kota-kota tampat Ni' umas a' paling karah mukjizat karna ayo' a' kati batobat. ²¹ "Celakalah imu, Khorazim! celakalah imu, Brtsaida! Sabab, jika mukjizat-mukjizat da laka tajadi ka antara imu' uga tajadi ka Tirus ge Sidon, ayo' a' nga tuhi ba toobat nige ba pangiak kabung ge abu. ²² Ao tapi, Iko' muji a' ka imu' bahwa ka ano penghakiman a' daripada imu'. ²³ Ge, imu, Kaparnaum, ao' kah imu' gatn ngagat a' sampe ka rangit? kati, imu ao' gatn nyosor a' ka dunia sok kabis, sabab jika mukjizat-mukjizat da laka tajadi ka antara imu' dakoh ta jadi ka Sodom, kota dakoh ao' tatap ani sampe ano diah. ²⁴ Ao' tapi, Ako' muji a' ka imu' bahwa ka ano penghakiman, tana Sodom ao' labih bisa nanggung a' daripada imu'." kelegaan ka sok da Utukng ka Yesus ²⁵ Pas waktu dakoh Yesus nyansana, "Iko memuliakan Akupm, Bapa, Tuhan samo' rangit ge tana paitn, bahwa Akupm nyukatn samaan diah umpatn ayo' sok dabijaksana ge pande, ge mengungkap a' ka kangod-kangod inek. ²⁶ Ae, Bapa, karna samu' dakohlah da berkenan ka hadapan-Mu. ²⁷ Segale hal laka gatn nyerah a' ka-ko' kat Bapa-Ko'. Ge, kati nyungan pun da ngenal Anak, selain Bapa; kati nyungan pun ngenal Bapa selain Anak ge setiap sok da gatn kehendaki Sang Anak yak mengungkap a'. ²⁸ Utuknglah ka-Ko', samaan da latih lesu ge berbeban bahat, ge Iko' ao' mangkatnmu' kelegaan. ²⁹ Umit ta kuk da ko masang, ge belajarta umpatn-Ko' karna Iko' lemah lembut ge rendah ate, ge imu' ao' kaatn ketenangan sadatn jiwamu'. ³⁰ Sabab, kuk da Ko'masang dakoh mudah ge beban-Ko' nyahan.