¹ Namenene, me bee me ehine bee yeale , Yesus neai me re beaumiboke yo kaneumikoke mekate. Na uu rande Nehaloyea ketei ketemiboke, peledea wake, meli mekai einye, harenainyele, mokonatende, pele randa ehayo, puloyo koijate mokoijate, male yambi hubainyeleyo, enate nou henaimile, foi hubainate onomire yaronate. ² Me bee me ehi bee yeale, me re beaumiboke, neai ro niyea Simon, Petrus rea eipainye-na aka beake Andreas yeale, nawaneng Yakobusre Zebedeusre, na aka beake Yohanes neaijale. ³ Filipus, Bartolomeus, Tomas, nawaneng Matius, roi ninggire yoboweke ro Yakobus Alfeusre kelu, Tadeus neaijale, ⁴ Simon ro miyea, na waneng Yudas Iskariot. Yesus re keme me re neke. ⁵ Yesus neai me re beaukoke hului, nanemene me bee me ehine bee yeale pele na uw mokoi yo re, a weumi, iteayeumi meyea rohi miyea hi meai nibira embe wenembe nawaneng Samaria meai yo pulu re meye ei arulei jea, ⁶ Meye embe Israel ro miyea pukore, peleyo ekainekate nibi yea alainyekoke ekai oneate. ⁷ Meyea embe engshubayembe na, mai niyea iteayemmike, warare pommile 'surga yo yang meke nobe na.' ⁸ Nekaube re mare yeijea yeibuayembe, pelene maijale, ehiyore neai mekai yeng mi wende. ⁹ Roi minggi, robooni rela uw, weai uw yolu ne, e hikeai eiparai jea, ¹⁰ Nawaneng weai nibire are eye hokou uw malo bee hului weai uw kaite hebeye, hului hakowa koloungele weai eukowendera pele eite anggoite koukonde. ¹¹ Na pelewaneng ehi yoho kou yo pulure euaruleufinde uw angga hole moloye, pelera beeneng kulung poye aloungele. ¹² Imea ei obe eite, eleisi akoiboite kowende, wa a melali, a melai na yopola uw yea hakaumile. ¹³ Weai nekei honoi anuau, uw foi hubaungelena, pele foi weare herawete, nekeye nawaneng mehi re eungehubandenle pele foi weai uw ne ponoukonde. ¹⁴ Weare ehakoi, e boroi konayete pele imea, pele yo yang ra eukuwende napelene woro na neng pahe wei weye wowonde. ¹⁵ U itea hele wearo yakala wale, moinye yane, hinei hokoi yane Sodom Gomora na me yakale yeuboke waneng, pele mekai rake yo yang ne kabang hele mendeleneng konde. (Ehe-Bukulu Yesus Na Yebaei-Bubaei Hubananyele) ¹⁶ Ereng, mai uwre foi ronnebombe, na waneng iteaire iteayembombe reyea mare obo waneng hayerenggombe, yoku ekai hebate molore, pelene wamale, mai wali buheikoite, ehakai kulei kiyoye uw yea harennele, nawaneng aye kombo meai kena ruwboi, kena yea rowembe. ¹⁷ Nawaneng mai uw foi buhemembe, maikaiba mare ikelenayem be Yahudi meai be yu be yeba pere embe, mare uwre kee waloyea awenayembe ikeleuayembe hebembe. ¹⁸ Reai kenane, reai earene, mare yawenayembe yo be yang be re nekate bene kulure wayang de molonayembe. ¹⁹ Mare enainenayembe, meyea kehi wahire eibeijea mai emelenggombe a, relahi mokorenehande, meyea mai euwba feauka balenayende, boronate, iteainate. ²⁰ Hawbihine bang, pele a feau mainya bang. Mai Ako kanaungele nehalo yea mare wembe peleyea mai euwba feauka waumile. ²¹ Aka beake neneai ro yu miyea yu filenate. Ako nake, nakelu omi moloite, neneai me yea molonate fafa ro miyea pena yo hokolore rokoi feaite eifeai konate neneai meyea nahinggi waliriyau ponaimile. ²² Reare raukeboke hakaukebo ne, mare yokeire me beayembe peleyeare, ro miyea minye yea reai einye elea menghebengkonde kiyea neyea wali endowende. ²³ Wali fee buhea ne feaijauge, hakai biyauge yohine eiyeaibiyauge peleyeare ahele yea mare wamale, meahea horo engfeambombe re yo rang yang rang da komembe, meyea Israel meai yo honoifialere asasire ekoikoimo, Hubaro, mando re kelu neai uw mende. ²⁴ Fafa yea iteaite keleaimi yore, eraimile, kanaimile neai mekai, na uw mokoi, abu akho yea, na ro ware ereunge feaunge. ²⁵ Fafa itaeijale rore eyeiboi hangga, namekai umokoi na roware mekai eyeiboi hangga. Imae rorelere Berzebul yae kaeneinyele na, na nebam hele imaena nekate yo. "Fe Allahre mo faemande, romiyaere bam. ²⁶ Pele pulore mokate yore, meyea erokoi efeaijea, neai me uw hareijainye nanemene nung keleaunge ei howoija. ²⁷ Makayea mare nung da ukembe, meyea a yakalare iteayeng mile, nawaneng ma eunggeai ne a yeng nende, meyea yembe imea yu mokoranda iteayemmile. ²⁸ Mai uw honayembe yo re, pelere fee efeaijea, peleyo weai walire enukeisaija pelene, weai feaite feaungelere Allah nembai, Neyeare walime re riyau hombonde. ²⁹ Roi ninggi mbaite roweyere, aye bo kiki bee re eyea naite heibiyoyea nakoijate ate mate, a kani rande ruwende, Ateai jea wei hiyeumire neyea ruweye oye. ³⁰ Nawaneng, wa yu ne uwnga hebayete, nanemene neai meyea beauboke. ³¹ Pelene, meyea fea buheare ehokoije, meyea aye bo kiki waneng bang mai Neyea pumane haungehikimbea." Wo Ye Yesus Re Earene, Ro Miyea Ehi Yo Bene ³² Pelene, minye yea Reai kena, Reai earene, ro miyea be ne elondele pele uw pele mekai waneng, Meakore be ne neai aere olerekonde. ³³ Nawaneng, hinyea reai kena, reai earene, nawaline reare elu eare bang neai mekai Meakore bene reyea neare moi bulerembonde." Yesus Neai Meite Hareungeboke Re ³⁴ Na ikai ba, uw bene nekenembe, Reyea onomi yea roukale rake kani kelarande male, peleyeare, foloi hayei heneng bea roukele merele. ³⁵ Reai merele, kelu omi, neako nenake pukora here poremile Na fauw miye, ³⁶ Ro erembe elea ahauke kearemile. ³⁷ Hinye neako nenakere buhea kabang de koumi, nawaneng nakelu omire buhea kabang heumi, pelere reyea me re ebeai boi. ³⁸ Hinye namokoi kaiboite ekeaiboi, nawaneng Reare ehakoiboi pele kiyeare Reyea kenare ekoi. ³⁹ Hinye no hole molonde, pele no neai uw nundende, peleyeare Reai earene pele no eke nundewounge, neyea ende hubayenggonde. (Raei Aerene Allah Hokonembonde) ⁴⁰ Hinye mare weanshikembe reai earene, peleyo reare weaitehiyke reare feauhele ra,pele Neare weaungehi, Reare ukeuke mekale kiyea. ⁴¹ Abu akore mokowoyea, weai roweite abu ako huluinye eukowende Ahele feauhele ra wali harewanea, weai pelera eukowende. ⁴² Nawaneng, me koi uw koite koijaimile ro miyeare, bu nuku horo koleinye keaisande eungiyende anensinde Ahele wawale, pele kiyea re nou enai henainyokonde.