IBADAH DALAM PERJANJIAN LAMA ¹ Bena a Allah heteungekoke romiyeare wali himalainyeboke yo yea me beammile nibi a yea ei mom mom me u mekai neai, nawaneng rake kani kelana ei mom mom imea anainyununde neai keleumikoke. ² Pele hului jea ei mom mom imeare heaiboke, neinye yowa bee folaikoke yowa mbai kahore oro yeale iy hehe boloibiyate mehineng bee hambung yeale Allahre hila eha akau eha na feu yeale pele feu kolate anuwau yeale honate pele yowa Allahre yolo yolo anuwau wea roibainye. ³ Yowa bee neng do pele imea heere naisake malo kabang moinya Allahre yolo yolo hele anuwau wea roibainye. ⁴ Pele yowa einye o haka fololo yeale, onggouke felate anuwau emasra mokaiboke. Emasyea feleuboke Musare walora wali heera foloukoke a na homo fea hawaikoke anuwau yeale honate, koleai emas nehahina Allah iyboumi hamang manna yeale, harunde mehukun osi yeale, Musare walora wali heere foloukoke ruka yoni-yoni yeale. ⁵ Pele are hawaikoke anuwau walamba rande Allah nene weawea kiyeare malaikat maa yea cherubim yea roibainye bee hebate Peleyeare rake hee pele hambung yoni yonire meyea na foi jea ehameikoi sului. ⁶ Pele mekai jea nanemene mokainyehakera, nayane beai Imam holona yo na kalia mokoiboite pele imea bene reufine yowa eyeibo meyeibo kate. ⁷ Pele imea reufinare eyeisite Imam Kabang mo eyeisiyeye, ralo yakama mbai roko mbai hele. Nawaneng eyeisiyeye kulun, na mene obo yoku okiy yeale mokowoye yeale Israel romiyea na kobu yea me uw nebang mokowate yeale Allah fainyeiboi neaite mokoibiyoye. ⁸ Pele mekai jea Allahre Rohyea kelewoume, pele ei mom mom imea nammang honowoye yea, romiyea hosoro Allahre bukore nayolo yolo anuwauke enate nibi eyakalaboi. ⁹ Pele ei mom mom imea einye me uw rake heena nekande romiyea iteaimbea keleume ehira eha akau eha yoni yoni yeale obo yoku eifolate onggouke feleyeke yeale yea romiyea nebang mokowatera neai kena uw yolo yolo mokoiboite nahului bang. ¹⁰ Pele hamang bu onggouke feleikinyainye pele uw re bu kuikoyate eha hena nabune bune yeale uw moi neai eha hena mo, eke Allah nibi neme yakalauboke heene. ¹¹ Peleyeare foi yoni-yoni yeaboke neai Imam kabangde yembondere wali Ondofolo meke hee ne,ei mom mom imea neme meukuke.Pele ei mom mom imea ro rainyeboke nawaneng hiyei raneungeboke, Yahudi neai ei mom mom ineara, romiyea meyea omokoiboi nawaneng rake kani kelane Allah yea nuleungekoke hambung da mokaiboke bang. ¹² Hubabang heaibang neaite Yesus wali Ondofolo neai roko mbai sele Allahre yolo yolo hele yowa eite neai uw na okiy yeale eweufike,obo yoku, kambing yeale sapi kelu yeale okiy yea bang, neai uw na okiy rileuboke yea romiyea neai nebang mokowatere aheukoke beaufoke. ¹³ Yahudi maei agama huluinye kambing okiy, yeale sapi mukuu ha yeale nawaneng sapi nabee kelu haneibiyaitena ondowai yeale yea romiyea uw ranne heraikoyate nahului eha hena huluinye niki yeale romiyea uw moi yolo yolo mokowaimine. ¹⁴ Emeikai yeale Allahre kaliare mokomale neaite Yesus Wali Ondofolo okiyre rileuboke kiyea neai a eleyere hilarabo haleanne yea eai kena uw re feanyemmele Allah Hubalo Mando Roh ukeunge huluinye me nebang uw nebang Wali Ondofolo neai uw hili eha akau eha waneng mea Allahre onggou feleungeboke. Eare Allah yeale kaye molommebonde neai uw nebangde Wali Ondofolo nahului fanyemmebonde. ¹⁵ Allah a heteungekoke Wali himalainyeboke yo yea me beammile nibi neme a ranne Allah yeale romiyea yeale a elenate neaite Wali Ondofolo yea walora beumehake kiyeare yeuboke, Allahyea keaneumikoke romiyea neai kelu omire a heteungekoke, hubabang heaibang honate hambung yoni-yoni enaiyaronde neaite, Allah pele me uw mokouboke, romiyea Musare walora wali heere foloukoke are asasi kayeke nebang habangde ahenggonde beansonde neaite Yesus hereke. ¹⁶ Eba here kinyeiboyeunge homo rouke kiyea,pele homore mokouboke ro hereke neai homo kelemmibonde yea mo hambung rowende. ¹⁷ Haubihine bang pele homo waneng mokouboke ro nawali nekendena,pele homo haubihire eyeiboi,pele ro herende yea wa,pele homo ehaubihi yeale yembonde. ¹⁸ Pele earene okiy yeale yeare Musare walora wali heere foloukoke a eleare yeuboke. ¹⁹ Israel romiyeare Allahyea ukeumi wali heere foloukoke a nenemene Musa ukeumi heera,sapi kelu okiy yeale kambing okiy yeale bu yeale yea rouke aleungekoke.Pelera domba ma hasai ma yeale o ha Hisop meansa yeale yaroukokeyea pele homo fea yeale Israel romiyea yealere pele okiy yea hereaiwoumi. ²⁰ Musa yea weumi,Allahre romiyea wali himalainyeboke yo yea me beammile nibi heteungekoke mare ukembe huluinye nekembe a-Rake okiy yea pele are elea eleukoke. ²¹ Pele waneng mbai,ei mom mom imea yeale ei mom mom imea kaliare mokate hambung nanemene okiy yea hereaiwoumi. ²² Musare walora wali heere foloukoke hului Allah ro be royoinye hambung heleng hele holona okiy yea yolo yolo mokoikoyaimi,nawaneng me uw nebang fanyeiboite okiy yea rilembonde hele,nibi ehi u. ²³ Pele mekainye Allah ukeumi huluinye rake kani kelana hambung neai ro be royoinye yolo yolo mokanate neaite,nehahina surgana bune wane hamewaimi obo yoki okiy yea mokowaimile,peleyeare surganae wali himaloungeboke ro na okiy ha yea mokoumikoke. ²⁴ Haubihine bang,wali ondofolo ei mom mom imea hele waneng romiyea ainyunuke ei mom mom imeare eweufike bang,Allahre ro be royoinye ekehebeye. ²⁵ Pele mekai jea yea rake kani kela mokoubokokera Wali Ondofolo roko yea rokoyea neai uw kinyeumimeube nebang hubaunge, peleyeare rake huba mokoikoi yane. ²⁶ Yesus roko mbai kengmo meke nebang mokowandere fanyeiboite meufereke. ²⁷ Allah merau raungehike romiyea roko mbai sele herende, pelera neai walire Allah huluite emmikolonde waneng. ²⁸ Romiyea heleng buleng neai benang sabangde keauboke neaite Yesus Wali Ondofolo roko mbai neai uw kinyeumiboke, haiboke neyea roko bee nendo bennehonde mendene,romiyea neai nebang sabang keaboite bang peleyeare romiyea nare rakeimeyaine yore hole molommibonde neaite mendere.