Yesus Na U Na Mehine Bee Yebaei-Buaete Yakalaumiboke

¹ Pelera mainyekeuko kera, Yesus na murid-muridre uw yakala re Tiberias bukounge meke yakala meumi haukoke, nawaneng namekai kakalare na uw haukoke rakeng: ² Pelene Simon yea weumi, reyeaka re berendere, ehiyiyea wainyele meambele hakomakondere kaiyne aisaweuboke eibate- peleyeare pele reniai ja ka ehi waneng ehubayeikoumo. ³ Simon Petrus ehi yore yae weumi, "Reyae kare ere baendere!" Ehiyo yae Petrusre wainyele, "Meyae namekai ware hakomayeubondere!" Kayine hawaiboke naisike eubate, beleyaere, reniyai koko ya meumiheuboke, ka mbai-sambai ehubayeikoi. ⁴ Hu i mekui rorowoye yea, Yesus erawainele bu heainye meufebeunguke peleyeare niyea itiang pele niyea Yesus. ⁵ Niyea rake yore weumi, el, fafa, meyea ka yeale?" Peleyea wainye u heleya." ⁶ Yesus yea weumi mai kaiy meuge reufire yea ma wau womo meyea ka re hubayenggobe neai ekemi waneng kaly meuge pohine wau wokate -yobowate hawenatere na hului bang, haubihinebang, pele ka heleng selene. ⁷ Yesus na murid buheare heibounge kiyea, Petrusre weunge, rike eai Tuhan Simon pele a mo boroukera, na uw malo eukuauboke, malo ehiyea hireukoke honoungihiki buna. ⁸ Murid-murid ehi, kayra awaimeke, na wau ka yea meamea koumikoke yeale yaba isore maiparauboke pelere ahau hele bang yabare na ahau pele ohora 100 meter hului mo. ⁹ Yabane meaiparau boke ra akaikoke, erate iseng rangne ka yeale honate nakelaunge feuyeale. ¹⁰ Yesus yea weumi, pele ka hubayaukoke eih roweng mei iyne hanemakonde. ¹¹ Simon Petrus kayne eufebeuke, pele wau kaya meamea koukokere yobouboke yaba yauke ike, ple ka me bekokate ka kabang kabang demo nanembe 153. na waneng ka heleng aruleaiboke, pele wau kayeikoi waneng de eikayeikoi hele. ¹² Yesus yea weumi, "Mebu ehamang menane." Na murid-murid mbaijea a re eheinei, "Weyea hinye?" Pele neai uw iteaite iteayeaiboke pele, neai Tuhan. ¹³ Yesus meke pele feu rouke na murid-murid ikeumi nameka ka yeale ikeumi anewate. ¹⁴ Rake roko nameneng kiyea Yesus neai uw na muri-muridre kakalare haumikoke pele herekate yo nolora meuwalobokera.

Yesus Petrus re Weunge Na domba-dombare kaya Hebemmilere

¹⁵ Hamang anai kokera mo Yesus yea Simon de aweunge, Simon Yohanes re kelu weai kena buhe emeikai yeale raele weyea heare rake yora Petrus tea weunge, nahele Tuhan weyea waiteai yerea weare kena buhea heawale- Yesus yea weunge reai romiyea weyea kaya hebeye hole moloumile. ¹⁶ Roko beneng de Yesus, "Simonde weunge Simon, Yohanes re kelu; weai kena emekai yeale reare weyea hearea, Simon bea weunge, nahele Tuhan weyew waiteai reyea weare kaya hebeye hole moloumile!" ¹⁷ Yesus roko name neng de Petrus hineunge, "Simon, Yohanes re kelu weyea reare kena buhea heare?" Yesus rake a waneng roko name helere hineungene, Petrus nakena himi hele hubawounge Petrus yea wunge Tuhan naneme weateai bangga mo, reyea weare kena buhea heawale neaite weyea wateai! ¹⁸ Reyea a nahele yea wawale, "Weyea nahokolone weai uw yolo nahinngi aloungende eye. Peleyeare um ane haungihinde rohele meijeibonde ne weai uw yolu me mahau bea rkinate ikelenate namekai weare yawenayete weyea kanare ekoi anuw au ijene hakoumile." ¹⁹ Yesus rake a waneng hareungebok pele Petrus nibire uw mekai jea keleungeboke "Petrus meahea yea harennebonde Allahre kalia makondere rake weungekokera, pelera Petrus weunge, reare hakoitebo? ²⁰ Petrus moite euwekw ereunge Yesus kena buheare heunge kiyae na moinye hakauboke, pele kiyea Yesus nimeko ne parauboke huwe haman mbainye, anggute na murid-murid yeale na a hineungge, Tuhan, weare hinyeyea kelaite mende nenete? ²¹ Rake ro kiyeare ereungeboke Petrus, Tesusre hineunge, rake ro kiyea m niyea meahea mekai? ²² Yesus yea weunge, " reyea kena kale niyea nawali mo nekende, reyea beneng merele ne " pele wambele elakonde a bang peleyeare, welea reai moita hakoitobo. ²³ Pele a eleukokene, rake a naka beake re hureukoke elewate rake murid niyea ei herei mo nekende, peleyeare Yesus a namekai hareungeboke, reai kena kolere rake kiyea ei heremo nekende beneng terea melere, pele a wambele re eyeikoi hului. ²⁴ Rake murid yea nanemende re huweukoke beaufoke nawaneng neainya erewoye molowoyere nanemene nahelemo. ²⁵ Yesus yes mehi mehi mokowoye, na heleng emongkoi. Nanemene mokoukoke nauhubara rawandeboube rake homo moloukoke nanene honatere rake kani kwla anuwau bang yeuboube.