¹ Poing kafate, Yesus no kelung teba mambire hengtong hingra tela, pa Ke leleng teja teba hing-hingfa Ke lefe teja tote jengtutu kta pa jeng Ke kapafofole. ² Ke lungte tea, ''Jana ewu ing nawo fatawo, peapa teba jano reete jatalele. Peanya ewakote keba Rube jana leile ing teba jano-jano Keke tete jana ing mutete.'' ³ ''Eha! Ni ang e nilefe anara jako ehe hou-hou nake fanana. ⁴ Taimbe ha earereka,tenang hate, na langhepo. pa, baungra memape pinapengpengka. ⁵ Memana paung mmekeng-kengpe, 'Pepe efeng pefa hete pawea.' ⁶ Ana teba mete ing metekela pepepa pepe meme e e tea Anaing-angra, teweka, pepe meme pewana mewo memetu. ⁷ Ele e paing-ang. Jajong ing e ang-ang pa paehung-hungle jaing tutupi motu ea, peanya eba janole ele bamuang e jana elele. noing eleleka ere paaling ung pa ere hing ung. ⁸ Bang-bang pate e kengre kota tu ung pakefu teba-teba e tere jajong-jajong ing e ang-ang jajong tetupi ko motu ea. ⁹ Teba-teba ne e mute fua, pa elung tete tea, Tata 'Jeng Tete Keke newe petu watu.' ¹⁰ Anaing-angra, ewe kengre bame tu ung pa teba-teba temute fua e tereka, ehana lengma-lengma kota ing-ang pa e lung e, ¹¹ Pea tu pemama kota meme nawang motu tang e nene we nehe papa to e e anaing -angra, kewe e eng momo: Tata Jeng Tete Keke te watu,' ¹² Ni lungte ea bang ing-ang, Sodom jalewang ataleka bengfa anara kota ing-ang.'' Yesus Pinafeng kele Teba kete ongte ¹³ ''Fengwo eba, Khorazim! Fengwo eba, Betsaida! anaing-angra Tirus pa Sidon ja lelepa lewang ja lelepa lewang hou e e, pewa tofu ewe keng epa etahung pa elela ne pa ro teba bing ete ehe pa tu ehe. ¹⁴ Anaing-angra, wakotu bang pi kelulule,rang Tirus pa Sidon pe bengfa papetehe rang me bekole. ¹⁵ Pa e, Kapernaum, ewelungra e ere Surga Kafata e keloko ere fitong teba bing ete. ¹⁶ Baungra pi meme kelu, Nira kelulule. Anaing-angra, baung me kekeliti, kera Ni kekeliti. Pa, baung Ni mebepiti mera Ke ba lungko nile kera mebepiti.'' Bate-bate Tepa teba tela Yesus ¹⁷ Kaimpa teba mambire napanghing tepula tewena kapa ana tenipate, ''Tata,bate-bate tepa neang bati Meme.'' ¹⁸ Yesus lungte tea, ''Ni kalengte Iblis keko petang hetu ana heng-hengnya. ¹⁹ Eluna Ni eni nafeng niweleng ko i pa fuling lang ehuhu pewala nafeng ni weleng teba feng. Ja ungra e tete kate. ²⁰ Anaing-angra, bate-bate e wenakaka ka bate-bate ing tepa ea, peapa ewe wenaka ele bati e e poti motu surga,'' Yesus lupompong keleko te Ai ²¹ Wakotu bang ing, Yesus kewenakai Feng Tu he nekeke pikele ''Ni waete Me Ai, Tata ete petang pa fitong, peana Me ja mepe pengkotu wa ja-ja wea wa teba jari pa tota. Anaing-angra, Me no mepungna ko-ko hapa. Ea Ai, keing-ang Mewo pungle. ²² Ai-Nine lelepafu keleleng fatate-Ni, pa epane bawe Oke we Nefutangka Ai wofa Pa baungra Ai mefu pangka, peing Okefa wala teba-teba te teba Oke kepungle ko kelena hote.'' ²³ Kaimpa, Yesus kepuna teangku-teangku-Keke pa pi kelete tea ana kewofa, ''Efengwo luto japefu pa jaing erafu, ²⁴ Peana Ni lungtete ea: nabi nawo pa bari tera pungtu tafa jaing-jaing ung-angwe e fo, peapa te tefoka. Pa, te pungtu teriri jaing-jaing ung-angwe e lu, peapa te jaing teriri kate.'' Keba Samaria ke Pung e Tafa ²⁵ Kaimpa, kebaung Hoho Ropu Taurat fojang kekaleng ko Yesus kele lulule, kkkelungte ,''Koru, jaha ungka nileko nimu batoto mumu? ²⁶ Yesus lungte ke, '' Ja potukotu Ropu Taurat? Jaha kotu i pepe mefu?'' ²⁷ Kebaing lungte, No mepepe Tata, Ai meme, wala pung meme nalungpa,wala lengtung meme nalungpa, wala nalungpa nafeng meme, pa tehe ne meme. Pa, teba no mepepe anara mepe ne memewo.'' ²⁸ Yesus lungte kea, ''Ja mepeng ing hetepa. jara mepela ing-ang ung me mumupe.'' ²⁹ Anaing-angra, kebaing kepungle ne keke bamuang, kera lung te Yesus, ''Pa, baing ba anakewe nelupa neba?'' ³⁰ Yesus lungte wala pikele, ''Kebaung kerapu Yerusalem ketiti Yerikho, ke kotife no teba jata te ete ropaja keke tere pa ke teke tupajako, kaimpa tekeriti kepei ing-ang nepara keke anara ke wawale. ³¹ Peate, ana baniko keba imam kele lengma ing-ang. kaimpa ke kebaing kefu, ke pelungka kepena lengma hingti. ³² Anaing-angra kera lena keba Lewi, kera kakoti jeng ing-ang pa kebaing kefu, kera kele lengma leng hing. ³³ Anaing-angra,keba Samaria ung ke lungkai kele ing-ang. Pa, ke keba ing kefu, ke pipate kele kea. ³⁴ Pea, keba Samaria ketila ketu, pa piu ro kepe. Ke minyak pa anggur, ke keke etife keledai keke pa keke kakana jeng teba tetuwa te ete, ke tejahu tete te. ³⁵ Febang ing, keba Samaria taimbe dinar hingtung pa keleleng keba jeng ing kewekotu, 'Jahu ele huhufae keba nepiu. Pa taimbe narang-rang ung elekoka ne keke, ni hakolele le li ni lele le.''' ³⁶ Pea, Yesus lungte, ''Kotu me tunane, baing ba teba hengtongwe nepara tete tewowo teba na keba kotife no teba jatate ete?'' ³⁷ Keba Ropu Taurat fojang ing, lungte ''Keba ke pipate kelenya.'' Ingra, Yesus lungte, ''Mema, pa ja mepepe ana ewowo.'' Maria pa Marta ³⁸ Poing Yesus pa teangku-teangku te lengjae, Yesus kengti bame pa peume pe bati Marta pete Yesus pewe papepe. ³⁹ Marta pejangpe peume bati Maria petawung watupa Yesus ang eke pa le pewa e Yesus ja keleleng i. ⁴⁰ Anaing-angra, Marta pejupa lelepa jano perue japetuko kaka. Marta peing penawang tu Yesus pa penute,''Tata, pipateka Mepekana jangne peume nine peniwe pewaka jano niwofa le e? Mepengko petu wawa ni!'' ⁴¹ Anaing-angra, Tata kelungte pe, ''Marta, Marta me engka pa mepe-mepe nekangpe lelepafu. ⁴² Pe aling jaing mepe tata Maria pe ja efeng pewiko pewe efengwo,pa kang ing teba ra pe tewewe kate.''