¹ Pelene wali Ondofolorena a na bemena hele kelewaime nukemabonde wali Ondofolore einye henammebonde, neai a uw teai wateai keleaimene hakomakong eai hila rabo earure raimehikere a na bere kelewaime rake niyea, Allah yeale wahenaikonde uw mekai nebang mokatera nulu kenainyebonde neai, Allah hila rabo halenainyere. ² Bu re kaimi, romiyea uw ranne me kolaimile, romiyea nuluyo maheyo yora ananyunde neai nawaneng hubabang heaibang ehebukulu enainyehubande. ³ Allah kena konggondena rake hee eyea wali Ondofolo einye henamabonde neai a uw teai wateai jea kelemamile. ⁴ Hinye meaning rake hambung hubawainye, na bere wali Ondofolo wali hena bona nibi na afoi feaufoite iteayeaiboke nawaneng hehe yea na kena uw einye neamikoke, roko mbai Surga foi yoni yoni hubawate Allahre Roh aumiboke. ⁵ Allah yea eleye a na foi yoni yonire hubawainye. ⁶ Pelera Yesus Wali Ondofolo moi buleainyebokena, na hulu bang hele pele romiyea a uwteai uwngainyenggondera besonde na nebang sabangda beneng nulu kennembonde-haubihine bang neneaijea Allahre kelu beneng ohaline bate waneng moijea buleainye nawaneng mokanyeboke romiyea bene fee mokainye. ⁷ Meyea romiyea yeale kani kela yeale rake waneng mea arunemambonde kani kela ya yea moloyene bu fileungene mere uwre mokale kiyeare ohaka ha haka ani mokate,pele mekai kani Allah foi yoni yoni yeunge. ⁸ Peleyeare kani kela fonong kawa mo faukatena, pele kani haubihibang yeuboke, na hului olomoyea nenembonde, iyne uwngayonde benggonde beansonde. ⁹ Aka neai beake neai pele a uw teai waneng wayembe horo, mai uwre ayeiboite kenare elea hubannele,haubihine bang Wali Ondofolo hila rabo haleyaungelene, Allah hole moloyeumi romiyea yea nekaube. ¹⁰ Meyea Yesus neai eleuboke wekeumi romiyeare kena buhea heibaumine rake hee yeale hakoimeyaumi. Pele nibiyea meyea Allahre kena buhea heibaunge Allah uw mekai naijene mokoye kiyea, mai me re uwre neai uw benera enundeikoi hului. ¹¹ Meyea kena hele kande Allah nuleungekoke a huluinye mokondere rabo elea halembe neaite, pele me foi uwfoi na hibi hibi mokomembe. ¹² Meyea buhea re ehenaijea, peleyeale romiyea na nebang ha bang mbea Wali Ondofolo neai a eleyere hila haleate walora Allah are heteungekoke hambung de yarate romiyea bune wane hamenembe. ¹³ Yahudi romiyea ro re roibainye yobe Abrahamde,Allah a haufike Allahre ehiyea hayea ehameikoi huluinye Allah neai royea a holo koukoke. ¹⁴ Neyea eleiboke, nahele reyea ware foi yoni yoni yea erei hawerete nawaneng weai orona mena mokoremibonde heleng buleng hurende nalende. ¹⁵ Abraham nakena habayea rakeweke, pelere Allah na are ukeunge huluinye yakala haukoke. ¹⁶ Romiyea ehi a holo kaikoke yembonde neaite, pele ro re raimile romiyea neaite elea yarate aholore kate nahuluite hubainyele. ¹⁷ Allah neai kenare koukoke a hareungeboke hambung enaiyaronde romiyea yakalamibonde, na merauke kolo weunge huluinye enaibende yakalande, a holo koukoke. ¹⁸ Mekai uwkai mehire eyeiboi hului, Allah nanekeyere ame karebeite ewabei, ehubaisi hului-Eyea Wali fee re mandefeauboke re, Allah neai hung wainye mande parake-Pelene eyea eai hila rabo elea haleannele warare boijande. ¹⁹ Eai hila rabo elea healea, koli wealire beannele, pele ahele hele eai walire hungma, napelehele walora eyea nahului ema balende, pele reba wokaite moi bulemande. ²⁰ Emale Yesus meuwefike, eai nibilo keleito walora emme keammele Imam Kabangde me uw haramale, Melkisedekre ukanea me meyea haremande.