¹ Nemane, dokeka-dokeka, de betepelre wetena A" elripai na da yobulrana detelro, yeisai-sai mane Kristus kena eine. ² De wetena Malrisa kongbu te yatemalre, sa yatipai neseleitena yatikoipai da selreitena nemane lati yelrikoipai. ³ We dayobulrana eu mane nepelre detelro yelreu mane? ⁴ Nemane sate detelro si elrende de paulus kena sune, nepelre lati de Apolos kena sune, nemetena, we detelro? ⁵ Nemena Apolos kaye sime nepelre Paulus kaye sime" Walri kembalri detelro nolruna we telrepelre te doukawe Mang ne momo waseyomuna mane. ⁶ De pelralre, Apolos dilrinu sotena Mang Walri neye mekowe. ⁷ Netenate, nung pelre pelraina ambai, buye dilraina ambai, nung balrewe na kalrotena Mang Walri nenei. ⁸ Detelro sanung te pelraiyena, nepelre bute dilrainya nembei nepe, mbei-mbei nei nyalrete yatenaina, ne kembalri yaune. ⁹ Netenate De Mang Walri pelre ne kembalri mbei : we Mang emi pelre Mang miye. ¹⁰ Nenei kembalri yaune dete yateketelre, miye kembalri detelro tiyei dopelrena mane. De kaite detalre siye bularate mekonaiye, nemane ye detelro mbei-mbei bulratena beyamane melronaiye. ¹¹ Nemane, detelro mbei mena, miye kai simena betepelre detoipai. Beimo memetena detaipekona nenepe Yesus Kristus. ¹² Detelro da kai detaipekona bulrane, welraina, Emas lre, pelrak olru poi, olru, sepo, nepelre lati Jerami. ¹³ Detelro mbei-mbei kna kembalri kiyatelre, ne ya tena sing kiyane nenelre, nepelre ne sing lati kembalri mekoiyena tuwanelre detelro mbei-mbei kena kembalri. ¹⁴ Nemane lati detelro mbei-mbei kena kembalri suwe tepembena nenei nyalre pelre inainelre. ¹⁵ Nemane lati ne detelro kena kembalri sing ne baite kena tembondena kembalri sa balrtukuna. Ne yeweka te melronde, nemaneye nenei eumbei te tromonaimbonde, nenei eu nekandena detelro sing tena bitoipainya mane. ¹⁶ Nimeipai nekawe we Mang miye, Mang kena alru wei eueine nekewe? ¹⁷ Beyemena tena, detelro Mang Miye te kelrombona, Mang lati nete kelrimbone, Mang miye nekewena mlro-mlro telre. ¹⁸ Detelro nei eutena aupeupeu tena dipainya, detelro wena nelrone nekendena mena nei mendonna detelro dayaselrei, nepene pelro-pelro dumbone netenate mendo detelro nekende. ¹⁹ Netenate, da yobulra yambu Mang Walri kena bukoune plro-plro netenate semone meraipeko, ne detelro mendenate nei aupeupeu eine olruwe. ²⁰ Nepelrana, Mang nimeyeimbuko detelro poi kena mendo,metelrena nombainya. ²¹ netenate, detelro eutena delretena elripainya, nesate metelrena saisaisi metelrena neimo. ²² Paulus, poilati daya selreite saisaisi, nepelrelati di betunasu yangsite menaye, metelrena weimene. ²³ Nepelre we Kristus nenei detelro, nepelre Kristus nei Mang kena