¹ Pelera Pilatus eite eweufike ukeumi Yesusre hiyenainyelere. ² Fela yo yea o isa mo na measa yea yea ondofolo yea hitare waneng. fokoma waneng mbai mokaiboke roukate Yesus na yun rangine obunainyeiboke. ³ Peleyo uw nobere mekate, "A uw, keakea kainye, ro melai meleayeainye wainye, onomi koka. ⁴ Pilatus meukuke nawaneng weumi, "Ereng reyea Yesusre yawerenhunde mai bukore. pelene meyea iteayembe rake ro neai uw einye nebang mbai hambai reyea reyea ehubayekoi ja." ⁵ Pelere Yesus yawanyehoke meukuke ma uw malo fi kolei waneng hirainyekoke na yun fokoma isa yea obunainyeboke. Pilatus yea weumi, ro erenne. ⁶ Imam yun yun nawaneng felayo yeale, Yesus erekainyere, "Kela kanate ohaline ponggo, ohaline ponggo Pilatus yea weumi, meneai jea ohaline ponggobe, nauwre eleube ro, nebang mbai sambai reyea ehubayei koi sele." ⁷ Yahudi romiyea yea wainye, meai wali hee folaikoke honaime huluinye neyea herende hele, haubihinebang neyea neai uw re Allahre keluyea eleukoke ne. ⁸ Pilatus rake a waneng borowoye, buhea kabang hele hokowounge. ⁹ Pilatus peufoke are kolainye obere eweufike, nawaneng Yesusre hineunge, weyea neai hele mbeleno ro, "Peleyeare pele a hineunge re?" Yesus eyeikoi. ¹⁰ Pilatus yea weunge, "Weyea rambele a eyelei hele weyea oneyeane rambele a eleyei hele? weyea oneyeane weare buleareubonde neaite, ohali ne boreikote neaite reai me einya mo nekate honate?" ¹¹ Yesus yea weune, "Allah pele hambung weare ekinyeiboinya, weyea reai uw rande me ekileiboi hului. pelene reare weai me einye kinyeibokote kiyea, na nebang sabang kabang helese." ¹² Pilatus rake a waneng boroukoke bea, Yesusre bulea renekondere relewounge, peleyeare Yahudi romiyea kela kanainye weyea pele kiyare, "Hayeinyokonde weyea rake kani kabangna ondofolo Kaisarre kahili bang ro miyea hinye yea neai uw re ondofolo yea elendena, neyea kaisarre yokeijo." ¹³ Pilatus pele a waneng feau waneng boroukokene, ukeumi Yesusre yawainyehoke eibate anuwau mbai Litostrotos ( Ruka felaikoke auwau ) Ibrani a feaunge Gabata, Wali hului koloi ro neai anggeng nuwei ranne nuweuboke. ¹⁴ Pelehe hu meke yaukang ne ike (12) Hului Paska mon na uw mokoisayaimi ya Pilatus yea Yahudi romiyeare weumi, rake mai ondofolo niyea. ¹⁵ Rake yo yea kanate, "Hombo ! Hombo! oholine banggo!" Pilatus yea weumi makane mai ondofolo ohaline borokondere wauke Imam yun yun mea wainte, Kaisar mbaimo neyea meai ondofolo!" ¹⁶ Pelera ohaline bonaikondere neaite, Pilatus rake yore kinyeumiboke.

Yesus Ohaline Habaeikoke

¹⁷ Yesus meukuke, neneajea ohali pakanne keaboke aloungekoke anuwau Na Ro, "Yun Bo" meke (yun bo Ibrani a feaunge, Golgota ). ¹⁸ Pele anuwaunge Yesus ohaline paikoke, ro bee yeale nanembai nye baikoke ehi nameli reufine, ehi na meugene, Yesus na nolone. ¹⁹ Yesus neai baikoke ohaline, Pilatus ukeumi rake raka homo waneng bea molonaikonde mo ungate "Yesus Nazaretna Ro, Yahudi Maei Ondofolo Kabam." ²⁰ Pele raka homo Yahudi romiyea Heleng roibate, haibihinebang Yesus uhaline baikoke na anuwau yora ahaubang na mekai pele homo Ibrani Latin Yunani afeau bea neai ondofolo. ²¹ Imam yunyun mekate Pilatus re wainye, Yahudi romiyea neai ondofolo yea omolojea rake waneng mea molonggombe rake ro eleweke reyea Yahudi rimiyea neai ondofolo. ²² Pilatus yea weaumi "Maka yea reyea moloukale waneng, pele waneng nekeu!" ²³ Pele felayo Yesus ohaline baikokera, ekate namalo yaraikoke, pele malo yea waheaikoke neaite neaite mbemba yaraikoke, Yesus neai uw keloaunge malo kabang rokate, pele malo bumara oke ane ehaikoi. ²⁴ Pelene rake felayo ehiyea ehire weunge , rake male bohi bohi yea efoijea - mem eyea oye nihemakonde mo hayemande hinyere yembonde pele homo rake waneng molaikoke. Reai malo mbea neyea waheikoke Nawang reai malo kabangde oye yea seikoke. Pele felayo pele mekai jea Harainyeboke. ²⁵ Bele hee, Yesus nenake, nenakere aka baeke, Kleopas namiyae Maria, namekai Maria Magdalena nemene ohali kelaunge hebewate. ²⁶ Yesus nenakere erewounge, namekai buhaere heunge kiyae bela anuwaunge hebewotene, nenake re weunge, "Maengge, Wa fa re erete!" ²⁷ Belera Yesus na murid buhaere heunge kiyae re weunge rake niyae waei na. Bele heera rake murid yae Yesus nenakere yoboungeboke naei imae obe einye eke nekeweke. ²⁸ Yesus naiteai benate hambung nanemene nahului yeaiboke Allahre homo feane molaikoke na huluite mokonembonderene: Yesus eleye reyea buki yea kale. ²⁹ Pelene anggur bu maninng mo honoye. pelene hebate yo koleai mbai pele bu yealene hakalune yawaisike, o ha mbai na ro hisop na mansea Mbai iseaiboke pele hakalu roukate mo Yesus anensinde re - boneite yea mokainyeboke. ³⁰ Yesus pele Anggur bu manimho feleayeufikera na eleye ninea nahului yeauboke pelera na bee are noke no u eijeuboke hereke. ³¹ Sabatre mokoisayainne yane yuubokene, nawaneng rake kulungne sabat Paskah ya kabang rukene, Yahudi yun yun, ohaline paikoke here no na hibi hilonatere ahi hele elewate, pelene ekate Pilatusre riyanyehike ohaline hilate yo haleyea noro senaimikondera no are onate. ³² Pelera rake felayo ekate Yesus neai nembainye ohaline paikoke ro bee weai oro bo beere isaikoke. ³³ Peleyeare, mekate Yesus pukore ereinye Yesus hereke ne, pelene norome ei isekoi. ³⁴ Peleyeare felayo na mbaijea na me na emensa yea Yesus na kelenggera neke nabihi oki yeale bu yeale balewate. ³⁵ Rake ro neneai ijoko yea ereuboke, a nahelere niyea yakalawoye nawaneng na reke ne neai a yakalawoumi manemeng nahele, pelene boronate romiyea ehiyo nahele re elenate. ³⁶ Rake Allah neai homo fea yolo yolone molaikokere nahuluite yembondere pele uw mwkwi mokaiboke, rake waneng bea Allah homo fea yolo yolone mohaikoke Yesus neai uw na bo, mbai sambai ei iseiko mo. ³⁷ Na waneng homo fea yoloyolo ehi kiyea neai einye molaikoke nekeye nenai me yea emeisare nekate. neneai ijoko yea kanewainyele.

Yesus Molaisake

³⁸ Peleramo, rombai yusuf Arimatea, yona Yahudi romiyea, niyea Yesusre murid, fee ne nunda nunda meke Pilatusre riyewounge Yesusre na uw mo rowende neai bulune endansindere pelene Pilatus eneyea koingekoke, Yusuf Arimatea na ro, Yesus hereke na uw no niyea rouke. ³⁹ Nikodemus na bere Yesus pukore reniai jea meke kiyea pele nambele mekete. Nikodemus yea rake Minyak fololo, Mur yeale Gaharu yeale nehekeai 30 kl hului ruke meke. ⁴⁰ Pelera Yesusre here uw no, Yahudi romiyea here uw no re mokoyaimi huluijea hokolo bee yesusre hereuw no Minyak fololo yrale rileinyeboke malo linen einye ruleisike keabokote eibote. ⁴¹ Yesus ohalire paikoke keleaunge heke mbai honowoy, pele heke einye pukara bule mbai neme hele weaikoke, nawaneng pele anuwaunge rokombai here no re pelene ehasiymo. ⁴² Peleya Yahudi romiyea Sabat yare mokainyehake ya, nawaneng rake bule nobene, Yesus na hereno roukate pele aitasike.