Pasal 15
1
Yesus yea eleye, "Reyea anggur na no hele niyea meako anggur no melemere raufike, holeye, nareye kiyea niyea.
2
Reai uw ne roraikoke akau meansea anire ei mokoi yo meako yea folonggonde ani wawa mokonatere neai, anire kaite meansea akau neyea fanyemile.
3
Meyea reai kelewa male ne, mare fanyembokamale, pele ako feau meyea itea yeauboke ne.
4
Pelene, meyea reai einye nekembe, reyea mai einye nekerele anggur no hebeye, akau meansea ani re nenea emei balei hului pelewaneng, meyea reai einye nekembe.
5
Reyea anggur na no neyea, meyea meansea akau romiyea hinye reai einye nekende, reyea neai einye nekerele, namekai ani heleng de balenende, hinye reai uw ra wenende, pele anine ekoi hului.
6
Hinye reai einye bang, meansea akau anire eimokoi, pele enai wonde meansea akau waneng, kalakala re pende, nawaneng ruwenate enai kanainyehinde iy beye einye eng hukelembonde.
7
Meyea reaieinye nekembe nawaneng reai uw iteai waiteai mai Wali ne nekenende makayea mai kenare kaube, pele nanemene mai Wali einye kolorembe hayerembe.
8
Meyea ani heleng eng mokombe ne, meakore hili enainye hebende, mai me uw mo kaube yea emmi yakala mile, meyea reai moita hakauke koko mau be yo."
9
Meako reare buhea heuke me, pelewaneng reyea mare buhea hamale pelena meyea reai kena buhea einyemo nekembe.
10
Meyea reai keleamale einye nekembe mokombe, meyea namekai reai foi einye buhea herembe nekemembe.
11
Rake mare yakalamale, mai kena reimai onomi foka mai Waline nekende nawaneng pele reimai onomi foka mai Wali einye meamea re konembe.
12
Rake a mare wamale: neyea mai uw mbaite kena buhea re komembe hemembi pele namekai, reyea mare kena buhea re henggo kale me.
13
Kena buhea emeikai yeale uw mo ya, pele kena buhea emeikai namekai ro mbai eke na kahili earene eunaleukoke hereke.
14
Reai um teai keleamale ne meyea boraukele, hakaukele ne, pelene reyea mare reai wafeu ke me beamale.
15
Reyea mare ye beai bu beai ro re ekanei, haubihinebang pele ye beai bu beai romiyea neyea itiyang na rowa re makayea ekehareunge peleyeare reyea mare reai kahili wafeu ke wamale pele na eare makayea meakore na borou bokale, pele nemmene mare iteayembo kamale.
16
Meyea reare eleaukebo bang, peleyeare reyea mare elengbokamale nawaneng hereng bokamale embe mokombe, mai Wali einye ani enaikonde nawaneng mai Wali ani konembe eita, mai reare riyendele, reyea meakore borensinde, meako yea yendele, reyea mare itembe.
17
Rake a niyea, mai uw mbaite meneai kena buhea uw buhea re komembe hemembe.
Yesus Na Yebaei-Bubaete Humkolowoumi
18
Rake kani kelana Wali nebang nibine ohate romiyea mare ikele kona yembe na pele mai uw itea te nekembe pele yo nabere reare ikele koibatele.
19
Meyea nahele rake kani kelana oro mena, meyea makani kelana yea mare me beanayembe. peleyeare meyea reneaijea elengbokamale roukamale, kawem bokamale rake kani kelara emabalende re pele earene rake kani kelana mare kena bang de kayembe.
20
Reai a feau iteayamale foi jea benere nekenayembe, ke beai bu beai romiyea, neyea na rowa re moi ei hayeikoi neai mekai, romiyea reare kulubo wayang molonatele, pele neyai mekai mare kulubo wayang molayembe. nawaneng neyea reai ako feaukore boronate hakonate, pele waneng mai a iteayeaumi re boronaibonde.
21
Peleyeare rake nanemene mare hubanayemberemo, pele nanemene reai ro earena, nawaneng neyea neai ukeuke mekale re neyea foi eiroiboi.
22
Reyea rakere emei nawaneng a yalaka ehaikoinya, neyea neai uw re pulo bang mea hubainyele. peleyeare reke hee pele romiyea na nebang de felenaikondere nibi re beanatere u ua.
23
Romiyea reare kena nebang konatele, pele na mekai meakore kalinyele.
24
Pele holona yo, nolone, ro hi miyea hi yea roko mbai emokoikoi hului hambung reyea emokoikoinya, pele holona yore uw nebang nebang bele me re ebeai. pele yeare rake hee hambung emere-emere mokowale nanemene pele romiyea erewate horo peleyeare neyea reare ikele koibatele namekai meakore ikele koibanye.
25
Peleyeare Allah ako feako taurat homo fea einye, pele yo yea na raye kainye anaibonde: pele romiyea naikele kena nebang reare, pele na eare bang sele.'
26
Mare holenembe kiyea reyea meako re ra mai bukore ukende mende, pele Roh nahele no re yeuboke meako men nele ayea mokoye, pele Roh yea reai a iteayem mile.
27
Meyea neai mekai mbai, ro miyea nanemene reai a iteainyemile haubihinebang meyea na bemere kenenggo kamale homo mbainye ohandeke nekande earene."