Pasal 15
(Wena Do Keka Te Keka dikimbonde Wakete Imulre Tepelreine)
1
Nete bo, te E. wake pelrenei detelro wike bai nya te diki mamlre nena Eu mo tena pe ambai.
2
Netena E, metlrena, detelro site, poite meko mamlre. Nenei telre pelre tena mane.
3
Kristus laiti nena Eu, motenape ambaiye. Semone melrei peko nai mane, metelre na Apeko Wena bulrate, dana bulrate laiti.
4
Netenate yansine mltoyui na. E, tenate laiti mlro yaiye netena te A, walri yeilre E tire, pelre te, dau malre.
5
Allah kena bise Ei-lrel, nena poi te ini walre, ne tepa-tepa ei lre sipelre-sipelre nekembe, Yesus Kristus, tena mane.
6
Neplrena we metlrena mendo beite, A nembeite Ena mei Allah, Ena Tuhan Yesus Kristus.
7
Netenate sipelre-sipelre douwebe, Kristus wete dokuwlrena mane Allah kena kiya Eine.
8
De wete snawalrena pe, Kristus laiti akiate metlrena detelro te, bute royoumu telre pelre tante. Nepelrena kasi yo yepeyo ayeko-yekote sanoume.
9
Nepelrena selrai-selrai Yahudi pe ambai ye. Allah te nena bise Eine, kapnai - nlre, semo ne malrai pekona, mane, netenate dewete selrei-selrei nlrone kaptewalre,
yahudi pe ambai, Yepi Eine wena Eido te kapte walre.
10
Nepelre nena akulrung selrai-selrai kobe Yahudi nlrona pe ambai ye we metelre mane.
11
Yahudi Nlrona Pe ambaiye. We metlre mame nete kapnembe
12
Yesaya Ate meko puko sai kena selrai lre mendena nena Eine selrai-selrai Yahudi detelro pe ambai ye, Nemote tenaiye.
13
Memai Allah walri tou wate nemanmote kemenemlre wei telre-pelre eine wenawake ne walri yambu nemnamote kemenemlre.
(Paulus Detelro Site Akeya Te Saneyoume Yahudipe Ambai)
14
Netelrena dokeka denepe, wate nimeyupuwalre, wena eina telre pelre Dopelre, ne pelrena sipelre-sipelre anembeite, Elrembe.
15
Nepelrana de wena nlrote semo waketlre nepe mropukalre Metelre na A neke wena, Ati ye mane, metelrena yambu walri Allah dete nepe ikitelre.
16
Do Ake yante dupukalre Yahudi selroina pe ambai ye, mai Allah kena akiyate santemalrenate, nepelrena metlrena selrai-selrai Yahudi pe ambai ye nena metelrena walri yabu eine.
17
Netena te de Yesus Kristus kena eine, de walrite kalre Allah kena kembalri tante.
18
De A sisi tena de sanipai depe Kristus de eine meko younate, Yahudi selrai pe ambai selrai si alre yowe nepelrena kembalri lre yowe.
19
Nepelrena kembalri meko yarna, Walri, yambu wakene, kota lre yowe, nepelrena Yerusalem yo nepelrena Ilirikum, yo Kristus kena akeyate nepe sanyama-lre.
20
Nenei delre te elrepuko Ake yate, sanemlre nate Kristus te, nepe, nimeyai bekona, nu pe ambai ye de ne bulrane akeya tena sanipai.
21
Semo ne mlropeko namane, Ne wAkeya betoupainya yo nenei dou tenai ye, nepelrena betou pai yo mendone mekonaiye.
(Paulus Kena Mendo Roma Yo Te Mendenate)
22
Dete nemna mo te nipi te, tiyaite weko-tena mipai.
23
Dete na kembalri nou dapena nepe ambai, wetena mendo te mewalre, mai-mai ne wekote metirenare.
24
Spanyo te telrena mendote mekalre, nepelrena wekote-metlre wemblre tu pye malre we laiti, di kite mbombe dena nipi Telrena, wemblre-wemblre.
25
Da selrei pe Yerusalem yo te, telre mekaina sate, yatete mlre.
26
Makedonia yo plre, Akhaya yo plre, nenei mekaina sate, wake bainya datelro te, nepelrena Yerusalem pelre.
27
Nena te kena poi mekoyaiye, nena nekewena nena kem balri netenate selrai-selrai Yahudi pe ambai, Ye, metlrena mane nepe miyaiye, poi te yatenaiye nepelrena sawalro Teyatenai ye.
28
Da kembalri ne pe baite mekoupukalre, neplrena nena sa.
29
Denepe nimeyubukalre, wakote metlre nate Kristus kena yambu walri eine de metlre.
30
De wete dia walre do keka metelrena Yesus Kristus kena yambu walri ne dete amendo eine olru nembe.
31
dete Yudeya detelro tire-pire ambai nya melre, mbaite tanai teponde, nepelrena dena kembalri Yerusalem yona yu bonde detelro, poi nelro ne.
32
Allah kena nipi lre, dewekote metelre, walri-walri pelre wenembelre-dembelre.
33
Mai Allah kena yambu walri. Wate, nemena mote deye nemlre. Tlre pire.