¹ Age-ageko' da ko'kasihi, usah pacaya tao satiap roh, malainkan ujilah roh-roh itu yak panane diuta ayo' a' barasal umpatn Jabata karna karah nabi palsu laka utukng ka dunia. ² Pangdiahlah imu' nganali Roh Jabata: satiap roh da ngaku bahwa Yesus Kristus nga utukng sadatn wujud talino barasal umpatn Jabata. ³ Satiap roh da kati ngakui Yesus, kati barasal dari Jabata. Dakoh anilah roh anti-Kristus, da imu' dangah ao' utukng ge mati' nga ani ka dunia diah. ⁴ Anak-anakko', imu' barasal umpatn Jabata ge nga ngalahkan nabi-nabi palsu dakoh karna ni' da ani ka sadatn adupmu' labih ahyo daripada ni' da ani ka dunia. ⁵ Nabi-nabi palsu dakoh barasal umpatn dunia. karna dakoh, ayo' a' nyansana umpatn dunia ge dunia dangah a' ayo' a'. ⁶ Ite barasal umpatn Jabata. Sok da ngenal Jabata dangah a' ite, Nige' diah, ite panane Roh kabenaran ge roh panyesat. Kaehlah ite saling mengasihi. ⁷ Age-ageko' da ko'kasihi, kaehlah ite saling ngasihi karna kasih barasal umpatn Jabata, ge satiap sok da ngasihi tusak umpatn Jabata ge nganal Jabata. ⁸ Sok da kati ngasihi kati nganal Jabata karna Jabata anilah kasih. ⁹ Pangdiahlah kasih Jabata gatn nyata a' ka antara ite: Jabata ngutus Anak-A' Da Tunggal ka sadatn dunia supaya ite bisa idup lewat Ini'. ¹⁰ Ka sadatn diahlah kasih dakoh: inya ite da laka ngasihi Jabata, tapi Jabatalah sebage kurban pendamaian tuk duse-duse ite. ¹¹ Age-age da ko'kasihi, jika Jabata begitu mengasihi ite, ite uga arus saling mengasihi. ¹² Tinga ani sok da suah mile Jabata. Jika ite saling ngasihi, Jabata madi' ka sadatn ite ge kasih-A' dakoh gatn sempurnakan ka sadatn ite. ¹³ Nige' hal diah ite pane bahwa ite madi' ka sadatn Jabata ge Jabata ka sadatn ite karna Jabata laka mangkatn ka ite umpatn Roh-A'. ¹⁴ Ge, kai laka mile ge bersaksi bahwa Bapa laka ngutus Anak-A' jadi Juru Selamat dunia. ¹⁵ Satiap sok da ngaku bahwa Yesus anilah Anak Jabata, Jabata madi' ka sadatn Ni' ka sadatn Jabata. ¹⁶ Jika, ite laka panane ge laka macayai kasih da Jabata umpu yak ite. Jabata anilah kasih, ge sok da madi' ka sadatn kasih, madi' ka sadatn Jabata ka sadatn ni'. ¹⁷ Nige' diah, kasih gatn nyempurnakan nige' ite supaya ite bisa umpu keyakinan adup ka Ano Penghakiman karna samu' ge Ini'. pangkoh uga ite ka dunia diah. ¹⁸ Kati ani uncot ka sadatn kasih, tapi kasih da sempurna ngusir uncot karna uncot bahubungan nige' hukuman. Sok da uncot, tinga gatn sempurnakan sadatn kasih. ¹⁹ Ite ngasihi karna Ini' labih uru mangasihi ite. ²⁰ Jika ani sok da nyansana, "Iko' mangasihi Jabata", tapi ngarusi age a', sok dakoh anilah panipu. Sabab, sok da kati' bisa ngasihiage a' da tampalak, kati bisa ngasihi Jabata da kati tile. ²¹ Ge, parintah diah ite narima umpatn Jabata: Satiap sok da mangasihi Jabata, arus mangasihi age a' uga.