¹ Yesus Kristus Yeale mbainye nekandene, reyea rake a elale nanemene nahele mo reyea ame karebai emokoi. ² Reai kena ehekeai hele hubanale, ya beai hubeai kena uw nebang koijale. ³ Haubihine bang reai kani mbai kela mbainya yo Kristus wali ondofolore ehakoiboinye peleyo hilarabo halenainyele neaite, reai uw mokoungahakale Allah olomo nendebonde nawaneng reyea neambele wahekonde. ⁴ Pele romiyea Israel oro mena, nawaneng, Allahyea neai kelu omi yea me beaumi yo Allah yea pele romiyea foi mokommile, rake yea mokouboke neai nene weawea a kala kalane kelewoumi, roko mbemba nare a hete woumi Tauratre walora wali heere foloukoke, a keumi, nare eimommom imeane el molonainyele wanengde yakalaumiboke, nawaneng bena bena honoifiyoye ya benate hambung hambung pele yore a hetewoumi. ⁵ Neai yobe neai kamehe neaite orona manara Kristus romiyea uw waneng mea meke, wali ondofolo Allah mbai, nanemene mere mokowoye, nare huba heai bang bumane keanainyende. Amin! ⁶ Nayobolo Allahyea Abrahamde a heteungekoke orona mena heleng inyaibonde haubihine bang pele Israel nekate, Israel romiyeare mere ebeaboi hului. ⁷ Namekai, Abrahamde ororna mena yea mo bang Allah yea eleuboke wekeumi holona romiyeare inyaibonde, haubihine bang Allah rakewaneng Abrahamde ukeana Isakrena ensoleisinde yo naei orona mena yea enaimironde. ⁸ Pelemekainye neai miyea honounge kiyea yea honoukoke orona mena Abrahamde orona mena yea Allah me ebeai, peleyeare Allah are heteungekoke huluinye Sara yea honoke orona mena Allah me beammibone. ⁹ Haubihine bang Allah rakewaneng mea heteungekoke, reyea merau raungehikale bena honoifiyoye ya reyea beneng meremo, Sara ninea kelufa hononde. ¹⁰ Pelemo bang, peleyeare Ribka Yahudi yobbe Isakre ra kelu bee honoukoke rake kelu bee ohonoikoijea, ¹¹ namekai nebang neai foi neai nammam iteayeiboi jea pelene Allah neai haraungeboke na ijene nuwembonde hononde. ¹² Allah merauke raungehike hului yembonde neaite, Ribkare rake a ukeunge bena fa kiyea moinya fa neai yebeai bu beaite yembonde. ¹³ Pele neite Allahre yendo kayalo namekai rake Allah eleukoke a molaikoke reyea Yakubre kena buhea herende, peleyeare Esauke ikeleyea korende. ¹⁴ Pele earene, meahea waneng Allahre uw mekai na ijene bang mea uwmande? ¹⁵ Haubihine bang, Allah yea Musare rake a ukeunge, reyea kena kale huluinye romiyea ehi yaneikoyate yea, ei eremihawende, nemekai romiyea ehi neai nebang earene reyea nebang eremmokonde. ¹⁶ Allah yea romiyeare elenggonde ungemile neaite romiyea yea kena kale ikowate huluinye bang, namekai neai roibu yea baleumine bang, peleyeare pele Allah neai kena nime naba huluinye romiyeare isakowoumi. ¹⁷ Allahre homo faeu einye Allah rake awaneng Firaunde ukeung, Firaun weare meleresaite walora real ketaiteboke elea keleremibonde neaite namekai mokoremibonde reai rake kani kelana hubane hubane ro enateronde neaite, merau raungehikale, huluinye ware mesir kani neai ondofolo raneubokawale. ¹⁸ Bhelene Allah Naei kenara koye makhai eimokowoumi ro miyae hiware yanekoi yase yae ei hawemmile nane merau ro miyae hiwa naei kena elae eremimokombonde. ¹⁹ Naubea romiyea ehi rake a elenggonde, na ijene bang hele, Allah romiyeare me nommiyonde haubihine bang romiyea hinye yea Allah neai kena koye huluinye mokoyere a horombonde? ²⁰ Peleyeare meyea romiyea mende neai Allah neai a eleyere ahoraube? Meahea waneng nuleungekoke hambung na hului nuleungekoke kiyea rea hinennehinde maka earene rare rake waneng mea nulewarea? Na hului bang sele! ²¹ Ebere helaite iteayeaiboke mokate romiyea, pele kendaaneai me einya beamme nahului helene, pele kendaa kobou mbaita hambung wanengpe mokoukoube, ehi rong beale anuwaunge hononde ehi rong ro bang anuwaunge hononde. ²² Allah na ijene bang mokoye neaite, romiyea mbaijea ejeleikoi hului himi, nebangde Allah kena ikele namekai himi nebang mokate romiyea Allah nahinggi na yundan keambeai rangne ehe bukulu emmi hayende peleyeare neai kena ikelere mokainye romiyea, nebang mokong mikonde neaite nuleung ekoke ya re, Allah kena uw yea heraweijeye. ²³ Allah yanekoi yate ei hawejeume yore, Allah mokoumehake one henggo yeale surgane emanekende mokate yore Allah kena uw hereweijeye yea mokommile walora neai one henggore ueleyeaume. ²⁴ Eyea Yahudi romiyae nawaneng Yahudi bang romiyea, aere khaneumikhokhe naei khenara. ²⁵ Allahre yendo kayalo Hosea, Yahudi yo yeale, Yahudi bang yomiyea bang yo, reai romiyea ro eremironde, reyea kena buheare ehei nekayeke yoho, kena buhea heamale yohona yea yea ro eremironde. ²⁶ Nawaneng, pelena romiyea Allah romiyea bande elaikoke anuwaunge, pele romiyeare Allah wali yeale kiyeare kelu omi yea ro ronayembe. ²⁷ Allahre yendo kayao Yesaya yea Israel romiyea neaite rake a moloukoke Israel yohona kelu omi buheainya ifau heleng ne horore yea Allah keli namere hole emmimoloibonde. ²⁸ Tuhan neai are eleukoke huluinye mokobonde rake kani kelana romiyea nanemene uw nale yea nawali huluinye memikolonde. ²⁹ Yesaya rake hokolona romiyeare rake wanem mbea a haufike Allah elealo wakelo eai orona mena wali hole moloiboi neai meleau bang mea yea eyea Sodom yo yeale Gomora yo yeale na romiyea waneng howeukoube. ³⁰ Pelene eai a rake mekai jea elemakonde, Yahudi romiyea bang wali himaloiboi neaite ehineyei ebeayei jea, peleyeare wali ondofolo neai a eleyere hila rabo rabo haleate earene wali himalai nyeboke romiyea Allah me beaye. ³¹ Peleyeare Yahudi romiyea wali himalaimi bonde neaite Tauratre walora wali here folowukokere hubara heaita yanainye horo, wali himalainyeboke romiyea yea. Allah me ebeai. ³² Makane? Haubihine bang, wali himaloiboboite neneaijea uw wake yea relainyene wali ondofolo neai a eleyere hila rabo ehalei. Pelene Allah are heteungekoke Yesus wali ondofolo neai pele yo neai naleisi neai ruka kabang waneng yeuboke. ³³ Ereng, sion yore ekene ro mbai oro naleisi neleisi neai ruka kabang waneng mea reyea raufikale, peleyeare ruka waneng kiyea neai eleye are hila rabo halenate yo, mehi hakore eifoloi.