(Pemerintah Nena Ayeko bulane betoi-betoite betombe) ¹ Neperna,detelro beiska-beiska pemerintah nena lrene kulro kumu tapemu nepelre da pemerintah mang kenalrena ambai,nepelre ne detelro Mang elripukona. ² Ne kalrotenate,we sime pemerintah kena ate adete delnununa,we Mang kena a kalrote kepawete dine,nepelre da atungte kepawete we kepawete denembena wei eute pekote yatembe. ³ Nepelrena, we poite mekombena pemerintah endikitena taipai, nena pekote mekaiye detelro tenate, wena kenalrena Walri tuwa nuna pemerintah kena bekouna endiki dekoipai? kembalri poite mekombe,nenalrena ate poi dowembe. ⁴ Wena poi mekoyauna sate we meterna Mang kena kembalri detelro, netenate, we kembalri pekote mekombena, da a kalro tena endiki dekoipai pemerintah nenei yenimo sapelre taipaiye. Ne metema mang kena kembalri detelro pekote sapelre mekonaiyena pewalrin Mang Walri nete klrinemelre. ⁵ Netnate, we meterna dusung nekombe,nena Mang Waly kenalrena peko ambai, nenape wei kena de kolrena. ⁶ Da kalrotena,nenei a elre wena sangte mekombe,ne meterna Mang Waly kena kembalri detelro mane nepe tamupuko. ⁷ Meterna sasasi detelro satini lati yatem membe;seng pelre koplrunena ne seng nete detelrote yatem membe,sasusi pelre koplraimena detelroteyatem membe,detelro siti-siti dekoi-dekoi dekom membe,nepelre sesoyu pelre tupainya detelrotena sesoyute lati tupen membe. ⁸ Detelro sikina ssatena we nemeina yati painya,kena bise siti-siti denembe we detelro siti kena bisete denembena Tauratna atung nena nepete nolre mekauwe. ⁹ Nepelre,kamatena mekoipainya,detelrotena tutupainya,bisitena dinipainya,detelro nenei satena kenatena dini painya, "Nepelre a kalro sineme nekainye,da kalro meterna nepe aduku nekewe,"we eute kena bisate dine na mane detelro sitena nemane lati dunelre." ¹⁰ Bise nekewena detelro sitina kembalri pekotena mekoi painya. netnate bise nekewena Tauratna atung eine dulrusuku. ¹¹ Nemane potena,daya selreitena meterna nepe nime yambuko neya mendena kubulrulre emibombe,nepelre menayaye etena poitu nepe nopi yeu puko,maniba pona e telre pelrete elran beko. ¹² Denen nepe dina yowe nepelre daise nepe nopiyenpuko,manipa pona e telre pelrete elran beko. ¹³ Eiyei yelreute poi kalro dase kiamane ne kemalre kalri nelrone nepelre bute anaina nelro tena nikipainya. peko eina nepelre eusa yepayaina,nepelre ate king kra yena nelrone nepelre eusa siti-sitite klitam ne memlrena tena dinipainya. ¹⁴ Nemenatena,Tuhan Yesus Kristuste wei eune doune nepelre pa kani potena eu endung yepai yena kalrotena ipainyatena.