1
Yes mesi sunanbei pelre,paskah yah mekoipai nane,Walri Yei Betania yote yowe.Lazarus kna now nekyowena tete Eilre deipukona.
2
Dinoune sate krakpeko Walri Yei deneng te denen dena nepelre Marta nete sate kroyounu,nemane ye Lazarus detelro mbei meja nen nembei nikyaye.
3
Neperna kaye,Maria meraibu Narwastu nelro sreina neii doi delrene taina te doku Walri Yei kna otote nene suyuwe,nyuwa ye nete krayoune,nema sate nu mie ne melrei bu pelro dusumbuko.
4
Nemane ye,Yudas Iskariot nenei yau-yauna nete A pupeu ne wapinsini nate ate yowe,
5
"buyamasate nemelrai bu naitena mekoipai do naming Dinar ne mekaupou sa ambei na detelro te yetamulre?"
6
Ne Ate Elrowena nei kenana sa ambai na detelro tena kena bise ambai.Sulre maitena ne bise detelro,nepelre ne doi kaiba pelre doku,nenei kembalri doi kaiba na doite baite olruwe.
7
Nemane sate Walri Yei Ate sakhu,"Ne milre ta tenembomde,nena kembalri mekowena dratite dena tete yatena.
8
Ne tante sa ambai na detlro nemena mote wena yene.Netenate De duyati selrei tena wembelrena nikipai.
(Imam Berengka walro nei kenana Lazarus te tonai pende)
9
Ne yasreine,Yahudi detelro tereng doplre betoiyaye Walri Yei Betania mendo Lazarus te tenaimbona te telre,deipukona.
10
Neperna kaye imam belrengka walro ate baipeko Lazarus tuti tonaipona te.
11
Lazarus kna walrore Yahudi detelro nei kembalri Eilre baite,Walri Yei te taunai nelre.
(Walri Yei Yerusalem Yote Esute Yowe Ondowafi mane)
12
Wambeya tena ya detelro telreng nesa soyaiye na melrote kopriyono nesnine betoiyaye Walri Yei Yerusalem te mende.
13
Ne dung kepeite yatiyai baite miyaiye.Nete Asepro eine dounail nelre nepelre lati ate saiyaiye"Hosana wetena poi teme Tuhan kna eido ne meye Israel kna ondowafi!"
14
Keledai sekro te tekenelre ,ne bulra ne sakenelre.Semone mraipeko na mane:
15
Endikite na dekoipaina,hai Sion!Mengkenining tenembe!Wei ondowafi mewe,malrisa sekro bulrane nekekemewe."
16
Manimpana yau-yauna da kalro tena nimeipai nikyaye,ne yopena Walri Yei nenei dlreine nepere wande mendo te doukaiye da kalre netena metelrena semone mraipeko neperna lati meterlena kembalri netenati nekoyaiye.
(Detelro tereng Walri Yei Tena Ate Elriyaiye)
17
Netenate,detelro Walri Yei pelre nembeine tepiyaiye Lazarus te simimbako bulre Eilre kiate meyowe,nepelre tete eilre deimbuko.
18
ne ate kyaye saneyoumu detelro tereng Walri Yei te sepro eine dokkainelre nembu ye mujizat te mekoupuko.
19
Netenate,Farisi detelro siye site saniyaime,wei tembe,Ena elrambe kana yuipai,"Doute tembe metelrena Ani teme krimbei nete kai kainelre!
(Walri Yei Ate saneyomu Walri kalro nepelre Tete)
20
Ne yasnina,Yunani detelro lati yaiye mang asawi saei ne delerene.
21
Filipus te tupukainelre Betsaida yolrena galilea ne,Nepelre nete Ate saneyaine,"Tuamai,Dena kena Walri Yei te temainelre."
22
Filipus yowe Andreas te sanembuko neperna kaye Filipus Pelre Andreas yoiye Yesus te sanimbuko.
23
Walri Yei nete ate sakupelre,"Yenepe nopie puko detelro yei nenei bulrane.
24
Telpelre telre,wete snawarle,da kalro tena gandum na kani bulrate delrende balri pai nena beimo telre nena tetembona nenalrena Eu tetreng dopelre.
25
Detelro eu nulra kena bisite denenelrena,yambei Eunulru Eulre nalrembonde,neperlati detelro dayo bulrane Eunulru kena bise dipaina,nenei sema eine nekende walri tikitena.
26
Detelro mbei-mbei detena kembalri te mekonde,Ne dete tanu telre, menoune neketelre delrei kembalri detelro nenou lati,neperlati detelro mbei-mbei detena kembalri te mekondena,memai netelati dekonenelre.
(Walri Yei Nenei Tete Kalrotena Ate Saneyoumu)
27
"Menaya Eunulru nemoipai beya bete te santemelre dayane miyalre.
28
Memai wei Eido mro-mro Eine,neperlati surga yolrena akulrung de eidote nepe sukumbu kalre dambei lati sukutembonde."
29
Detelro telreng dapelre nepene tepiyaina nena warpa kurung nemane siye Elriyaye malaikat nekote Ate Elre we!"
30
Walri Yei ate saku,nepelre Ate Elre yowe,"Ne Akulrung Betoyouna delrei Eutena Ambai we tante.
31
Da yane da ypbulra tena Ate tiyenaikone.Dayane lati daya bulra te tapewe na detelro te tenanainelre.
32
Nepelre dete da yobulre tenaitepona metelrena detelro te delrei Eune yepotepone."
33
Walri Yei da kalro te Elre yowe nenei Eute tetetena beyamane dondu.
34
Detelro telreng nete ate sawiyaye,"De Taurat atung te beteyande netenate Kristus nemena mote da bulrane neme nekende mendo beyamane bete weye Elreye,Detelro yei nekewe yalrebulrane?detelro yei kaye sime?"
35
Walri Yei nete ate saweyouwe,daimote da kia eine nekembe,da kiah nemena ne otote walrembe,netenate neko wetena antuni pai,"Netenate detelro nekobulrune waraina non nimeipai mepete ende.
36
Ne kiah wei eune nemai nane telpelre te ne kiane kronem bombe netenate kiah yeinining te bumbombe."Ne ate sanemupuko,Walri Yei yowe nenei Eute nena nelrolre yene nalrepuko.
(Yahudi Detelro Mesreimbei Walri Yei tena Telpelre Elri Pai)
37
Nemaneye Walri Yei nenei bukaine busimena sate nena bukou ne kilroyowe,nemane lati telpelre nenana kroipai,
38
Netenate nabi Yesaya kna Akulurung ne yuumbone,Tuhan sime wena da A sanime na telpelre te Elrombe.Nepelre lati Tuhan kna mee sinte krimbonde?"
39
Ne kalrone Yesaya kena A telpelre Elri pai Yesaya lati Elreyowe.
40
"Ne doute bisete mekomupuko nepelre lati nena kenate suwemupuko,netenate nenei douna itipai nepelre lati Memei kena na telpere doipai.Neperlati burunapone nete deitemeponede.
41
Yesaya da kalro te Elre yowe nenei doune Walri Yei kna Walri mooi nei doune teyonu tembuko.Netenate nete nenei ane Elro Yowe.
42
Nemane lari belrengka walro telreng lati Walri Yei te telpelre te Elrai peko.Nemane ye,Farisi detelro te endikete dekoiyaye.Ne Atena kiana Elripai endikite dekoiyaye,sinagoge eina netena mebepai.
43
Nemane,sate ne detelro yei kna mooy Eine kna te kraipeko ,walri mooy te bukaisi.
(Kilri-Kilri klaro Walri Yei Yambeite Detelro yei Tutena A neiye tiyende)
44
Neyasi Walri Yei Ate saneyonu,Elreyowe detelro nenei telpelre denena kronembonde.Denena kroipai asuke newena ne kote dete tiyekuko da yobulrate.
45
Nepelre detelro mbei-mbei dete wei doa tiyatu,nepe neke tiyanu dete tiyekuko.
46
De nepe mialre kiah mane da yobulra te mialre,netenate detelro mbei-mbei telpelrete denane krombona neko eina nikipai.
47
Da kalrotena detelro dena da ate botombona,da A tena tawipainya de nena atena itipai,netante de mialre da yobulra A tiyeipai Asi kenekewe yo bulra te telro merotepone.
48
Sime dete sartenapone nepelre dena ate sarembonde,nemane lati dena akulrung snamalrena nete lati tutena yane nete atetiyenti.
49
Da kalro tena dena A snamarna dena kenalrane A ambai nekwena Memai dete tiyekuko neperlati dena bulrane ate kitelre ure telre nepelre santemelre.
50
Nepelre,De nimei pukalre nena kembalri ase sane yomu na walri sena,ne tante da akalro sani yamalrena,Memai kna A sanutepukona,mame wete snamalre."