Pasal 3
(A Paulus o Aa.a Benyetoro toma Bangsa ngoaa Yahudi wua)
1
Sababu siliba ngane ngoi Paulus usingosama bui sababu Yesus Kristus madaa ngini ngoa-ngoa kafir.
2
Ngini balasu ni gigisene mangale benyetoro majou madutu ai bubulaa. Rengoi osidoaa rengoi re ngini du.
3
Dadi genage osiajele gogogono genage sihabari rengoi matero soo ngoi nyang re ngoi talefo duga mabokoo genage.
4
Oras nia nonu ngane ngini nia sahe ngoi ari momae mangale gogogono Kristus.
5
Yang du sia je lua re ngoa-ngoa goro du udu ma lelegu madaa oras ngane isiajele toma Rasul re Nabi ma lara masa babu Roh Kudus.
6
Gogogono genage romaena masababu matee Injil ngoa-ngoa kafiri idadi matero Ahli Warisi lolomu matero leserimoi ini re wa oro matero-tero bilangu Yesus Kristus ai jaji ino.
7
Ngoi to dadi male leana Injil majoong madutu yang opulaa rengoi mete e ma Jou ai benyetoro.
8
Re ngoi cira mafoloi toma ngoa malara moi-moini o bubulaa ngane. Sipulaa balasu ni sihaka waro re ngoa-ngoa,a kafiri Kristus ai oroa rana iah yang ai dutu wua.
9
Re sigasa bitanga toma ngoaa mangale gogogono yang ana ya gogono madiara rema abat-abata rema Jou madutu ia yang asi dadi oh orou rana.
10
Resoogenage metee jemaata rema Jou madutu ai orou-Rana. Oras a nangene sihaka waro toma pamarinta re manga pareta dauutoma Sorga mangii.
11
Nganeye matero soo raneana singadoloia yang isiajele re modara Yesus Kritus ngene nanga Jou.
12
Duga reuna ngoi tomae barani re to owosama majou madutu ngoomo madara ia. Re tongaku sababu ma Yesus ai mura re Ailah.
13
Sababu genage ngoi togoloo rengini la ngini ni masusa awa nia mae ngoi tabasono masababu ngini o. sangi sara genage duga daa ngini ninga lah. (Paulus o Mayiata Duga Jamat Efesus)
14
Duga nia sakala ngane ngoi toma jubu.u re baba Aibionia.
15
Daa una inolah gia nongodu toma sanga re toma dunia ya mal lomanga.
16
Ngoi toma nyiata la matero re orou rana mulia. Una balasu osipula.a re ngini oguata re nia jiwa madara ia. Re kuasa Roh mamemetee.
17
Singadolo Kristus o.nyengara tegoro re ngini nanga sinyingara madara ia.a metee iman singadolo ngini ni masi wutu.u. Re masi wangi ni toma bubulaa madara.
18
La ngini matero ngoa,a malara momoini lania sahebola nia waro o oruu maroata magaudu re manyogala re ingido Kristus Aibubulaa.
19
Soo genage ngini nia waro Kristus ai bubula.a sipaidi womaroanga singa dolo ngini ani romanga momoini re majou madutu ai ro-romanga.
20
Duga, una a.poha dieii i.kuata foloi marepe re momini yang ngene wagolo.o bolo momae simete.e re aikusa re ai benyetoro rengene ia.a.
21
Duga una ia ai mulia jemaat madara ia. Re Yesus Kristus madara ia duga momoini goro du udu singado-ngado liaa. Amin