IMAM MELKISEDEK ¹ Nehanina rake Melkisedek salem yona Ondofolo nawaneng Allah kunhoboi wauhoboi nekeye kiyea Imamde yeuboke, Abraham Kanaan kanina Ondofolo-Ondofolo yeale bulo fela relewainye yore meleumihakera, bokeufike meiboye hee Melkisedek bokore eke Allahre riyeungehike Abrahamde onomi yennele. ² Rake Melkisedekre, Abraham yea meleumihake yo yanna eba he roweumeke me bee kayero Melkisedekre kinyeungeboke, Melkisedekre ro namei, wali ijene hele Ondofolo, namekai Salem yona ondofolo na mekai Salem yona ondofolo na mekai, reimai ondofolo. ³ Melkisedek akobang nakebang, yoho yonggo bang na wali huba bang heia bang namekai Allahre kelu waneng rimo yanguone Allahre Imande nekenende. ⁴ Ereng, neai anuwau nabuma hele, Abraham mea fela eungerelekoke ro euferaweukoke yoyang na eba he yarowoyere me bee kayero Melkisedek re kinyeungeboke. ⁵ Tauratre walora wali hee re foloukoke a, Imam imam lewira yohona yore ukeumi, na akambai beake mbai neaita uhenayende hambung me bee kayero enayarilende bambea, pele romiyea Abrahamde orona mena mbea. ⁶ Melkisedek, Lewire yohona bang, peleyeare Abrahamrena me bee kayee ro yaroukoke, nawaneng pele Abraham nare Allah yea are heteungekoke kiyea mbaite Melkisedek yea Allare riyeungehike foi yoni yonira yennele. ⁷ Nawaneng eyea eateai nare Allah foi yoni yoni yannelere riyeungehike kiyea ana pele are eleukoke kiyea rera. ⁸ Yahudi neai yoho yonggo neai uhenayende hambung me bee kayee ro yarayeke yo nanemene fomene herenayende,peleyeare Abrahamde me bee kayee ro yaroukoke kiyea Melkisedek wali rimolone yanggone nekenende. ⁹ Nahului eyea elemakonde, Lewi orona mena yo Israel romiyea neai ehenayende hambung me bee kayee ro yarowate holona, Abrahamde walora me bee kayee ro Melkisedekre ikeunge. ¹⁰ Haubihine bang Abraham na fela roroukoke roibuna, me bee keyee ro Melkisedek ikeunge hee, Lewi ohonoi horo yeare, bena honoifiyoye yane Abrahamde orona mena yea hononggonde. ¹¹ Nehahina Tauratre walora wali heera foloukoke a yea ukeumi, lewire yohonare Allah neai Imam holonare inyaibonde, Harun mbai kaho yea orona mena neai waneng mbai Imam kaliare enaimokonde. Lewi holona Imamde mokowate walora Allah yea romiyeare wali himalainyeboke yo yea me ebeai huluinye, Allah Melkisedekre waneng mea ukeunge meke, Harunde holona Imam waneng bang. ¹² Nawaneng Imam kaliare mokate neaite mehi yeuboube yea Pele Imam kaliare mokate neai wali heera foloukoke na mehi yea bukainyehike. ¹³ Eai Tuhan Yesusre a mbea rakene haranale wawale Lewira yohona bang nawaneng neai yohora ro ehi roko mbai itukai neai Imamde mokate kaliare omokoikoi mo. ¹⁴ Nayakala hele eai Tuhan Yesus Yehuda yohona nawaneng Yehuda yohona Imam kaliare enaimokonde neai roko mbai Musa a eleikoi mo. ¹⁵ Melkisedek re waneng imam kabang ehi mbea Allah ranewekera, nayakala yeuboke Allah yea Musare walora wali hee foloukokene imamde mokate neaite mehi mokouboke. ¹⁶ Rake imam kabang neai yobe hakowainye Musare walora wali heera foloukoke huluinye imamde ranaitike bang, peleyeare na wali here yea nebangde omoikoi hului kiyea mbea ranaitike. ¹⁷ Rake Imam kabangde Allahre homo feane rake a mekai eleukoke Imam Melkisedekre waneng, weyea Imamde yeubonde rimolone yanggone nekewende. ¹⁸ Musare walora wali heere foloukoke hakowainye yea Allahre ro be royoinye romiyea mbai sambai wali himaloiboite omokoiboi sului nawaneng rake hee Allah Imam Kabang neme raneungerike neai walora eyea rabo elea halemale nahului Allah yeale mbainye nekemale. ¹⁹ Nawanen Tauratre walora wali heera foloukoke hakowainye yea Allahre ro be rayoinye mbai sambai wali himaloiboite omokoiboi hului,nawaneng rake hee Allah Imam Kabang neme raneukike, neai walora eyea rabo elea halemale nahului Allah yeale mbainye nekemale. ²⁰ Allah a holo koukoke yea Yesus Wali Ondofolo mbaijea raneukike nabena Imam holona yo a holo bang mea raneijate. ²¹ Peleyeare Yesus Imam Kabang ranendindere Allah rake a yea koukoke reyea a holo kale nawaneng pele are mehi yea eibukeisi weyea niyea rimolone yanggone nekewende Imam. ²² Pele a holo koukokera Allah are heteungekoke nibi neme romiyeare wali himalainyeboke yoyea me beammilere Yesus elea mokoungeboke pele nibi neme a na foi sele, Tauratre walora wali heera foloukoke a ra. ²³ Holo kabang sele Tauratre walora wali heera foluokoke huluinye Imamde beibate, haubihine bang mokawate ikainye herewate wali rimolone yanggone enekeikoi. ²⁴ Peleyeare Yesus wali rimolone yanggone nekenenderene Imamde huba bang heai abang mokonende. ²⁵ Pele earene Yesus nahului neai walora Allah yeale mbainye nekenate romiyea nanemene hele hole molommibonde, haubihine bang Allahre ro be royoinye pele yo eare olemmile neaite Yesus wali rimolone yanggone nekenendere. ²⁶ Pele imam kabang nahului eare nahibi hibi hakommele, neai uw mekai rake waneng nekeye, Allah neaite neare eleuboke wekeunge, nare a nebang ewei sului, uw mekai yolo yolo, menene uw nenere kate romiyea holone ebeaboi, nawaneng kunsoboi wauhoboi ranne ekaikeainye. ²⁷ Yesus Imam ehi yo waneng bang. Bele Imam holona yo, naya ne beai obo yoku okiy yea neneai jea neai nebang sabang bere fanyeibiyatera,yo kabang neai nebang sabang fanyeiboyaimi. Peleyeare Yesus romiyea nebang mokowate earene neai uw kinyeumiboke ohaline baikoke yea rakombai mo fanyeu miboke me uw rimolone yanggone hononende. ²⁸ Musare walora wali heera foloukoke a huluinye,elea bang ro yoni yoni holora Imam kabangde keabiyate nekeye Peleyeare Musare walora wali heere foloukoke a ukeumi hee ikai nekewatera Allah nakelu Imam kabande raneungerike neaite a holo koukoke, neai wali hiyei raneungebokene Imamde romolone yanggone mokonende.