¹ Poung Minggu Bang, Yesus keti kekana paa ung keba rube teba-teba Farisi keti telupa hang ong tetang-tangte pa tewe tefute karengmo Yesus. ² Poing, kebaung busung pa kewekapa fi i ketiru Ke to. ³ Yesus lengte teba Farisi pa teba-teba ropo Taurat fojang, ''Tunane tebawe nileko ne hae e Minggu Bangwe.'' ⁴ Anaing-angra, tewe pinaka Ke tewenika. Kaimpa, Yesus keba ne e ingkeke pa keleko kehae, kelengko keme. ⁵ Yesus lengte tea, ''Baungka ebafa wea ko meme na sapi baleng meme koheti pai poing Minggu Bang, keka mebe mapoeti hoka.'' ⁶ Tewe tera pinafeng ung Ke teteka. Jeng Tetewo ⁷ Kaimpa, Yesus hohokele aha kelai teba-teba ropo undangan tere Ke kalengko tunanetewe jeng-jeng terko tetajung-jung fujeng teba nanafa memete pea tejie watupa tangri jajong, ⁸ ''Peana mewe ropo undangan keba pesta nika ba, fujeng teba tafa meta mumuka keba paa ba teba jato tete teing ropo undangan tetejajato tete te. ⁹ Peapa,keba paa ba ketitime pa kelengleng, 'jeng memeing mepepeng keba wea!' Pa,mera memana jeng kotu tafa meme mula meba roka ¹⁰ Peapa, anara me undangan mepe, me tamu jeng kotu fangpong ung keba undangan weleng kekana metiti ke leng-leng 'Bato, memana fumeme jeng tetefu.' Kaimpa, mewe jeng tete teweni me totete teba-teba mepate elupa ja eang e. ¹¹ Peanya, teba nawo tewe ne terena hoe, tewe kelefena konghete, teba ihetu tekelena ho ete.'' Mebaing ba Me undangan mepepe pe ¹² Pa, Yesus lengte keba kelengko-Ketinya, ''Ana jaung mepeko jajong tetang-tangte fea na rapang, mepengko teba hela-teba hela, johangme- johangme, teba paa i na paa tafawa meme japa tera ja tete mera jali tete teniko merape mepe ja e lupa e ang-angle. ¹³ Anaing-angra, e wera pesta ung ele, elengko teba-teba japaka, teba-teba ne jatu, teba-teba fubangtu, pa teba-teba lufo. ¹⁴ Pa mewe ma kele peing teba-tebawe mera jalira tetekate; jali meme kelele le bang teba-teba efeng.'' Aha kela Teba Undangan jajong Tetang- tangte ¹⁵ Poing keba teung Ke patelupa ja tang e le kelate piti-piti kawe, keba ing lengte-Ke, ''Mawe kele teba hang ong e ang ele Ai Paa ike.'' ¹⁶ Anaing-angra, piwe Yesus lete keba ing, ''Baungka ja bapale mepeko ja e ang-ang rapang pa mewe mepengko teba nawo, ¹⁷ Pa poing kuteriko rapang ja tetang-tetang petuhe, keba ing kelengko bapo keke pi kelele tebatume teba kelengko ing, 'Elewe, lelepawe nitupi.' ¹⁸ Peapa, teba nawo ing pi nolelepa-nolelepa tete e. 'Keba lopana keleng, 'Niwe kaung-angwe leha jata nile pa nire fofole. Ni waele me efengfa.' ¹⁹ Keung keraleng, 'Nira kaung-angwe sapi napang jata nile nire sapi- sapi nife ung. Ni waele me efengfa.' ²⁰ Tekaung tera nite,' Nira jaung-angwe nika nile. Peanya ni lelekale.' ²¹ Peanya, keba jawekotu kepu pa hoho kelefata keba rube keke. Kaimpa keba jaba kehufeng, pa kelengte keba jawekotu, 'Ekokofa! Ere lengma-lengma pa teba paa temete kota wea. Teba ealele niwe teba-teba ja paka teba-teba fu bangte, teba-teba ne feng, pa teba-teba luto fo.' ²² Kaimpa, keba ja wekotu lengte keba, 'Rube, jaing jano nile ja mepengni, jengbera motu.' ²³ Keba rube kelengte keba ja wekotu, 'Mema meme me lengma- lengma pa paa-paa. Mepeng-peng teba-teba tejafata tete ko paa i nine pipi. ²⁴ Ni lengtete mea, baung ra teba undangan nileleng ungra ketete kale peanya jajongwe ninewe niwo nikang ung.''' Nelala Yesus ²⁵ Teba nawo telupa-telupa Yesus leng jae. Kaimpa Yesus kepuna tewe te pa kelengte, ²⁶ ''Ana kebaung tete Ni le Ai pa Anni meme mehufeng-fengka,eme pa ko-ko meme, johangme tebaleng-tebaleng pa jahangme teume meme mewo raing, me kekeko teangku Keke raka. ²⁷ Mebaungra salib mepemuka pa mepa Ni mera nikeko mepapa ana teangku Nine rakale. ²⁸ Ewe baung kaeba fawe ewe pungle menara ewehuhule, ewe topato ewe tahungka pa taimbe e hahihi wakote papatuna jawe eleko kafatata tu? ²⁹ Ana petunaing, ke fondasi kewei pa jano keleko kakana, teba nawo ke tefi raute jajate. ³⁰ Teba-teba ing teninite, 'Keba we janowe kewe eteka, pa ke jano keleko jano kakate.' ³¹ Pea, raja wene keti ping lele raja hing topato tetajung pa pi teteko aha tewewe ke patelupa taba keke mambire rerefa nahipang panghingtung tete pingtete teba taba nawo pepe mambire rerefa hampa pang nahipang taba tete? ³² Peanya ke raja hing kekalatape, ke kebaung kekefu pa ketikeng-keng lengma nohara-nohara pepewe newewe taba ping nete tete tewe hamba. ³³ Petunaing ewe e wo-wo, ewera baung ka ewe te era ke nikeko meangku-Nine ja lelepa meme nomehang fa-fata.'' Tinawe Tinalangka Pe Efeng raka ³⁴ ''Tina ing efeng, ana tina ing langtuka ana tinalang, tunaneko mepe ko tinalang? ³⁵ Tina ing peing jale ungra mepepe lehe na pupuk peing tereko tejang tete