¹ Romiyea wali ondofolo neai a eleye huluinye nekenate neai waline maka me uw mokanatere kena wauwau koijate yore, mai kena reimai jea el annebombe. Neai uw bene nekainye are aukaka yea okonem mea. ² Ehi yea na hila rabo huluinye, hamang nabune bune anende, peleyeare hilarabo yambi kiyea na uw hubaunge oreu fea reu mo na hului anende. ³ Hamam na bune bune anende romiyea, emanei romiyea, emanei romiyea neai a nene okoijea o reu fea reu mo anende romiyea - hamam na bune bune aneye kiyea neai walire hului okoloije haubihine bang, Allah neare ei haweumi. ⁴ Pele romiyea Allahre yebeai jea nekate. Ehiyo neai yebeai bu beai nawaure hulu kolommile neaite meyea mende bang hele pele yebeai bubeai ruwende neai, enalonsande neai, na rowa reiteai Araei Tuhan hamam anate. Hamam emeanggoi kenane romiyea ei hawejeumi, bang, haubihine bang neyea na hinggi mokommile nare hila rabo halenainyele. ⁵ Ehi yo yea hubainye, ya ehi Allahre ei molomande neaite ya kabang yoni yoni niyea eih yo yea hubainye, ya yoni yoni nanemene Allahre eite molomande ya. Ya kabang neaite romiyea neneai jea neai uw bene nekaimi waneng kolonainyele hele. ⁶ Hinyea yea Allahre ei mom mom ya kabang neneaijea hokoukoke kiyea, Allahre eite molonnele neaitea mokouboke. Pelewaneng mbai hinye yea hamam nabune bune anende kiyea, neneaijeaa hokongkonde Allahre yea hinennele neaite anende haubihine bang pele hamang nanemene Allahre heleng foi wennele ofea reufea mo anende kiyea Allahre yea hinennele neaite anende nawaneng Allahre heleng foi wennele. ⁷ Romiyea na uw mbai neaite wali enekei namekai neai uw mbaite neyea here omokoi jea. ⁸ Eyea wali nekande hee, Tuhande foite mokomande neaite nekemale. Eyeaheremale hee, Tuhande foite mokomande pele, wali nekande, heremale eyea Tuhan de holona romiyea yea yeandeboke. ⁹ Wali nekande romiyea nawaneng hereaiboke romiyea, Tuhan neaite enjembondere Yesus herekera aunguke pele uw mekai jea keleuboke. ¹⁰ Pelene aka neai beake neai, mai aka beake wali ondofolore hila rabo mbaite haleaube yaya wali ne ahi nekate yore me onoyommi mea nawaneng aukaka okomimmea haubihinebang eyea nanemene Allah mere nommeyonde kendang wameran bene emahebende yo mo. ¹¹ Allahre homo feane rakewaneng mea molakoke, Tuhan bea rake a eleye reyea nanahesele wali nekalene, reai robe royoinye romiyea nanemene foemene oro hele menai rorngkonde, nawaneng reyea Allah nekalere a feouko nanemene wo konaikonde. ¹² Pelene yakala yeuboke eai uw nolo uw ikainya romiyea na me wu mokayekere Allahre ro be royeinye neaite wo enaikonde. ¹³ Allah eai walire hulu kolommekondere ne mem eaite neaite hira rabo mbainye haleande romiyea ehinyea uw mekai nebang mokomale yealene, eyea uw mekai harannele nebang omokoi jea nekemale. ¹⁴ Tuhan yeale nekande huluinye reyea nnahele yea elale, hamang yoni yoni anewande ranne Allah yea niki yeale romiyea yea me ebeai. Peleyeare romiyea ehi yea hamang ehire anende neaite uw mekai nebang yea hubannelena neai uw re uw mekai nebang de yembonde. ¹⁵ Weai aneyea hamang bea mokounebonde hila rabo mbainye haleaube aka beake na kena nebang kondena, romiyea re kena buhea heumile wali mekai weyea enekei weai aneyea hamang bea mai aka beake neai earene wali ondfolo hereke rore nebang omokoijea. ¹⁶ Pele waneng mbai, weai aka beake mbai uw mekai nebang mokombonera ehi yo yea Allahre holona romiyea neaite a nebang huwenate belene, weai me uw mokoye weai aka beakere nebang omokoi. ¹⁷ Allah merau haungehike hulu wali ondofolo me kele uw kelenene nekate wali waneng, eha hena are hakoyaimile bang hamang bu anatene bang, peleyeare Allahre Roh yea weume a hului rake waneng nekemale, wali na ijene hele, reima, yeale, kena foi yeale nekemale. ¹⁸ Pele wali mekai nekenate yea, wali ondofolo kaliare mokoyea kiyea Allahre kena foi jea mokounge, nawaneng ehi yo yea pele kiyeare ei hawenainyele. ¹⁹ Pelene, eambele reimaijea nekamale neaite - nawaneng wali ondofolo neai a eleyere na mekai wjea hakomale neaite, kena uw na meamea hele yea relemando. ²⁰ Hamang earene Allah yea kanewoumi wali ondofolo hila rabo hila rabo haleande nebang omokoi jea hamang yoni yoni anemale nanemene nafoi bangga mo peleyeare na nebang fee, aneyea hamang bea ehi yore mokoumibonde nebang beale inyaibonde. ²¹ Neai foisele wali ondofolo hila rabo mbainye haleanne yo na hila ra bo re nebang yea mokoumibonde yealene pele melen yeale anggur bu yeale hamang ehi yeale emeanei jea. ²² Mai haman bu yea haraungeboke neaite, Allah yeale mo a elaukoube, romiyea ehi yeale elei jea. Romiyea nakena uw einye foi hubajeunge hului mokoye kiyeare onomi foka yea hubanende. ²³ Peleyeare romiyea kena uw wauwau koye hamang bea rouke aneukoke Allah pele romiyea re na kena uw ne me nommiyonde, haubihine bang, pele romiyea wali ondoflo neai eleyere hila rabo haleijeunge hului bang mokoye uw mekaijea nebang yeuboke.