¹ Te'ba bati pa Yesus Kristus pe'Tanghaa Poing Kaisar Agustus pinafeng kewekentu teba bati tete te bapa tupa tekotu fitong. ² Kawe bapa tupa lopanawo tete poing Kirenius gubernur keweko Siria. ³ Pea, teba nawo temena bame tetewo, tewowo tetepa bati potete. ⁴ Yususf kera Nasaret kewelite, kota Galilea, pa kekana Yudea, keti kota Daud teniete Betlehem, kekana pengri Daud leke. ⁵ Ung ke tena Maria tera bati potete eke, poing penepa. ⁶ Poing Yusuf tena Maria teme Betlehem, wakotu bang Maria ko petutu tu. ⁷ Maria Ko petu baleng Ko lopana Ke rapela ro lamping pa pewefati Kei ruto to tete e jangraka te e e ing-ang. ⁸ Jeng ing aha aling, teba narang-rang ung jaku tetuwa teete tekaungpa jaku tetuwate pate rapang. ⁹ Tata peba fangpa keke petero to tete Tata penue fefe pepawo te kaimpa tewe tefewo. ¹⁰ Jaungka tu, peba fangpa penute tea, e fufuka pa le kaela, niwe pi niwale ea pi hefeng ewenaka e Ni lewe we pi hefeng niwale eba fitong tupa. ¹¹ Ung-ang bang wea Ke petanghaa kotu ne Ke Hefengwo keing Tata,kota Daud. ¹² Kewe ana tangjeng tune; Ewe ere Ko perapela ro lampin pa pewefati keile ruto to. ¹³ Ana te lenghonya teba fangpa te neang lupa fanana tepa taba surgawi Tata tekepa pinie pa tenie, ¹⁴ Tata ekena hoe jeng keke etekotu hefeng ing kotu fitong, pekotu epa neba-neba ne mute Ke . ¹⁵ Kaimpa teba fangpa teba nalungpa te tete teba jaku tetuwate ete terefe teme pa temepuna surgate, pa teba jaku tuwate ete keung kepi kelepate tekaung,'' Elewe epane nene ne Betlehem jaungka lewang nefofo, peanya Tata lengkotu neang. ¹⁶ Pa te tekokofa tete tefi Maria pa Yusuf, pa Ko ing kehetii ruto. ¹⁷ Joka teba jaku tuwate ete Ke tefi, hoho tete anara pi kelengkote tea Ko ing-ang. ¹⁸ Pa teba nawoteri jalewang te engtape jalewang pa teba jaku tuwa te ete te pite e. ¹⁹ Peapa Maria jaing pewe wengko pa hupalang pewe e. ²⁰ Pa teba jaku tuwate ete teme puna jaku tete pa ke kena hofae pa Tata piteni wa jatefo pa teri anara kelengte kotu tea. ²¹ Pa wakotupa bang nahipang Ko ing sunat tete bati Keke tenie Yesus, ana bati peba fangpa penu poing pe Ke pemokapa. Ko Yesus teketute Tata Paa ²² Ana ne tetupate telote ete tela hoho Musa pewe, Maria pa Yusuf Yesus teketute Yerusalem Ke tekenini Tata, ²³ Anara po tukotu Tata ropuke,'' ko baleng-baleng bahu etu ememe Tata ²⁴ pa terenite ana jaku peing anara penukotu Tata hohoke, pera ana tang hingtung hifa na tang peng hingtung." Simeonpa Hana Yesus Tefi ²⁵ Kebaung kebaleng bati Simeon kemule Yerusalem Ke ing keba bamuang pa hefeng, kekeng i hefengwa Tata tutu Israel, pa Bapo Feng Tu lakole. ²⁶ Bapo Feng Tu lengte ke me wung-wung kape memuko Tata me fufupe Keno Ke wefeung. ²⁷ Pea, Simeon keti Tata Paake Bapo Feng Tu ke ke kekaka, pa Yusuf tena Maria Ko Yesus teketute Tata Paake peana janonya Ke penukotu hoho Taurat. ²⁸ Peanya Simeon Ko kekefa jing pa Tata tekepa pi teni, ²⁹ . ''Ung-ang, ea Tata, anara Mewo peng jano Meme we petewa huhufa, ana Mewo pengkotu . ³⁰ Jaungraka luto ninewe ja Meme hefeng pefu, ³¹ Pera ana Mewo metupi bapa tupa; ³² Peing ana fefe mejakotu bapapafa-bapapafa te Tata tefi jangka, pa peana tekena hoete tu bapa Meme Israel." ³³ Yusuf pa Ko make te engtape jaung Simeon lengte kotu Kea. ³⁴ Peanya, Simeon no kewefe tea pa kelengte Maria, Yesus make, ''Leka mepa, Ko weing keja keleta keleko teihitete pa tekele e tete teba nawo mete Israel, peing ana nojeng epa teba nawo tewe fie. ³⁵ (Pa, ana anabe kanteung lentung nene pepapatu) ung hupalang teba nawo penarung.'' ³⁶ Kefura pe baung motu pe nabiah bati Hana,ko Fanuel pewa tebapa Asyer. Peba hufa. Pe tena pampe teme jo felangro napang hentong po upong tena kete, ³⁷ Pa pewako pebaro felangro mambire nahipang pang nopong. Pe Tata Paake pepengka, fepa pang-pang lupompongfa pewae kaungpa hututufa pemo. ³⁸ Poing, Hana pete pa pewaete Tata pa hoho petu Yesus nepara keke tepawae teba nawo tejeng-tejeng e Yerusalem te jujutu. YUSUF DAN MARIA PULANG KE NAZARET ³⁹ Peanya Yusuf pa Maria jalelepa tete tela hoho Tatake, teme puna Galilea te, kota tetewo peing Nazaret. ⁴⁰ Koing kehuko bapale tafa,nafeng neing kakita, pa Tata Ke makele. YESUS DI BAIT ALLAH ⁴¹ Felangro o-ofa teba huhu Yesus tete Yerusalem poing bang Paskah. ⁴² Poing Yesus felangro keke hampa, tete kefua ana bang ing tewepa te ete ing-ang. ⁴³ Poing bang ingka, teme. Peapa, Yesus keletai Yerusalem teba huhu Keke terika. ⁴⁴ Pea teba huhu Yesus te hiengra Ke lakole bapa hou, teme peleng jae wakotu bang tupa. kaimpa te pute Ke teju wa teba lentu pa teba te tefejang. ⁴⁵ Kaimpa te Yesus tefika, te temepuna Yerusalem te Ke tejuju ti. ⁴⁶ Wakotu bang hentong, te Yesus tefi Tata Paake kehetime langhou koru-koru agama, lekelai pa pikelo pate te. ⁴⁷ Teba nawo terie Ke teeng tapape. hupalang tewe e pa pina-pina Kelei. ⁴⁸ Kaimpa teba huhu Keke Ke tefi,tera teeng tape. peanya make Keke peweng,''Ko, tuna neko janowe Mepe newe ? Ai Meme pa ni Me neju pongfeng.'' ⁴⁹ . Yesus lengte tea,'' jatuko e Ni eju ele ? E elukana Niwe mule Ai Nine paake ? ⁵⁰ Peapa, te hute wete paka jaung Ke lengte tea. ⁵¹ Kaimpa, Yesus kepa telupa temete Nasaret pa kelako tea. Peapa, make Keke piti ing pe hetime pung pepe. ⁵² Yesus kehuko bapale pa jakele wotue. Kera Tatake kepungle pa neba.