¹ Sabat yaa nekeikokaije, Maria Magdalena, Yakobus nenangke Maria, Salome bu pordobere yateukioke Yesus te tobenainyente. ² Nande mong embai ya neadene khaukhau tu yeke, bure dante ewaije. ³ Siyea, site weunge, “Sindeyea na duma khabang bure domaunga kimboke. ⁴ Buma te etaje dumakabang nekereinyesikhaje ⁵ Bure eise eyeibokaije, Do mbai maro kereumong dea meuge desine dumboke nekere, kuru – kuru ⁶ yeibokaije neande do yea weumi, “pee ekhoijea,” meyea Yesus Nasaret na do otarine boikokhaije kaye beunge, aunguke yaa. Neyea nenda u, ijoko eteng nenda ne Neinyekhaije. ⁷ Empe nea unatomona yo te wengmimpe, Petrus neai se, Neyea neabete Galilea poke. Nendine neate tuwainyengkompe, Neai ate wekempe manendea. ⁸ Bure eijea eibarakhaije mo nea tengmo takhawekhaije, nea otome kuru-kuru kowaije neangkene domiyea suwa te neang a te wenaiminte pe yea khowaije. ⁹ Yesus nea dene khaukhau tete yea aunguke nande mong embai mewaije, Maria Magdalena te nea bete yaukhangeboke, neande Yesus yea nea uburu einya warbo te tukeinyesike. ¹⁰ Eke Yesus neai nembase otowaije yo te weweumi nande yo dime ne dimewaije. ¹¹ Engkeai botowaije yesus wareuboke ijoko yea etewainye, neande be nengmang ame-ame yea erwaije. ¹² Neangkhaije, Yesus urang maasi yea do be Neai u na tomo na yo embai se eweije te Yakhaumiboke. ¹³ Bukebokeije, ekeije suwayo te weimi, neande be neyea ame-ame yae mo erwaije. ¹⁴ Neangkhaijea neai u na tomona yo dungkhokhaije etamangne anaije mo Yesus neneai meke yakhamiboke mo a Khoweumi. Tainye ma kena kura-kuraa nekhauge. ¹⁵ Neyea weumi, “na bune khani ne otomempe Deay a be peu be eremempe. ¹⁶ Sinde Deate dabo tarentende bu tananyesinde neyea wari dowende, sinde Deate dabo etarei neyea ete be dowende. ¹⁷ Deate dabo te taraije yo yea warbo tukenaiminde, a peau eme yea ernaije. ¹⁸ Waree nea meyea ikernaije, orongkang bu angnaisinde neande be etetei; eta yo yung jo euga rangne nea me kornaiminde, neande domiyea poi benaije. ¹⁹ Tuhan Yesus neande a temo wekeumi, Surga te keaungeboke yewere Eke Aye re meuge deusi ne dumboke. ²⁰ Ekhaije makerne – makerne a tuwanayende Tuhan de nembaise mokonaije neai akho peuko.