¹ Dereina damane, Ne yei neme yeinining selreina kembalri detero pelre nena yeko momona ambai dasa nenei samo nebaiye. ² Neye mei semana pelre, miena kembalri detero kena a kelrene ne kende. Nemang ya sasuku nane wande. ³ E lati, nemane yeiiing selreina, eda yoburana alru sibulrune kelro kumulre nikiyande. ⁴ Nepelre, nenei ya mende, ALLAH Ne nei Yei tiyeikuko meyowe milre mbe kena eslre lre lati songkone, songkena torat kena akelrene laiti Ne songke, ⁵ uetelro yeite Torai kena a' kelrene te baite taneme ponde Nena yei tena mane, yatenemlre nou yalrebulre ne tane me pone. ⁶ Nepelre na we nena yeinining nekawe, ALLAH Walri Yei kena alru mlro-mlrote wena kena eine nepe simi we "Mai, Mang Walri.” ⁷ Netenate, we nekoutena kembalri detero ambai, we yei. Mane nekawe Walri yei kena walrolre wete mekomupukona nenei yei tena mane. DA YOBURANA ALRU PEKO KENA KELRENE NIKIPAINYA ⁸ Yansina, we Walri nimeipainya selrei we kembalri detero te dametelrena sa Walri kena kepelre engkeng ambainya ne. ⁹ Nepelre, menaya we nepe Walri te nimeyambekowe nemane Walri wete nenou telre dina nei me puko, beya mane nekoute burausuku dayoburana alru wakembanya pelre eu ambainya pelre? We nena kembalri detero te nekou te nekembe nate? ¹⁰ We ya derete yane-yane, okone-okone, yalrune-yalrune, maine-maine. ¹¹ Endikite dekalre wetena dawake siyalrena emei na nelrore ne yombone. ¹² Wete diyamalre dokekapo demane dumbombe, nepelre de wetena mane dutu pone, we detena peko ambai. ¹³ We nimeyaumbeko yansine a sena te wete sane yamalre dena eu selrai tetuwayanalre. ¹⁴ Nepelre dena eu wwete nemei tuwayomu, we detena peko tena ambai nepelre baitena saripai. Nepelre, we dete mepoi doukau telre Walri Kena Akeyana tena mane, nepelre Walri Yei ne telrepere tena mane! ¹⁵ We nena poi kaye beyamane tuwanu? Nepelre yansina a wete neme santemelre nepelre lati, doute baite asem bombe dete itembena baitena salripai. ¹⁶ Menaya wembelre yembe detelro nekemalre. Poi kilramlrena kalrote? ¹⁷ Ne detero-detero nete wera betetupenai welre nate. Nena mendo peko mekaimbeko. Nena kena wete nemeina kalrone tawipai we bulrune nete ulrewe. ¹⁸ Nemna poi meterena kembalri-kembalri poite meko malrena kalri eine meko malre, nepelre de wembelrena nemane mo tena ambai. ¹⁹ Delrei yei nining, we sate dena sa tuwarena Walri wena eine kiyane mepone. ²⁰ Dena kenalrena, wembelre menaya neme nekemalre nepelre dena a elralnate wembelre dena mendo wake ambai. ²¹ Dete sanetembombe, we Torat kena kelrene nekauna, we Torat kena a kurung we betoipai. ²² Nepe dina meraipuko Abraham yei do beserei; si kembalri mire kenare songke, simbei nemyeia milre kenare lati songke. ²³ Netenate, kembari mire kena songkena eukanipo lrena te song ke nemeina milre songkena ayeko burana yei te songke, simbei kena mekolre. ²⁴ Dana te dou poi tere temanere mire beserei kena yeko tena mane, simbei nekewena kena ayeko bulralrena nena yei senoyouna kembari yeite senoyowe. Nena eudo Hagar. ²⁵ Menaya, Hagar doute temalrena 2aity mekotena mane, Arab kani po ne tepe we, nemane lati Yerusalem nena yelreu menayana kembari yei pelre nembei nekaye. ²⁶ Nepelre, Yerusalem bulra dana nena nemeina milre nena ena. ²⁷ A sena ne dina melrou pek kalri te kombe, "We milre yei ambainya, yei pelre senoipainya a sepelrote nepelre alrate sembe, we yei si yau plre tu waipainya. Nepelre, milre do ambainya nena yei telreng dopelre, nemane milre dodo pelrena." ²⁸ Dokekapo, we ayeko bulrana yenining Ishak plre nemo mo. ²⁹ Neya selreina, yei e kanipolrena yei songkaina ayeko bulrana yei te me Sro-sro te mekoyowe menaya nepe kiyaye. ³⁰ Nepelre na, a sena nepe meropuko? "Mane kembari milre nenayei plre baite sekembombe, kembari milre kena yei eudo ambai, nemane lati nemena milre kena yei eudo plre nekewe." ³¹ Netenate, e nekandena kembari milre kena yei ambai, e nekandena nemei na milre kena yei nekande.