(Paulus Kena Semo betenate Jemaat Tesalonika kote meropuko) (Kota Tesalonikana Jemaat Tena a Poi) ¹ Paulus, Silwanus, Timotius plre kna a poi, Tesalonika yona Jemaat tena, ena Mai Mang Walri ken eine, nepelre Tuhan Yesus Kristus. ² Nena poi nepelre nena teme, wetenate ena Mang Walri kenare nepelre Tuhan Yesus Kristus. ³ Dewetenate poi ate mang walrite senanalre,dokeka-mirekeka,nepelre nena noulrena nepe.Nepelre weii telrepelre sasotena mane balrenaiponde,nepelre weii euna kena bise neilre-neilre wei yau-yaunate delre dumbonde. ⁴ Netenate,delrei eune kenakarite kalre,wetenate mang walri nei detelro kena bukoune ate aenamalre,nepelre wena kena tepa-tepa pelre wei telrepelre,me sero-sero te mekayena wei eune tuwanuna mane. (Mang Walri Kena Atung) ⁵ Da mang walriwai kena noulrena,we nenei detelro mane elrimupuko,mang walriwai nenei diyatena,nepelre wa lati me- lati setro-setro latite tuwayouwe. ⁶ Nepelrena,mang walariwai kena poi wembelre me-solro-solro pelre mekoyaimena detelrotena setetanemeponde. ⁷ Nepelre,wena setuwayanuna kalrote poituteinemelre,nepelre detena delrari,Tuhan Yesus kiyanemepondenaya,nenei diya melro-melro rena nenei malaikat delro delre tenowena pelre nembeiye, ⁸ sing peu eire,mang walriwai nimeyipainya detelerote,nepelre ena wariwai Yesus kena akulrungtena tawipainya detelrotena pekote mekomenelre. ⁹ Ne detelro pekote nemenamote tuwanainere, Walriwai kena be eire, nepelre nena dere eire baiterete sarenemeponde. ¹⁰ Nenei ya mendenatena, nenei erimupukona detero kena nerone kari eine nepelre dena asaniyamalrenate terepelrete eraipekona. ¹¹ Netnate, de wna nemena mote mendo eine ena Walriwai wete nena be eine poi karote nena asimipuko nate nepelre wei kenare poite mekombena, nepelre wei tereperena kembari nenei dere burne. ¹² Nepelre ena Tuhan Yesus kena eudote wei bulrune kapenembe, nepelre, we nena bulrune ena Walriwai kena poi plre Tuhan Yesus Kristus.