(Mang Wari Nenei Detroyei Ke Pawe Duwipai) ¹ Netenate ate seminsukalre nemenakaye Allah nenai detroreite baite selrepuko. Nemanatena bete ambai. Dena eutepalrena Israel detro, Abraham kna merena otona Benyamin kna touserai. ² Mangg nenei detelro yei baitena salripai, yangsere Elisimupako. Nemena tena we nimesi pou Walri asna Elia tena akalro samimuna. Israel tena A kalrote wabite saneyonu. ³ Tuhan da detrayeri Walri A kebalri detelro baite tutuyaiye, Dia sengkai baite kriyaiye. Nepelre delrei embei te nekalre, nepelre ne dete baite tonaitemponena. ⁴ Nemaneye Walri kna akulrung netena beyemane yatunu? "De nemeye 7000 tromromukalre detena, dasrey tena ona olruna tena kafipaina. ⁵ Nemane keti da selrei tena si nekaipekona mena Walri knabise dikimu puko. ⁶ Nemaneye Walri kna poi kalro ne dinemelrena, nemenatena kembalri kalro tena me beipai, ne tante, Walri kna poi kalro tena dwidae. ⁷ Nemena kaye biamane, Israel detro nena sa duweiyena mekropai nameneye elriyaipekona neite yatenalpone, nenei kna te swenai pona. ⁸ Semona melrai pekona mane Mang Walri nete kundou wau te yate nenemelre, douna bete yitiyai, buntu keina bete betoipai, daya sreite. ⁹ Nepelre Daud kna elrepukona : "Nenai Walri yausa otitena nepelre sa boso mane otote nalre nemelre, pekote na eunu yatenai ye. ¹⁰ Neisa Doute kepenemelre memei doana itipai. Nepelre mekojo ne mena ate dukunaimelre." ¹¹ Netenate, ate siminsulre, nemenakaye otote nenebongsuku ate delrenda mane? nemena tena betepre ambai, ne kalrotena nenai peku mekoyaina tromelro nemelrena ya nepe mewe yoo bra Yahudi tena ambai, netenate nete yambe eine. ¹² Netante, peko kalro mekayaina da yobulrate sa melra mane dupuko. Nepelre nenai mene kroipaina sa, samelrate yo sisite, Yahude ambai. Netenate nenei yawi yainate ne burate-burate. ¹³ Menaya wete atesnawalre, hai selrae sisite Yahudi tena amabai netante, de yo sisite kna Walri a kyana, dena da Walri kembalri kalrote suksipaina sukanak. ¹⁴ Netenate delrei tou selray te kna selrai te mokotempone; nepelre nena nelrore meirete tromlro tempone. ¹⁵ Netante, nenai baite salrenaipona, da yobulrate kena sate beyenenpone. ¹⁶ Netante memeltena ou mro-mro metrene sasi mro-mro nepelre mu yenso mro-mro netante mitrena omise mro-mro. ¹⁷ Nemane ye, misyo mesrei boute dusai peko, nemane we, neimote barepules na so site ketaipuko nena nelrone Zaitun yenso nepelre ka wei eune yatembe. ¹⁸ Ne misye-misye tena akau tena tekaipaina, wei akau te tekambena mendote douwewe ne yeso wena wakena tapipai, nemane ye ne yenso wete kroko tapewe. ¹⁹ Nemane we ate elrewe, di mise baite ketenaipone dekenate de site bartepone. ²⁰ Nena tepelre! ne baite dusaipekona nena kenana trepelre nikipai netenate ne noune tepelewe wena telpelre eine, akautena kaipaina, dekoi-dekoi eine. ²¹ Netante Mang Walri O mispe telre tena kena bisa dilripaina, wetena lati kena bise dulripai. ²² Ne tante wei doune tenembe Mang Walri kna poi nepelre neha alrema : Alrema mempe belrai pekonu te krem yomu nemane nena poi nemenamote wekote, nenai pati eine nekembe ambai na we lati baite ketenaipone. ²³ Nepelre ne lati, nemena mote telpelre tina nikipaina, smungte mekonempone nena Mang Wali nenei delre eine. ²⁴ Ne tante, nenai mote balrepuko nalre wete ketaipeko, Zaitun o me pritipaina. Sinung te Zaitun o mepraitikinate biekonai pone. Dena yeko nekende na wana na nikipai, kajombai ne nei misye telre sinung te nenei Zaitun ne mekonai pone. ²⁵ Ne tante, do keke, de ate danalre da yetelre ne nekwena Da A we hi mai pai. Netenate berengka alrema yeko Israel yobra-bra nepe twaine nekene mende yo site-site lati yuwinai ye. ²⁶ Nemane sate, Israel srai bra-bra tromelrai peko semo ne melrai peko nemane, "Yambei Sion srore mende nepelre, propro te yakobi selrai lre baite nenin sinde. ²⁷ Nepelre, dana dena atung nembelre, ne budai yidai ne nenai peko te kesomu pukalre." ²⁸ Injilne melropukona, ne yembe wetause nemane ye ne elriyaipekona kena bise te krinaina nenei yansina tauseray tan te. ²⁹ Netenate, nyalre sapoi, nepelre Mang Walri akalro betepelre suksipai. ³⁰ Nemane lati, we mane yangna mang kna A krena nikipai nemane lati menaya nena kena bise te doukawe nena ade kalrone. ³¹ Nema ne lati, nenana menaya betoi-betoi ambai netenate meng Walri kna knabise wete kremuna wena walrore yatenaiye. ³² Ne tante, Mang Walri nete metelrena mane peko nelrote olrumupuko netenate nena kena bise te metelrna detelro kna burate krimbone. ³³ Ate, oh memanelati kotu dopelre samelra kalro, waubupoi, Mang Walri trena mendo kalro A yeko kalro betepelre nimeipai nepelre nena nipi-nipi mendo doi prei. ³⁴ Netenate, sime Mang Walri kna mendote nimeimboko? Nepelrena lati sime nete ate krina nelre?" ³⁵ Neperena sime yansire nete sa site kinelre, netenate ne koulati benoute eite mekombone.?" ³⁶ Netenate metelrena syasasi nenalre, nelrena; nepelre nekote netante Walri kna bise nemena mote! Tepelre.