Yohanes Bure Kolowoumile A Yakalawoumile
19 Neai uwre a hinenai nyehindre, Yerusalem na Yahudi romiyea Imam yoni yoni Lewi yohona ukaimile Yohanesre pukore enatere, neyea Yohanes re hinainye, weyea neainya hesele hinye? 20 Pele a hinainyehine Yohanes na a yakala yea weumi, reyea wali ondofolo bam ma. 21 Neare beneng hinainye pelewanengna weyea hinye? Elia? Penewaneng ne Yohanes yea weumi niyea bam. 22 Pele yo yea wainye, weyea neainnahelele hinye? Ukaimele yore bemabonde emamiwendere, weai uw neai sele hinyekea emalenggondere. 23 Yohanes neai uw neaite Allahre a yendo kayaro, Yesaya homone moloukoke a waneng yea weumi, ro mbai akala kalara bu kulu eke boye, Tuhan de nibi hiyem ranembo! Reyea pele kiyeare yeubokale. 24 Nawaneng peleyo nolone, ehi Farisi holona romiyea. 25 Peleyo yea Yohanes re hinainye, weyea Allah neai ayendo kayalo bam Elia bam nawaneng Allah ayendo kayalo mearakannele kiyea bam bea weyea hinyere ro yea bure kamea?" 26 Yohanes yea weumi, reyea bu yeamo keammeale, peleyeare mai nolone ro mbai hebeyere meyea neare oneaunge. 27 Pele kiyea niyea reai moita mende, neai oro memalu ha neihi kulaibote reyea eikulaiboi hului, namekai neai bene reyea ro bam hele. 28 Rake me uw mokowoye nemene Betania yo honoye, Yordan na wi ene reubihine Yohanes bure kolowoumi anuwaunge beibuate.Yohanes Yesusre Keleuboke
29 Ya heuboke mo, Yohanes ereye Yesus neai pukore meye. Pelene hebate yore Yohanes yea weumi erenne rike kiyea niyea Allahre domba kelu. Rake kani kelana romiyea nahimi nebang fanyaeiboite, rake kiyea meye neai yea kinyembondere. 30 Rake kiyeare a yea na bere waneng bea a hareunge bokale iteaibuamale. 31 Nawaneng reyea nabere oneungekokale, pele kiyea hinye, peleyeare neyea Israel romiyeare neai uw yakalamibondere, pele neaite reyea bere holo yea koremilere mekale. 32 Yohanes Yesusre neaite rake waneng mea a iteayewoumi, weumi keyea ereubokale, Allah Roh aye merpati waneng mea yaku pumara oke neai yu rang ne oufebeunguke nekeye. 33 Nawang eiteaiboi pele kiyea hinye, peleyeare reare bu yea koremilere ukeu kiyea, rake waneng mea ukeuke. Weyea ereye Allah re Roh, Pumara onde ro mbai nauwe ranne onsebenunde kiyea, pele ro weyea bure kamea waneng neyea dea romiyeare Allah re rohyea konemile. 34 Nawaneng reai jokoye erekanalene pelene iteayamale, nahele neyea Allahre kelu.Yesus Na Yebai-Bubaei Nabere Eleukoke
35 Ya Heuboke mo, Yohanes pele anuwau nge na moita hakonyo boke robe yeale hebewate. 36 Yesus nabera meiboye ereungebokere, na a weumi erenne rike niyea Allah neai domba kelu niyea. 37 Yohanes namoita hakonyeboke robee, pele a waneng borokotene nahibi Yesusre moita hakonyekoke meitene. 38 Yesus ereumi, rake ro bee na moita hakonyekoke metene, euwgeke hineumi meyea makayea beaumiyeube? Hokolo bee yea weinye, Rabi(namekai Guru) weyea mbelene nekeyea? 39 Yesus ye weumi, mebu meneaijea meberebo.Hokolo bee Yesusre hakonyeboke nekewoye anuwauke ekate, pele ya koko napelene mo nekayoke, hu earai huikai keli hului yeuboke. 40 Yohanes eleukoke are baraibokene Yesusre na moita hakoninyeboke eih na ro Andreas Simon Petrus naka beake. 41 Andreas napeme eke beake Simonde a yakalaunge, meyea ekande Mesiasre hubayandekoke (Ibrani afeaunge Mesias pele Kristus) 42 Andreas yea Simon Petrusre yeweungehoke Yesusre pukore ekete Yesus Simonde ereungeboke ra weunge, weyea Simon, Yohanesre kelu mana yara weare Kefayea ro ronayewete (Kefas aram afeaunge nabeamba Petrus Yunani Afeau Yeale).'' 43 Ya Heuboue mo, Yesus Galilea kannire kulung wende endere a eleukoke pele he yea Yesus oro molouboke, meke Filipus mbea hubayeikokoite Yesus yea Filipus re weunge, Mei reai moita hakoibo. 44 Filipus neyea Betsaida na ro miyea, na waneng Andreasre, Petrus re neai yombai. 45 Filipus eke Natanielre hubayekokete ra weunge, meyea ekande neare hubayean dekoke, Musa yea neai homo Tauratne moloukoke nawaneng nabi nabi yea are kolainyemeke, neyea Yesus, Nazaret na, Yusufre kelu." 46 Nataniel yea Filipus re hineunge, Nazaret yo ra foi neai kayero nahului mende? 47 Filipus yea Natanielre weunge, mei weneai ijoko yea meinyereibo Yesus yea natanielre na ahauka erekeunge re na a eleye, erenne Allah neai me re beaye Israel yohona hele meye, nawali ame karebai bam kiyea. 48 Nataniel yea Yesusre weunge weyea meahea mekaira reare roukebokea? Yesus yea, weunge Filipus weare ekaneikoi he, reyea wabere weare erekawale weyea ara no kelene nekeyea 49 Nataniel yea weunge, guru weyea Allah re kelu, Israel kanina romiyea neai ondofolo. 50 Yesus yea weunge, reyea na bere ara no kelene weare erekawale a eleukokale earene, reyea na bere ara no kelene weare erekawalea eleukokale earene, reare hila rabo halearea, weyea iybauw emere emere emeikai yeale rake yakalau bokale re, mokorele yea weyea ewerende. 51 Beneng Yesus yea weungge, nana hesele yea wawale, wa ijokoyea ewwerende, yaku wewe kongkonde, Allah na malaikat malaikat reai pakore onate inyate konayende.