¹ Sababu gena-ge, dadi bato Ma Jou'ong Madutu 'ai so-soma'a sa'olo ngo'olo-ngo'olo ma dadalara. ² 'Ahu bato toma dadalara madara, matero Kristus 'o dadalara ra ngene re 'O si pula'a di'a ngene so'o sadaka re kurbana ma me-mela ofi ra Ma Jou'ong Madutu. ³ V 3 Ma duga, tingkai re susudala 'awa, danata 'awa, re ni teronga bato ma 'awa sababu gena-ge 'i dadi 'ua ra ngowa'a-ngowa'a kudus. ⁴ 'Awa mena demo-demo ma cafarune faeda cua, re bodoko, bolo jengere paidi ma pantasa 'ua, mada'a sibere 'ie murasa ma la. ⁵ Sababu, ngini waro mode-mode'e mangale ngowa'a su-sudala, ngowa'a suci 'ua, bolo danata 'adu silamo'o anang manga gomanga, anang du ma'e 'ua 'o bu-bula'a ra Kristua 'ai Pareta re Ma Jou'ong Madutu. ⁶ 'Awa mena ngowa'a na'u sihaga ngini ra demo-demo madara cua sababu gena-ge 'i singadol Ma Jou'ong Madutu 'ai bahala toma ngo'olo-ngo'olo tingkai. ⁷ Dadi, 'awa si mana'i ra anang. ⁸ 'Au nga'ene ngini 'ahu toma golomumu, mada'a toma orasa nange-ne reni 'ahu 'i bitanga ra Jou madara. 'Ahu bato so'o ngo'olo-ngo'olo bitanga. ⁹ Sababu sowo'o bitanga gena-ge mo-moini 'i la-la, ruci 'ua, re ma mo-mode'e, ¹⁰ re du mariono sasadi'i waro orou 'i si sanangi Ma Jou'ong Madutu. ¹¹ 'Awa ni madaga'a orou toma golomumu ma hasili cua, sidibo di'i matahana lawana gena-ge. ¹² Sababu, terongo arou rana anang 'adu si a'a ma 'ogor-'ogoro gena-ge 'i mara'a masala ¹³ Mada'a, 'arou rana ya'u si mawatolo dua toma bitanga 'i dadi ma'e sababu mo-moini 'i dadi ma'e gena-ge 'o bitanga. ¹⁴ Sababu gena-ge, mena kanau, "Momi'i, he ngini ngowa'a ca kakadunu! Momi'i toma ngowa'a sengene, re Kristus 'o cidoto tani re'u." Yesaya 60:1 ¹⁵ Dadi, totoho lala ninga 'ahu, 'awa matero ngowa'a bodoko, mada'a dadi ngowa'a pande. ¹⁶ Na'o reni ma'e ngo-ngaku lala 'ino, sababu orasa nange-ne ma jira. ¹⁷ Sababu gena-ge dadi 'awa ngowa'a bodoko,mada'a sahe orou gena-ge 'a Jou 'ai kehendaka. ¹⁸ 'Awa 'oe anggur singadol etolo sababu gena-ge 'i ofi 'ua, mada'a romanga bato ra roh. ¹⁹ jarita bato matengo re matengo mazmur madara, kidung pujiana, nyanyi rohani, nyanyi bato re diei nya-nyanyi ra Jou re 'ani sinyingara madutu. ²⁰ Si bere 'o sukuru ra Baba Jou'ong Madutu toma taninga Jou 'ai lomanga, Yesus Kristus. (Bererongo di'a Ngowa'a manga Naudu re Ngowa'a manga Were'a) ²¹ Ni ma'u ruku bato matengo re ngowa'a lelegu toma mojongo ra Kristus. ²² Ngini ngowa'a manga were'a, ruku bato ra ni naudu, matero ra Jou. ²³ Sababu, ni naudu gena-ge 'o sa'e tai were'a, matero Kristus 'o sa'e toma jama'ata, gena-ge 'Ai lese, re Unang matetengo 'o Juru Salamata. ²⁴ Mada'a so'o jama'ata ruku ra Kristus, gena-ge di'i 'o naudu. ²⁵ Ngini ngowa'a manga naudu, dadalara 'ani were'a matero 'a Kristus dadalara 'ai jama'ata re sipula'a 'ai lesa ra jama'ata, ²⁶ di'a 'o si kudusu anang re siberesi ra banyo ra 'Ai 'Idingi. ²⁷ Dadi gena-ge, Kristus 'o sipula'a jama'ata 'Ai lese mulia madara, ma pece 'au, bolo fororo 'ua gena-ge 'i si a'a jama'ata dadi kudusu re cira 'ua. ²⁸ Gena di'i ngini ngowa'a manga naudu, dadalara bato ni naudu matero 'ani lese masiretene. Unang dadalara tai were'a, dadalara 'ai lese masiretene. ²⁹ Sababu, mena 'ua ngowa'a 'o nyanyadi 'ua 'ai lese masiretene, mada'a unang 'o palihara re jaga. Matero di'i 'a Kristus si a'a 'o jama'ata ³⁰ sababu ngene 'o lese ma bi-bilangu. ³¹ Dadi gena-ge, naudu 'o sitiama dua 'ai baba re meme re ma si rimoi ra tai were'a anang modidi 'i dadi lese rimoi dua. ³² Rahasia ngane 'i lamo'o, re ngoi kanau ngane toma bi-biri'u Kristus re jama'ata. ³³ Mada'a, tiama bato ngini matengo-matengo ni dadalara tani were'a matero 'ani lese masiretene re were'a gigisene tami naudu.