¹ Keing,teba narangrang ung tete Yesus teni teba- teba Galilea hi tete Pilatus kelampela jako tete. ² Yesus lengte tea, ''Jatuko ewe hueng teba-teba Galilea tewe neleng nawo anate teba-teba Galilea kaung tera tupa fienya? ³ Nilengte ewe,ka. Anaing-angra, peawe ewe neleng kekofaka, ewe nawora ewe wungwungle. ⁴ Pewe tewe ana teba- hampa pang nahipang poing menara tapepa ko- pa tewe pewape, tewe neleng nawo tete patewa- ana teba nawo temete- Yerusalem tewe neleng atale? ⁵ Nilengte ewe, ka. Anaing-angra, peana ewe- neleng kekofaka, ewera nawo fata ewungwungle.'' Ri tu ing Na leka ⁶ Yesus hoho kelei pe- ahakelai:'' Kebaung ke- ritu keke ara kewa lehe- anggur. Anaing-angra, poingkewe kete rito ing- kekapa rituing kejui- kefika. ⁷ Pea, kewe lengte keba- lehe wekotu, 'Wakotupa felangro hengtong nilepa- ritu ara nijue nifika - alingra. Ritu tuing mepe. Jatuko hangtu ing ewe- lite ri ing kerule. ⁸ Anaing-angra, keba lehe-wekotu lengte, 'Keba Rube, ritu ing longka mepepeng-felangro wea konatutu. Tunawea niwe iniwawa nipahoho ritu ing pengri-jamo nijangjangle, ⁹ Noing-ung riing naka-lele lena felangro topuna. Peing ana naleka, Meba Rube mepe befati.''' Yesus Teba Keleko Nehae Minggu Bang ¹⁰ Bang ungpa, Yesus- jakenalung i poing Minggu Bang. ¹¹ Kefu pebaung peume-pemotu pe bate heti-munepepe kaimpa pepupa fie felangro hampa pang-napanghing. Peume eng epe peepa pewalengleng petutape. ¹² Poing Yesus kalengte- Peume ingkefo pa keleng- te, ''He meume, mewe ne- hae wa toto meme.'' ¹³ Kaimpa, Yesus noke- Ke weete wefe peumeing- pa poing-angra,pewaleng- pero telele pa Ai pipenu. ¹⁴ Anaing-angra, keba- keba sinagoge rube ke- pinaka/nete Yesus keleko- peume hae minggu bang. Ke lengte teba nawo, ''Bang napanghing jano elele. Peanya, elele bangbang- ing-ang ewe nikonehae e, minggu bang jano nilele-kale.'' ¹⁵ Peanya, Tata lengte kebaing, Ewe eba-eba jalulangka! Ana ewe sapi na keledai e e aele fate pa e ahare peng paeleleng tejung- jung minggu bang? ¹⁶ Kewe peume ing ppefaka, kebaung kebale Abraham ke a tete jo tafa felangro hampa pang napahing kebate mune, kera tejofa jakeapete bang ing minggu bang.'' ¹⁷ Poing Yesus lengte nowea,teba nawoing Ke leko teba roka, pa teba nawo tewenakae jalopa Kele. Ahakelai Sawito pa Ragi ¹⁸ Kaimpa,Yesus lengpate, ''Ana jara Ai Jeng keke ing? Tunane ung Niwe aha nilala? ¹⁹ Ai Jengke ing ana sawi to tebare pa tewa lehe tete; toing e tilelang ri pa tang-tang jing ete petang potete ne-ne ri ing-ang.'' ²⁰ Pa Ke leng, ''Jaing japa niwe ahanilala Ai Jengke? ²¹ Ai Jengke ing ana ragi peumeung pewe pa pelempela tepung jeng hengtong ing pemoko e etu.'' Peana Atalele Efeng kewelenglengle ²² Yesus kekana kota- kota pa bame-bame,ke jakenalung pa lengkeka pelengkai ketiti Yerusalem. ²³ Kaimpa, kebaung ke kengte Ke ''Tata, tunaneung teba jalele efeng tewewe te?'' Yesus lengte teba nawo, ²⁴ ''E enako ekeng-keng tilong hapa; pea Ni leng tete ewe teba nawo te enako tete keng-keng fua, peapa teteta pepete. ²⁵ Peana keba rube keruru paa tilong keke kekate, peapa ewe rule peng pa noefiele ewe lengpate, 'Meba rube,newe tilongka bemeju.' Niwe luka eweha pengrine.' ²⁶ Peapa, eweka pileung, 'Newe janena pa panenu Mepa nelupa. Mewe ja menapung me lengma-lengma kota nene.' ²⁷ Peanya,Niwe lengtete ewe, 'Niwe eweka nifelangka pa eweha peng-ri wene. Ehana fure tangha i nine, ewe eba nalungpa eba jano feng-feng ele. ²⁸ Ewe fuelele le pa keng efiratiti poing ekalengte Abraham, Ishak, pa Yakub,tela nabi nawo temete Ai Jeng Teteke ewe tere pate teropate puepeng. ²⁹ Kaimpa, teba-teba tetu tekaja loko pa lowong, pa tekaung ja loe pa kaung lope. Tewe tetajung pa jajong tetang e Ai Jeng Teteke. ³⁰ Bamuangwo, teba-teba fangpong tewe teheto pa teba-teba topato tewe jakote fangpongpe.'' Yesus Ketiti Yerusalem ³¹ Wakotu bang ing, teba Farisi narangrang tete te Yesus pa teni,''Memana nememe jengwe mepepitete Herodes mekekati Me wungwungpe.'' ³² Yesus lengte tea, erere pa elengleng nake ing 'Bangwe pa febang, Ni bate-bate feng-feng nihaju-ju pa teba ne e nileko hae e, pa bang hengtongwe, Niwe jano lelepa pe Ni leko kafata.' ³³ Anaing-angra, Niwe leng hahale bang wea, fe, pa fetangpi anaing petuka keba nabi kewawa peng Yerusalem hohoka. ³⁴ Yerusalem, Yerusalem! Ewe nabi fatewe ejiko tebing pa teba wungpa eji tewe kelefeko tete ea! Bang-bang patu Ni pungle tafa teangku-teangku meme nilengko telu fatata, anara ojingma koko perufa hete fang pepe. Anaing- angra newe ne ongne. ³⁵ Ung-angwe paa meme pe bebetu pa pete roropa. Niwe lengtete ewe, e Niwe e fufu kale wakotu bang pepe ewe e leng-leng, Mewe Makele Mepe memala Tata batike.'''