Pasal 11
1
Yesus neai keleuwoumi holo me bee mehine bee yo re a weiboumira pelera Neyea aloungekoke eiboye neai yo yang ne emmi kelemmile eumi iteayeumile re. Yesus Re, Yohanes Bure Koloumi Roi re
2
Yohanes neai uw kawa einye hebewoye, borowoye Kristus neai me uw mokowoyere, na kelewoumi yore, neai a weumi, enaite Yesusre iteayenainyembore,
3
Na a wainye, weai mekea ra, meyea nawaneng ehire rakemandere?"
4
Yesus yea neai a weumi: meyea embe Yohanes re iteayennebe, makayea meyea borouboke, nawaneng meneai jokoyea erauboke,
5
Kumba yo mana ijoko erate, oro wandu, oro eyohoijo mana oro nahinggi alainyele eha yo uw ra buleai boke yo, uw eme nemere yeiboke, kokung anggeai bang yo mana nahinggi neanggeai borate, here uwre aimolouboke mana walire waleaiboke me koi uw koite koijaimile, kolo kolo meamea Injil einye hubayate.
6
Nawaneng, reare nahele re me beaiteboke, hakaitebo yore, neare kuikui, kolo kolo meane Injil einye reyea yeameale koleameale."
7
Peleyo, eibuatera, Yohanes ae a, Yesus ro miyea heleng de yakalawoumi fau holo honoye na, meyea makayea kenare kaube erembombere? nauga mu mbai alu poye yea meaheunge kuseije?
8
Meyea neai hele makare erembombere? Ro miyea uwna onalo foite? uw malo foi foi pele Ondofolo, peyu be yebeli meai imea obene ekai honaimi.
9
Meyea maka ereiboi pande akaube? A huwe yeale ro? Reyea wamale, pele neyea a huwe a releng ro moi enshayenggonde.
10
Pelene homone rake ro re, ika re wokaite: Erebu, mai pokore reyea nayopolo yea meaherenggonde mende, neyea re nibi mokone hande.
11
Ahale feau hele yea wanale, pele nolora miyea meai kohi yahira honawate Yohanes bure koloumi ro waneng ehi eyakalaiboi mo. Peleyeare wahena Yohena ne, me re ebeaiboi, na waneng kabangde enenggonde.
12
Yohanes bu koloiro neai meke he, surga yo meaite nou eheikoi honggoye, nawaneng pele he ro miyeare eibe eitaisiyea koibaimi.
13
Ro re roibuaimi, walime re kelukate yo, a kolaimeke meke Yohanes neai uw ne.
14
Peleyeare, meyea neare hakonelere na, Elia niyea, neare erenne mende re.
15
Anggeai jeale kiyea, welayea aleufinde boroubonde!
16
Peleyeare, embelera reyea porongkonde, rake hokolo yeate? Neai uw ereameale fafa walime, aite ei nuweikiyate neai uw yauw hokolore baimile mate.
17
Na a elate, meyea naiba hulu weare yobayete, peleyeare koibea ehukelei meyea a rime rime hayayete, peleyeare weare iboinse meyea ekoi.
18
Yohanes neai mekene, namene hamang bang bung rang erewainyele no a elenate, rake role, meke nauw keu bea aungeboke.
19
Pelene, Allah neai kelu mendene, hamba embainye eneikonde pelene eranaimile na a otenate, howare moloyore ro, keuke bune aneijeye ro, ro miyea nebang yo meai roi ninggire anewoye ro mbea. "Peleyeare, wali neai helere, pele me uw ne poukokeya.
20
Pelera, pele yo anuau honatere a yekele re hayewoye, nawaneng peleyo pele anuaunge Neai me uw foi heleng hele yakalare hayewoumi haubihine bang, na eare Neare eroiboi ei hakoi nye.
21
Weyea kabeneukonde Khorazim, weyea Betsaida weaijeale, Haubihine bang mai uw nolo uwikainye me uw yakalawate, Tirus ne, Sidon ne nekaite wali nei huwaiboke ne, pelene neai malo, neai uw au bea hobeaiboke.
22
Pelene wamale, Neai mende a hokonde a hayande, Tirus, Sidon na ro miyea pele yo nahengging hebeinakonde.
23
Meyea Kapernaum nekaube, hinye yea mare keanembe yaku pumare enengkolonembe? mai miyea ambolo ambo miyea meai yore enai ru bonayembe. Rake meyakala uyakale Sodom pere eu yakalaube na, pele yo yang mana na foi te honowembe.
24
A mende hinende ya ne, mare wamale Sodom kani nahenggi relennenggoke mare moi hayenembe." Pele ya ikai hu ikainye, Yesus a hayeunge.
25
Ateai, weare ei molawale, weyea pumane ame re mokoubokea iteaiyo meaita, Weyea keleau enene eukoloukokea, pelera wame yea yaroyea kolamea fafa meai wali einye yakalate.
26
Ateai, peake wali mekai waneng bea weai kenare koye.
27
Nanemene foemere meako yea, reae kinyewouke hakewouke ahiyea Neai kelure ro eroiboi hangga neako yea hele ronenbonde na waneng neakore eroiboi hangga, Neaikelu yea hele ro ronebonde romiyea Neai kelu re ro ronainyebonde, pele yore Neyea yakala mile.
28
Mebu Reai uw pokore, meyea ehe pukulure wokombeyo mai wali reyea fomarembombe.
29
Weai wokawale kiyea rowei keaibonde, Reai ijene hakoukele Reyea nimeno habano, kena keai, uw keai bang, Reai einye weyea maleu nekewende, wali onomire nekewende.
30
Weai wokawalere pele weyea nahinggi re keaubonde.